jessica1207yi : 個人主頁 - 相簿 - 訂閱  [ QOOZA - 論壇 - 登入 ]
人氣：34739 
一切從蝴蝶酥開始
不知不覺愛上你……
我 的 資 料

暱稱： 低能仔♡低能妹
MORE...
«‹ July 2026 ›»
SMTWTFS
1234
567891011
12131415161718
19202122232425
262728293031
最 新 日 誌
•一切從蝴蝶酥開始
•半年後
•分開。。。
•放假喇
•安全感
日 誌 分 類
•全部 (1919)
•我的生日之旅@台北2018 (2)
•我們的一週年甜蜜之旅2014♡台北 (5)
•我們的三週年甜蜜之旅2016♡Osaka (6)
•我們的五週年甜蜜之旅2018♡OsAkA (4)
•我們的五週年甜蜜之旅2018♡台北 (4)
•我們的生活點滴 (1883)
•我們的四週年甜蜜之旅2017♡東京 (7)
•我們的兩週年甜蜜之旅2015♡台北 (5)
•我們的甜蜜之旅2018"♡澳門 (2)
•未分類 (1)
訪 客 留 言
最近三個月尚無任何留言
最 近 訪 客
最近沒有訪客
每 月 文 章
日 誌 訂 閱
尚未訂閱任何日誌
我 的 好 友
我 的 連 結
•差半步
日 誌 統 計
文章總數： 1919
留言總數： 87
今日人氣： 21
累積人氣： 34739
RSS Feed
2014 年 6 月 21 日  星期六   晴天
松葉蟹
今日依然都係好早就痛醒咗，食咗藥之後都係瞓唔番😭結果就起身同媽咪去食嘢，然後剪埋頭髮，就返嚟再瞓過。。。。但我發現每次當我晏晝瞓覺嘅時候，我手提電話都一定會喪響😓

今晚返咗阿麻到食飯，我帶埋 Boss送嘅松葉蟹過去，阿麻佢哋本身唔多食海鮮，尤其係阿叔。。。因為所有有殼嘅海鮮佢從來都唔會掂，但今晚佢同阿麻竟然食得好開心，我同爸爸都估佢哋唔到！

聽日就去台灣喇！要執嘅嘢都執好晒。。。。只要聽朝放埋低能仔啲行李落行李箱就完全搞掂晒。。。其實我想去台灣時唔再食林德华啲藥，因為食完之後，個人好憫同食煙都多咗，所以我唔鍾意睇林德华😔但可惜呢啲藥係一個療程，唔可以停。。。。 






 


分類: 我們的生活點滴
 [ 訪客留言(0) ] [ 編輯日誌 ]

2014 年 6 月 20 日  星期五   晴天
我們的十三個月。。。

 我們的十三個月


今日休息，冇諗過仲早過平時返工起身😓今朝未到9點隻智慧牙就痛醒咗，一起身先發現左邊面腫得好緊要，結果好唔情願咁爬起身去睇林德华，好攰呀😭😭😭

今日係我同低能仔拍拖十三個月嘅日子，佢今日陪我去買電腦，而我就陪佢睇喇叭！原本我睇中咗部 acer可以當平板電腦，又可以做 notebook嘅電腦，低能仔亦想我買嗰部，佢仲話佢幫我比啲，不過依家嘅我，唔捨得買咁貴嘅嘢用響自己身上，如果係送比佢就冇問題，所以最後我選擇咗一部都鍾意，而價錢又平好多嘅電腦！我扭咗低能仔好耐，佢先比我買呢部！我知佢想我買一部我真係想要嘅嘢比自己，但我真係唔捨得，我更唔捨得要佢資助我！其實買部夠自己用嘅就算，我情願慳番啲錢同佢去玩！

買完電腦我哋返番旺角睇喇叭，但始終都睇唔啱，最後又返番銅鑼灣。。。。搭車落銅鑼灣途中我攰到瞓著咗！結果響銅鑼灣想買嗰個喇叭，竟然冇貨囉😓最後我哋再冇行，就搭車返去。。。。響車我又瞓著咗，瞓到落車😥林德华啲藥真係好勁，搞到我又攰、又想嘔、又憫同吽吽哋。。。 落車嘅時候，低能仔同我講咗啲嘢，但我就因為又攰又憫而答咗佢一啲令佢唔開心嘅說話，搞到大家之後都再冇講嘢，對唔住呀！！！嗰句說話我冇心講架。。。。





 

分類: 我們的生活點滴
 [ 訪客留言(0) ] [ 編輯日誌 ]

2014 年 6 月 19 日  星期四   晴天
假期前。。。。

 今日係假期前最後一個工作天，超忙呀！因為要交低晒所有嘢先可以安心放假，聽日開始就係一連8日嘅假期，終於都可以抖吓喇！！

 
聽日係我同低能仔拍拖13個月，原本佢聽日要返半日，點知晏晝佢打比我話聽日放假，但星期六就要返工😓其實每逢我去旅行前一日，阿麻都一定要我過去同佢食飯，今次都唔例外。。。。本來諗住星期六低能仔放假，我哋可以下晝一齊，夜晚我食完飯先一齊執行李，依家唯有我響阿麻到食完飯，等佢收工返嚟揾我😘
 
尋晚冇乜點瞓，成晚隻智慧齒同頭都痛得好緊要，搞到今日嘢又食唔到，又攰。。。今晚低能仔出咗旺角，我收工後攰到唔願行去搭地鐵，又係去咗搭171出去揾佢！低能仔，對唔住呀！又要你等。。。。

分類: 我們的生活點滴
 [ 訪客留言(0) ] [ 編輯日誌 ]

2014 年 6 月 18 日  星期三   晴天
提早的13個月禮物

 尋晚有人比咗個 surprise我，提早的13個月禮物，cool魔嘅演唱會門卷，仲要坐得好前添呀！好開心。。。好想快啲可以同佢去睇cool魔！！低能仔，多謝你😘

 
今日返4點。。。不過一起身個頭好痛，痛到收工都仲痛緊😲臨返工前，返咗阿麻到！阿嬸話阿妹依家已經有7磅幾，醫生話應該呢一、兩個星期出世，好想可以快啲見阿妹，嘻嘻。。。
 
收工後，我落咗銅鑼灣揾低能仔，今晚食完飯終於都可以試到團購嗰間乳酪，好好味呀😌食完我哋就一齊搭車返去，不過我冇上到佢到，因為真係好攰。。。 
 
返埋聽日就開始放假喇！放到下星期六先開始返工，希望呢個假期可以令到我同低能仔感情都會好啲，我好怕我同佢之間，又會好似之前咁。。。。

分類: 我們的生活點滴
 [ 訪客留言(0) ] [ 編輯日誌 ]

2014 年 6 月 17 日  星期二   晴天
收工後。。。
今日唔止流鼻水，仲要嘔咗幾次，搞到個人冇晒力。。。。下晝都係冇乜胃口食嘢，結果食完飯後，去咗揾靚仔醫生！食咗啲藥好眼瞓，不過又返咗好多貨，一整整到成9點先勉強整晒，幸好聽日返晏！

今晚低能仔冇嚟接我，因為佢要幫我拎電腦出去。。。我終於可以擺脫嗰部嘢喇，好開心，低能仔話遲啲陪我去買另一部輕啲！收工後，我落咗 Mk揾佢，因為佢仲未搞掂。。。所以我就去揾佢食飯😘😘但我真係好攰，我冇搭地鐵去，而係搭巴士過去，呢一刻我只係好想好想坐！ 


分類: 我們的生活點滴
 [ 訪客留言(0) ] [ 編輯日誌 ]


« | 316 | 317 | 318 | 319 | 320 | 321 | 322 | 323 | 324 | 325 | ... | 384 | »