jessica1207yi : 個人主頁 - 相簿 - 訂閱  [ QOOZA - 論壇 - 登入 ]
人氣：34273 
一切從蝴蝶酥開始
不知不覺愛上你……
我 的 資 料

暱稱： 低能仔♡低能妹
MORE...
«‹ July 2026 ›»
SMTWTFS
1234
567891011
12131415161718
19202122232425
262728293031
最 新 日 誌
•一切從蝴蝶酥開始
•半年後
•分開。。。
•放假喇
•安全感
日 誌 分 類
•全部 (1919)
•我的生日之旅@台北2018 (2)
•我們的一週年甜蜜之旅2014♡台北 (5)
•我們的三週年甜蜜之旅2016♡Osaka (6)
•我們的五週年甜蜜之旅2018♡OsAkA (4)
•我們的五週年甜蜜之旅2018♡台北 (4)
•我們的生活點滴 (1883)
•我們的四週年甜蜜之旅2017♡東京 (7)
•我們的兩週年甜蜜之旅2015♡台北 (5)
•我們的甜蜜之旅2018"♡澳門 (2)
•未分類 (1)
訪 客 留 言
最近三個月尚無任何留言
最 近 訪 客
最近沒有訪客
每 月 文 章
日 誌 訂 閱
尚未訂閱任何日誌
我 的 好 友
我 的 連 結
•差半步
日 誌 統 計
文章總數： 1919
留言總數： 87
今日人氣： 66
累積人氣： 34273
RSS Feed
2014 年 6 月 16 日  星期一   晴天
心淡？！

 今日依然好忙、好攰。。。 放工已經攰到冇晒力！呢排都冇乜胃口食嘢，每日都食好少就唔想食喇>_<¦¦¦就連低能仔夜晚嚟接我，我都冇乜胃口食嘢！


尋晚低能仔同我講，叫我唔使有任改變，做番原本嘅我就得，可以繼續癡住佢。。。其實係咪真係可以呢？但呢啲原本唔係我哋嘅一個問題咩？我真係唔知。。。

今晚低能仔收工後，要去298買嘢，原本我哋約咗響298等，點知個傻佬買完嘢即刻走過嚟接我。。。我哋食完嘢之後，有人竟然主動同我行759😚返到去，我依然冇上佢到，因為我今日真係好攰，不過有人今晚送埋我返屋企先走，好耐都冇試過喇！！

我知道你真係好緊張我，亦好怕我對呢段感情同你會繼續心淡落去，所以今晚好努力咁氹我，但我想問我哋今晚嘅開心，可唔可以一直維持落去？




 

分類: 我們的生活點滴
 [ 訪客留言(0) ] [ 編輯日誌 ]

2014 年 6 月 15 日  星期日   晴天
星語。。。心願

 終於都搞掂晒所有嘢喇！可以安安樂樂咁等22号嚟，嘻嘻。。。。


尋晚嗰篇 Blog打完後，低能仔打電話比我，咁啱 Fung又留言響 blog。。。。面對住 fung講嘅嘢，我有啲無奈，聽完低能仔講嘅嘢，我有啲想喊！究竟感情應該係點呢？以前覺得冇問題嘅嘢，依家全部都好似變晒係問題咁😥

今日同爸爸食完嘢，搞埋台証同機票就返咗屋企，因為狂打乞癡同流鼻水，所以食咗藥就瞓咗。。。。 今日我冇揾過低能仔，除咗佢 whatsapp我，我先覆佢之外，我就冇揾過佢，就連今晚我都冇見過佢！唔係我唔掛住佢，只係我睇完佢嘅日記、 Fung嘅留言後，我覺得有啲嘢我需要重新調整一吓，其實我知自己都可以好獨立，我都可以一個人 take care到自己，只係我需要時間去重新適應，我知道我可以唔再依賴低能仔而生活，我知道我可以唔再只係 focus響佢一個身上，我只道我一定可以。。。。

我要控制我自己
不會讓誰看見我哭泣
裝作漠不關心你 不願想起你
怪自己沒勇氣
心痛得無法呼吸
找不到你留下的痕跡
眼睜睜的看著你 卻無能為力
任你消失在世界的盡頭
找不到堅強的理由
再也感覺不到你的溫柔
告訴我星空在那頭
那裡是否有盡頭
就向流星許個心願
讓你知道我愛你
 

分類: 我們的生活點滴
 [ 訪客留言(1) ] [ 編輯日誌 ]

2014 年 6 月 14 日  星期六   晴天
殘忍

 尋晚飲錯咗杯減肥茶，今朝開始已經好唔舒服，肚屙到七彩😷仲要屙到個人冇晒力😲又攰又腳仔軟呀！！！


今日下晝去搞掂埋換錢，台灣嘅嘢又煩少一樣喇！嚟緊 plan埋行程、搞埋簽証同拎埋機票，就冇嘢要煩喇！因為我連我想揾嘅低能仔&低能妹都已經買埋，雖然唔係我最想買嗰隻，因為我唔想嘥咁多錢買公仔，不過唔緊要啦！最重要係陪我去嗰個係真正嘅低能仔咪得囉。。。唔知點解個個都話我今次去台灣，做嘅嘢都好似多咗咁。。。其實咁樣都有錯咩？其實兩人計劃去旅行，都總係有一個人要去做呢啲嘢，如果兩個都唔做，咁仲邊去得到喎？？

今日低能仔放假，佢返咗學校整嘢，之後我就響銅鑼灣等佢，食埋嘢行咗一陣，我哋就返咗屋企。。。今晚睇晒佢寫嗰本日記，睇完之後，我終於都知佢諗乜！當我睇到其中一篇，有一句佢話佢欠我好多時，我個心好唔舒服！因為我唔止一次感覺到呢樣嘢，我亦有諗過佢會唔會因為咁，就算覺得有壓力同抖唔到氣，都勉強自己繼續同我一齊呢？低能仔，假如你真係覺得欠咗我而勉強同我一齊嘅話，我想講你唔需要咁做，我唔需要人哋施捨或者為咗報恩而同我一齊，因為咁樣對我嚟講，係一件好殘忍嘅事。。。。比起你唔愛我嚟得更殘忍！！

分類: 我們的生活點滴
 [ 訪客留言(1) ] [ 編輯日誌 ]

2014 年 6 月 13 日  星期五   晴天
<3

 尋晚瞓得唔好，成晚個身都好熱。。。。今朝好早就醒咗，起身食咗粒藥之後，玩咗一陣電話又再瞓番！不過，當我見唔到佢嘅 msg，我依然會覺得唔開心，雖然我都覺得自己低能，但就算拍咗拖咁耐，我每日都仍然期待住自己個電話響，哈哈。。。 


瞓醒之後，我落咗香港仔，原本諗住去銅鑼灣，但因為太攰，所以最後都冇去到！之後 fung過咗嚟揾我食嘢，佢話佢自己開公司，我有冇興趣過去幫佢？又話假如佢飛過嚟台灣揾我，我會唔會出去見佢？？做乜突然會咁架？

今晚我過咗低能仔到陪佢，佢好攰呀！所以我哋都冇乜講嘢，只係靜靜哋咁攬住瞓咗一陣。。。低能仔話聽晚返嚟先陪我 plan台灣嘅行程，其實只要plan埋行程同搞埋簽証，加埋聽朝過中環整埋啲嘢，基本上台灣嘅嘢都搞好晒<3 而佢只要到時帶個人去就得。。。 Fung話我太就佢，乜都幫佢安排好晒，連 insurance都幫佢買埋，搞到佢乜都唔緊張咁，仲話呢個世界唔係陣係得佢一個有嘢做，我都忙同攰。。。雖然 Fung講得好直接，但其實我覺得可以為佢安排好晒所有嘢，乜唔係好幸福咩？嚟緊我要揾一對靚嘅低能仔 & 低能妹帶去台灣，咁咪可以有兩個低能仔 & 低能妹一齊去旅行囉，好低能，嘻嘻。。。




 

分類: 我們的生活點滴
 [ 訪客留言(1) ] [ 編輯日誌 ]

2014 年 6 月 12 日  星期四   晴天
柏拉圖
好攰。。。今日超忙，忙到時間眨吓眼就過😌真係好，嚟緊連放三日假😚返埋下星期就去台北喇。。。嚟緊呢三日要搞埋台北啲嘢，好多嘢要整。。。今日返日本大貨，原本預計點貨加埋要做埋啲文件，起碼要收十點，但幸好8點幾趕得切做晒啲文件，入好晒落電腦，可以準時收工💪不過真係散晒。。。

收工後我響灣仔等低能仔，然後佢逼我去食嘢，因為返咗FreshMart後，我食嘢食少咗好多，每日淨係食 Lunch，到咗收工之後都冇乜胃口，所以佢就迫我食嘢！今晚我哋食吉野家，自從冇返 Luna後，我哋就好少食喇！食完有人帶咗我食雪糕同飲感冒茶，跟住行埋759就返去！

有人見我咁攰，就帶咗我返屋企幫我鍊。。。唔知點解我覺得今晚我嘅開心，好似好耐都冇試過！呢排我淨係成日都覺得同佢唔開心，呢種開心好耐都冇感覺過，我好驚呢種開心好快又會冇。。。突然想起了柏拉圖嘅對話錄有一段係。。。。

柏拉圖在《對話錄》中說，人本來是雌雄同體的，終其一生，我們都在尋找缺失了的那一半。真的是這樣嗎？抑或，我們尋找的那一半，不是別人，而是自己？人生的漫漫長路，我們都試圖去了解真正的我到底是個怎樣的人。雖然痛苦，卻也要學著去面對和接受那個既熟悉也陌生的我。惟有認識自己，生命才是完整。

 


分類: 我們的生活點滴
 [ 訪客留言(0) ] [ 編輯日誌 ]


« | 317 | 318 | 319 | 320 | 321 | 322 | 323 | 324 | 325 | 326 | ... | 384 | »