今日終於都可以抖吓。。。。尋晚臨瞓前 whatsapp俾低能仔想同佢講 goodnight，等咗好耐佢都冇覆我，原本諗住等埋佢先瞓，但最後我都等唔到，因為我都捱唔住瞓著咗。。。。。來不及講 goodnight！
今日瞓到十二點幾起咗身，食咗啲嘢同藥之後，就再瞓過，一瞓瞓到四點幾。。。。好耐冇試過咁好瞓，不過依然覺得好攰，眼仲好腫。。。。或者呢排真係太忙，所以個人特別攰，我攰到下晝低能仔 whatsapp過我，我都聽唔到！只係想一直瞓著落去。。。。
醒咗之後，公司不停 whatsapp我，覆完啲 whatsapp就出咗去！原本諗住今日同低能仔可以去街，但我太瞓得，所以最後都冇出到去。。。雖然今日我哋唔係見咗好耐，食完嘢我哋就返咗屋企。。。但我今晚係覺得開心架，因為佢嘅日記，同埋因為有人為咗令我放心，發咗兩個誓。。。。我知道佢一直好重視誓言，今日佢為咗令我安心，竟然肯發呢個誓，我覺得好開心。。。。同時亦令我改變咗一樣嘢！
今晚佢whatsapp我，同我講13、14号想陪我，因為13号佢約影相嗰個人唔得閒，可能要11号先有時間影，原本我哋約咗11号一齊放假，所以佢唔夠膽應承嗰個人！換轉以前我的確會唔開心，但今日我真係覺得要俾番啲私人時間佢，等佢去做啲佢想做嘅嘢，而我亦要衷心咁支持佢。。。只要佢個心有我，又會掛住我嘅咪得囉！有時越捉緊一樣嘢，可能嗰樣嘢會走得越快。。。相反順其自然可能對大家都會舒服啲，低能仔，我只係希望你會開心，所以我更加唔可以再自私落去，不停咁捉實你。。。我哋繼續開心、平淡咁生活落去，好嘛？？
分類: 我們的生活點滴 |
