jessica1207yi : 個人主頁 - 相簿 - 訂閱  [ QOOZA - 論壇 - 登入 ]
人氣：34385 
一切從蝴蝶酥開始
不知不覺愛上你……
我 的 資 料

暱稱： 低能仔♡低能妹
MORE...
«‹ July 2026 ›»
SMTWTFS
1234
567891011
12131415161718
19202122232425
262728293031
最 新 日 誌
•一切從蝴蝶酥開始
•半年後
•分開。。。
•放假喇
•安全感
日 誌 分 類
•全部 (1919)
•我的生日之旅@台北2018 (2)
•我們的一週年甜蜜之旅2014♡台北 (5)
•我們的三週年甜蜜之旅2016♡Osaka (6)
•我們的五週年甜蜜之旅2018♡OsAkA (4)
•我們的五週年甜蜜之旅2018♡台北 (4)
•我們的生活點滴 (1883)
•我們的四週年甜蜜之旅2017♡東京 (7)
•我們的兩週年甜蜜之旅2015♡台北 (5)
•我們的甜蜜之旅2018"♡澳門 (2)
•未分類 (1)
訪 客 留 言
最近三個月尚無任何留言
最 近 訪 客
最近沒有訪客
每 月 文 章
日 誌 訂 閱
尚未訂閱任何日誌
我 的 好 友
我 的 連 結
•差半步
日 誌 統 計
文章總數： 1919
留言總數： 87
今日人氣： 24
累積人氣： 34385
RSS Feed
2014 年 8 月 15 日  星期五   晴天
2014-08-15

 今朝返好早。。。低能仔8點幾打嚟叫醒我去食早餐♡跟住就一齊搭車返工！


今日又係超忙，而且返工有啲唔開心！一開工就做到收工，今日冇得出去食，因為 Auntie今日煮咗飯返嚟俾我食，我哋幾個一齊響鋪頭食 lunch，響到做咁耐，其實都冇試過，不過我諗偶然係咁就冇所謂，如果經常性係咁，我一定會癡線，始終冇咗休息時間，對我嚟講，係一件好辛苦嘅事，兼且會好攰。。。所以今日我特別攰！

今晚低能仔冇嚟接我收工，佢要去西環揾第二個女人，嗰個只係佢家姐wakaka。。。我收工之後，實在太肚餓喇！低能仔就氹我去食嘢先，平時有佢響到，就算食麥記我都覺得好好味，但今晚冇佢響身邊，就算食番平時同佢一齊食嗰個包，我竟然覺得今晚嘅特別難食！食完嘢我已經攰到頂唔順，行去搭車返去。。。我真係攰到企響到都可以瞓得著，如果佢響到就好，我就可以攬住佢瞓喇！
 

分類: 我們的生活點滴
 [ 訪客留言(0) ] [ 編輯日誌 ]

2014 年 8 月 14 日  星期四   晴天
其實我想。。。

 睇完Fung嘅留言後，今日我只係諗起一首歌，方力申嘅“其實我想”。。。好鍾意好鍾意呢首歌，或者因為係我呢一刻嘅感覺！


佢今晚響188等我，然後我哋去咗食麥記，佢同我講，原來13個月前“她”同佢仲未分開前，“她”已經同“他”響埋咗一齊。。。我記得當日我曾經同佢講過，叫佢用心睇每一個人，有啲嘢未必係佢眼所見到嘅咁，只不過當時佢以為我出口術，根本冇理到我所講嘅嘢。。。

今晚嘅佢俾我感覺好唔同，好似緊張咗，又好似温柔咗。。。起初我以為佢睇咗個留言先係咁，但原來唔係！今晚我哋食完嘢就搭車返去，平時我哋通常返到去，就各自各返屋企，不過今晚佢帶咗我返佢到，我有諗過上唔上去架！因為我知佢需要私人時間，佢需要睇片，佢需要靜靜哋做佢想做嘅嘢，但最後我俾佢拖住返咗屋企！

今晚過咗一晚真正屬於我哋兩個嘅夜晚，大家冇覆 whatsapp，冇講電話。。。好寧靜咁過咗一晚！但我發現我個心好亂，究竟佢係想我獨立定繼續依賴佢呢？我真係分唔清。。。
若這刻你那手機微震，是否可感到我體溫？
 

分類: 我們的生活點滴
 [ 訪客留言(0) ] [ 編輯日誌 ]

2014 年 8 月 13 日  星期三   晴天
紅色暴雨

 尋晚瞓得一啲都唔好，成晚發住同一個夢，好恐怖呀。。。。我醒咗幾次，幾次都出晒汗同流眼晒淚，我真係好驚！好唔容易瞓到今朝6點幾，不過我個肚同頭開始好唔舒。。。


今朝一直都落大雨，低能仔10點幾就揾過我，不過太大雨嘅關係，所以直到2點我哋先落街食嘢，可能因為個肚好唔舒服，雖然我冇乜胃口，但我都食咗啲嘢。。。食完嘢我哋就一齊搭車出去，原本我諗住去＄12店行，而佢就去298先，但我見太大雨，最終行返去298接佢，我怕佢去完298後，行過嚟接我時會淋濕，因為到咗今日我依然情願我病，都唔想佢會病。。。

今日返到鋪頭同 Luzi傾咗一陣，佢俾咗啲響蒙羅麗沙影嘅相我睇，佢啲相響馬灣影，影得真係好靚，好羡慕呀！佢問我有冇興趣去影？佢話佢仲有 coupon，但我邊有機會可以影。。。。

今晚低能仔同同事去完街，剪埋頭髮就嚟接我，我哋去咗食完麥記之後，就搭車返屋企！今晚有人見落雨，就話要送埋我返去，因為怕我會有事，正傻佬。。。低能仔，多謝你呀！

低能仔，今晚走嘅時候，你咪一直同朋友 whatsapp嘅？你知嘛，換轉以前我一定會好憫、好唔鍾意，但今晚我竟然冇呀！唔知係咪因為我只係想你開心。。。所以先冇咗呢種感覺呢？？
也許一個人最好的樣子就是靜一點。
哪怕一個人生活。
穿越一個又一個城市，
走過一條又一條街道。
然後淡下來，
於是終於可以坦然地說，
我終於不那麼執著了！

分類: 我們的生活點滴
 [ 訪客留言(1) ] [ 編輯日誌 ]

2014 年 8 月 12 日  星期二   晴天
嚇死我呀

 今朝又係俾一連串嘅 whatsapp叫醒咗，起身將個電話較返震機之後，就再瞓過，一瞓就瞓到點幾先起身！幸好今日返到公司先開始落大雨，因為我冇帶遮，如果唔係我怕我又燒返。。。我唔想再令低能仔擔心我！


今晚響鋪頭發生咗一件意外，我坐響位嘅時候，突然聞到一陣膠味，跟住我側邊似放煙花咁，嚇到我即時呆咗。。。嗰一刻我個腦只係即時閃過低能仔個樣，我好怕會冇咗佢！

因為鋪頭嘅事，Eric叫我早啲收工，低能仔知道之後，就嚟咗接我收工！收工後我哋去咗食吉野家，好耐冇打過邊爐，今晚我哋食得好開心。。。食完嘢有人去食完甜品，就帶我去行759，仲買咗薯條俾我食！搭車嘅時候，我冇出聲，只係埃住佢玩電話，因為我覺得就算見面，都應該俾返少少時間大家休息吓，我知佢都攰，兼且我估佢都應該想靜靜哋聽吓歌！

呢幾日我知佢對我好咗好多，唔知繼續維持住呢種相處方式一直落去，我哋又係咪會開心啲？舒服啲？？





 

分類: 我們的生活點滴
 [ 訪客留言(0) ] [ 編輯日誌 ]

2014 年 8 月 11 日  星期一   晴天
去舊迎新

 尋日低能仔嚟咗CB接我，我哋食完 COCO之後，就搭車返咗屋企！尋日食咗啲藥依然好攰，低能仔就攬住我瞓咗一陣。。。起身就開始執屋同抹地，搞掂之後佢同咗我去食宵夜。。。


今日佢約咗人影相，而我就約咗 Eric。Eric約我今晚一齊食埋飯，原本我都應承咗，所以我同低能仔講今晚唔返嚟煮飯佢食，但睇完佢 whatsapp後我有啲猶豫，最後我都決定咗返去煮飯！低能仔知我今晚返嚟煮飯俾佢後，覆咗個 whatsapp俾我，睇到佢呢個 msg，我終於有啲覺得開心。。。Eric 今日同我講咗啲嘢，佢話對我嘅了解係沿自於 wechat，聽到佢咁講我覺得有啲無奈，曾幾何時低能仔亦係為咗了解我多啲，每日都會睇我嘅 wechat, Facebook。。。但依家已經少咗喇！就算 like咗，亦未必有睇過啲內容。。。其實每 post一樣嘢，都係想佢明白我多一啲！但偏偏了解同留意我，永遠都係另一啲人！

揾完 Eric後，我去咗 MK拎嘢，再返香港仔，然後再落海怡！響海怡嘅時候，突然收到低能仔電話，佢話佢已經走得問我響邊？佢嗰種緊張嘅語氣好似好耐冇聽過，其實佢係咪因為怕我會跟 Eric走呢？最後我叫佢返屋企休息一陣，煮完飯先拎俾佢食！

今晚佢食晒我煮嘅嘢，而且對我仲特別温柔！所以今晚我哋相處得好舒服，或者獨立一啲真係可以令大家都舒服，最起碼當佢出咗去嘅時候，佢都會同我講佢掛住我！大家擁有番大家嘅私人空間與及私人朋友，可能咁先會令佢最開心！

其實唔止佢覺得尋日嘅我唔同咗，就連我都覺得自己好似變咗一個全新嘅我！





 

分類: 我們的生活點滴
 [ 訪客留言(0) ] [ 編輯日誌 ]


« | 305 | 306 | 307 | 308 | 309 | 310 | 311 | 312 | 313 | 314 | ... | 384 | »