今朝7點幾就醒咗喇。。。。起身第一時間睇吓低能仔有冇 whatsapp我，結果都係冇，我估佢尋晚應該瞓著咗！起身食咗啲藥之後，隔咗陣就瞓番，瞓到聽到 whatsapp響，我知嗰個一定係低能仔，原來有人唔記得我門牌囉！！！

今日要整 gel甲，原本想唔整住，因為今日要幫低能仔執屋，我想爭取多啲時間快啲幫佢整晒，咁佢就唔使放工返嚟咁辛苦，但因為之前啲 gel 甲已經一個月，我隻手已經好痛，所以今日一定要去整。。。。

整完 gel 甲，我就拿拿臨去買咗啲嘢上佢到，今次係第一次佢俾條鎖匙我上佢到，今日冇佢響到，我執嘢執得相當輕鬆，因為冇佢響到搞搞震，我可以好快咁執好啲嘢，而且仲可以執埋我想抹好耐嘅電腦枱！坦白講，要我完全記得佢啲嘢放邊，對我嚟講真係有難度，所以我抹完之後，只係將佢啲嘢放番整齊就算，希望佢唔好話我搞亂佢啲嘢啦，哈哈。。。。

尋晚叫低能仔拎定床單俾我，我諗住幫佢換完就洗，點知原來個傻佬尋晚換咗，放出嚟嗰套係舊，而我又走去換多一次，用手洗嗰套原來係乾淨架。。。等張床單乾咗之後，聽日要幫佢換番至得！！

差唔多5點嘅時候，我終於搞掂晒啲嘢，低能仔問我點解咁快？？我諗係 Luna訓練有數，只要俾我靜靜地，我就可以好快做晒啲嘢！加上我今日冇用手抹地，而改用咗地拖，所以舒服啲，不過都係攰。。。

整完啲嘢清理埋現埸，我就走咗喇！突然好想返阿麻到，每次唔開心都好想見阿麻。。。或者因為今日幫佢將啲乾咗嘅衫掛番好時，響佢衣櫃跌咗袋嘢出嚟。。。。個盒亦打開咗，裡面有隻手鐲！我望到手鐲啲字，我就覺得好痛，拿拿臨將所有嘢收返好，其他嘢我全部都唔夠膽睇。。。。其實呢個係咪天意呀？係咪話我知佢其實仲好掛住佢？？所以先珍而重之咁收好屬於佢嘅嘢？？？

低能仔，對唔住呀！我冇心睇你嘅嘢架。。。你放心啦，裡面嗰封信我冇睇過！

我也不是大無畏 我也不是不怕死

但是在浪漫熱吻之前 如何險要

懸崖絕領 為你亦當是平地

愛你不用合情理 但願用直覺本能去抓住你

一想到心儀的你 從來沒有的力氣

突然注入了漸軟的雙臂

旁人從不贊同 而情理也不容

仍全情投入 傷都不覺痛

如窮追一個夢 誰人如何激進

亦不及我為你那麼勇

沿途紅燈再紅 無人可擋我路

望著是萬馬 千軍向直衝

我沒有溫柔 唯獨有這點英勇

我也希望被憐愛 但自願扮作英雄去保護你

勳章你不留給我 仍然願意撐下去

傲然笑著為你擋兵器

趺下來再上去 就像是不倒翁

明明已是撲空 再盡全力補中

再沒有支援 還是有這點英勇

想被愛的人 全部愛得很英勇

 尋晚又係瞓得唔好，抖氣抖得好辛苦。。。今朝我請咗假，本來諗住只係休息半日，但最後佢哋叫我今日好好休息吓。。。今日睇醫生時，醫生話我呼吸能力跌咗，所以要我聞咗氣先可以走！聞咗氣之後，好似好返啲，不過食埋啲藥之後，個人好攰好攰。。。

 好攰。。。真係好攰！

 尋晚瞓得唔好，因為尋晚突然皮膚敏感，成身都好痕。。。成晚我成晚不停咁"R"，但我冇叫醒佢同佢講，我唔捨得整醒佢！不過，我依然搞到連低能仔都瞓得唔好，因為我成晚都郁嚟郁去，連佢都整醒埋！低能仔，對唔住呀！！