jessica1207yi : 個人主頁 - 相簿 - 訂閱  [ QOOZA - 論壇 - 登入 ]
人氣：34281 
一切從蝴蝶酥開始
不知不覺愛上你……
我 的 資 料

暱稱： 低能仔♡低能妹
MORE...
«‹ July 2026 ›»
SMTWTFS
1234
567891011
12131415161718
19202122232425
262728293031
最 新 日 誌
•一切從蝴蝶酥開始
•半年後
•分開。。。
•放假喇
•安全感
日 誌 分 類
•全部 (1919)
•我的生日之旅@台北2018 (2)
•我們的一週年甜蜜之旅2014♡台北 (5)
•我們的三週年甜蜜之旅2016♡Osaka (6)
•我們的五週年甜蜜之旅2018♡OsAkA (4)
•我們的五週年甜蜜之旅2018♡台北 (4)
•我們的生活點滴 (1883)
•我們的四週年甜蜜之旅2017♡東京 (7)
•我們的兩週年甜蜜之旅2015♡台北 (5)
•我們的甜蜜之旅2018"♡澳門 (2)
•未分類 (1)
訪 客 留 言
最近三個月尚無任何留言
最 近 訪 客
最近沒有訪客
每 月 文 章
日 誌 訂 閱
尚未訂閱任何日誌
我 的 好 友
我 的 連 結
•差半步
日 誌 統 計
文章總數： 1919
留言總數： 87
今日人氣： 8
累積人氣： 34281
RSS Feed
2014 年 8 月 30 日  星期六   晴天
驚喜嗎？

 今日成日個頭都好痛，我諗係瞓得唔好嘅關係，因為呢兩晚都不停發惡夢，無一晚可以一瞓瞓到天光。。。。今朝收到個好耐冇聽過咁 sweet嘅電話，係低能仔打嚟叫我起身返工，個傻佬仲好温柔咁同我講早晨，如果每朝佢都響我側邊咁温柔叫醒我返工就好喇！


今晚阿容見我個頭越嚟越痛，就7點幾叫我走先，咁我就去等埋低能仔。。。我等咗好耐都見唔到佢，我又唔夠膽行開，因為我特登唔話佢知我早收，想俾個驚喜佢，結果等咗半個鐘，佢終於都落嚟！佢見到我嘅時候，個傻佬呆咗。。。之後就響到傻笑咁錫我，好 sweet, really very sweet ar！低能仔，今晚俾唔俾到驚喜你呀？

陪佢行完298，我哋就去咗食嘢，不過我今晚冇乜胃口，要低能仔幫我執手尾。。。有佢真係好！食完嘢就搭車返去，返到去幫佢鍊咗一陣就返咗屋企，因為個頭真係好痛。。。

今晚食咗啲頭痛藥都冇用，而且仲瘋狂咁嘔，嘔到個人攰到瞓著咗。。。。直到兩點幾先起身沖涼，但個頭依然好痛。。。唔知我今晚冇揾你，你有冇好掛住我呢？？

分類: 我們的生活點滴
 [ 訪客留言(0) ] [ 編輯日誌 ]

2014 年 8 月 29 日  星期五   晴天
不一樣的星期五

 今日返早，每逢星期五都係我同低能仔嘅早餐日！雖然佢媽咪返咗，但今朝我哋都如常食早餐，然後一齊返工！


今日返到鋪頭，我哋發現有米奇老鼠偷食鋪頭啲嘢，好驚呀。。。。本身已經有潔癖嘅我，知道有米奇老鼠後，我就將啲消毒紙巾放晒響身，成日不停抹抹抹。。。好驚掂到佢哋行過嘅地方！boss話下個月頭會請人返嚟幫米奇一家滅門，希望到時會好啲啦！！

今晚收工後，我趕住走，因為我怕會阻咗同低能仔見面嘅時間，始終佢媽咪返咗後，點都要抽時間陪佢，我唔可以再成日霸住人哋個仔喇！低能仔今日帶咗兩盒嘢俾我，係 Auntie響日本買返嚟俾我，我覺得好窩心！因為上次 Auntie臨走前，我同佢好似搞到好唔開心咁，所以我冇諗過今次佢返嚟，竟然會送嘢俾我架。。。

今晚同低能仔食完嘢後，我哋就搭車返去。。。返到嚟我幫佢鍊咗一陣先走，估唔到我仲有機會幫佢鍊，雖然係響屋企樓下，但我已經好滿足喇！

分類: 我們的生活點滴
 [ 訪客留言(0) ] [ 編輯日誌 ]

2014 年 8 月 28 日  星期四   晴天
永遠。。。

 今日係最後一日喇。。。。過埋今日我哋就冇得成日見，好唔願意、好唔捨得！呢段日子我已經習慣咗有你響身邊，每日、每晚，我嘅生活都充滿住你，要重新適應沒有你，我真係好驚好驚。。。好驚從此你就唔再需要我，同時亦好驚我會習慣自己一個人！


仲記得上次響長洲，我哋食飯嘅時候，我好想食甜品，我哋就叫咗個雷沙湯丸，亦因為嗰日我又知道你多一樣鍾意食嘅嘢！雖然未到中秋，但我知道嗰日你要做節，我哋未必有時間見，所以我提早整咗呢款甜品俾你，人哋話湯丸係代表團圓，因此好多節日裡，好多人都會整湯丸一齊食，目的就係希望團團圓圓。。。而我亦希望我哋都可以一樣，今日嘅甜品你喜歡嗎？我願意為你學整更多更多唔同嘅嘢食。。。

今日我哋過咗好sweet嘅一日，你全日都係攬住我、陪住我，完全唔要私人時間。。。我覺得好開心，今日我感覺到我對你嘅重要，能夠有你響身邊，我真係覺得自己好幸福，因為你乜都遷就我。。。我真係好想我嘅下半生都可以同你好似依家咁，永遠都係咁！！你可唔可以應承我，唔好再掉低我呀？？
 

分類: 我們的生活點滴
 [ 訪客留言(0) ] [ 編輯日誌 ]

2014 年 8 月 27 日  星期三   晴天
好想。。。

 尋晚瞓得唔好，瞓到半夜半邊身痛得好緊要，今日成日都依然係咁。。。。今日起身嘅時候，終於都覺得有啲秋天嘅感覺，因為超大風。。。好舒服呀！我諗呢啲天氣對低能仔嚟講應該會舒服啲啫😄


今日返到鋪頭又開始抖氣好辛苦，又要吸哮喘藥。。。每次吸完個頭都好痛、好實！但我唔想去靚仔醫生到拎藥，食完啲藥好辛苦架。。。所以唯有要忍住！究竟呢啲日子仲要捱幾耐呀？？

收工後，去咗灣仔接低能仔。。。個傻佬個樣好攰，原來佢周身都出現敏感，今晚我哋冇食麥記，去咗茶餐廳到食，襯佢食緊嘅時候，我去咗買敏感藥俾佢，今次佢好乖，肯聽話食藥，抵錫。。。食完嘢飲埋涼茶就返去，今晚我冇上佢到，可以二人世界嘅時間已經剩餘唔多，我已經好唔捨得！！我好想時間永遠都停留響到，等我依然可以繼續對佢好，繼續得閒煮飯俾佢食，繼續攬住一齊睇電視。。。唔知呢啲日子，幾時先可以再擁有呢？

分類: 我們的生活點滴
 [ 訪客留言(0) ] [ 編輯日誌 ]

2014 年 8 月 26 日  星期二   晴天
陪著我。。。

 一日病假加兩日假期終於都完結咗，已經連續兩日冇7點幾抖唔到氣而起身，可以一直瞓到自然醒，好開心。。。


食咗藥呢幾日呼吸情況已經好啲，但今日返到公司一陣，又開始抖唔到氣，要連續聞幾次哮喘藥。。。直到 Irene叫我將盆百合花放出門口之後，我先開始好啲！不過搬開盆花後，好怕阿容返嚟又發癲😪唉，好煩。。。

今日臨返工前，低能仔打電話俾我，個傻佬話應承咗同事31号返工，不過就收4點。。。以前佢就算嗰日明明約咗我，但後來又應承咗同事返工，佢都唔會咁緊張咁打俾我，今日我覺得我有種更被重視嘅感覺，我覺得好幸福！因為佢會幫我諗埋朝早 family day，然後4點出到去接佢收工，之後就係二人世界嘅時間，多謝你為我做得更多更多。。。。

今晚佢約咗人響旺角交收，我哋約咗響灣仔地鐵站等，但因為我抖氣仲係唔舒服，所以我行得好慢。。。低能仔出到嚟，我先仲響759附近行緊過去，我唔夠膽講佢知我嗰刻抖氣好辛苦，我知道一定又會嚇親佢！所以我選擇咗見到佢時先話佢知，我今日響鋪頭抖唔到氣要聞哮喘藥！食完嘢我哋一齊返咗屋企，我見佢咁攰諗住唔上去架！但個傻佬話想陪多我一陣，哈哈。。。今晚我哋又攬住一齊睇片，好幸福！我真係好想好想快啲可以有我哋嘅屋企，每晚都可以咁就好喇！
 

分類: 我們的生活點滴
 [ 訪客留言(0) ] [ 編輯日誌 ]


« | 302 | 303 | 304 | 305 | 306 | 307 | 308 | 309 | 310 | 311 | ... | 384 | »