jessica1207yi : 個人主頁 - 相簿 - 訂閱  [ QOOZA - 論壇 - 登入 ]
人氣：34419 
一切從蝴蝶酥開始
不知不覺愛上你……
我 的 資 料

暱稱： 低能仔♡低能妹
MORE...
«‹ July 2026 ›»
SMTWTFS
1234
567891011
12131415161718
19202122232425
262728293031
最 新 日 誌
•一切從蝴蝶酥開始
•半年後
•分開。。。
•放假喇
•安全感
日 誌 分 類
•全部 (1919)
•我的生日之旅@台北2018 (2)
•我們的一週年甜蜜之旅2014♡台北 (5)
•我們的三週年甜蜜之旅2016♡Osaka (6)
•我們的五週年甜蜜之旅2018♡OsAkA (4)
•我們的五週年甜蜜之旅2018♡台北 (4)
•我們的生活點滴 (1883)
•我們的四週年甜蜜之旅2017♡東京 (7)
•我們的兩週年甜蜜之旅2015♡台北 (5)
•我們的甜蜜之旅2018"♡澳門 (2)
•未分類 (1)
訪 客 留 言
最近三個月尚無任何留言
最 近 訪 客
最近沒有訪客
每 月 文 章
日 誌 訂 閱
尚未訂閱任何日誌
我 的 好 友
我 的 連 結
•差半步
日 誌 統 計
文章總數： 1919
留言總數： 87
今日人氣： 58
累積人氣： 34419
RSS Feed
2014 年 8 月 20 日  星期三   晴天
我們的15個月

 今日係我哋15個月嘅日子。。。我哋選擇響長洲渡過呢一日！今朝低能仔叫醒我，然後響100％ cafe食完嘢，就開始我哋嘅100％甜蜜之旅！


今日雖然天氣唔好，成日都落雨，但我哋都一樣好開心，好 hea咁過呢一日！去到長洲去咗華威酒店 check in後就四圍行。。。低能仔仲買咗條裡俾我做15個月禮物，夜晚就帶我去食上海嘢！其實長洲冇乜嘢玩，亦唔似台灣咁咁多嘢行，但咁樣過一日都好舒服。。。我好鍾意咁樣過，因為咁樣先似放假同休息嘛！

今日成日都落大雨，起初以為今晚應該睇唔到星，估唔到今晚竟然睇到成個天都係星星。。。好 surprise呀！可以同佢一齊睇到成天都係星星，我覺得好浪漫。。。呢份係我收到最鍾意嘅禮物，但可惜影唔到咁靚嘅一刻！ Anyway thanks for your everything, ♡ you so much!
 

分類: 我們的生活點滴
 [ 訪客留言(0) ] [ 編輯日誌 ]

2014 年 8 月 19 日  星期二   晴天
一個人的浪漫

 今朝一早就收到瑪姫電話，要我返工前過CB拎啲貨過FM。。。家姐又要我幫佢買嘢，結果要由灣仔行去銅鑼灣，然後再返番去灣仔。。。


今日佢落咗嚟揾我。。。佢突然捉得我好實，右手手背俾佢捉到瘀咗！今晚收工拉閘嘅時候，痛得好緊要。。。瑪姫知道後，應承我會揾個機會同佢講清楚！

今晚低能仔去鍊骨，原本我話收工過去等佢，不過我哋最後都決定今晚唔見，一來好大雨，二來佢唔想我等太耐。。。今晚收工後，我自己去咗食嘢，跟住買埋外賣返去俾家姐就返去喇！其實一個人都可以有一個人嘅浪漫吖♡

希望聽日唔好落雨啦。。。
用心紀錄與你在一起的片刻
希望未來我們的藍圖
都有著彼此心中最重要的地位
 


 

分類: 我們的生活點滴
 [ 訪客留言(0) ] [ 編輯日誌 ]

2014 年 8 月 18 日  星期一   晴天
究竟。。。。？

 今日都係返晏，夜晚得我一個響鋪頭。。。返到去原本以為冇乜嘢做，但點知要諗吓中秋禮盒包裝，一搞就到8點幾。。。


今日瑪姫打俾我，佢話今晚派咗個專員落嚟，我一估就估到又係佢。。。夜晚阿容又打嚟，叫我收工嘅時候，叫eric同我去飯，嗰一刻我諗都冇諗就講咗句，我依家冇錢食飯咩？點解要佢同我去食飯？兼且要佢請呢？？結果佢8點幾就落咗嚟！！

我一直望住門口，睇緊低能仔幾時到。。。點知等咗好耐佢都冇嚟！原來佢留咗響公司睇人打機。。。。收工後，我去咗銅鑼灣等佢，今晚我哋去咗食銀龍，有人問我如果今晚唔係約咗佢，我係咪會跟 Eric走？？低能仔，點解你好似仲係唔了解我嘅？

食完嘢我哋行去灣仔搭車，低能仔講番“她”的13個月，佢問我究竟點解會咁？坦白講我知佢個心有啲嘢架！但嗰啲嘢係咪因為佢太愛“她”呢？佢係咪因為見到“她”的13個月，而發現自己其實好愛“她”呢？見到佢咁，我個心好似有啲痛，好想知佢諗乜？但同時又好怕知道一啲我唔想知嘅嘢。。。我只知我只能夠繼續盡番女朋友嘅責任去對你好，其他我乜都唔夠膽諗，但究竟你個心諗緊啲乜呢？你係咪好掛住她呀？

分類: 我們的生活點滴
 [ 訪客留言(0) ] [ 編輯日誌 ]

2014 年 8 月 17 日  星期日   晴天
當初。。。

 尋晚低能仔睇完我個 blog後，whatsapp同我講“一齊回到最初的自己，不用刻意去改變，做回當初嘅低能妹同低能仔”，睇完佢咁講，我真係好懷念當初嘅我哋，俾佢攬得好實、拖得好實，特別係佢有時會突然從後攬實我嘅時候，嗰種好實在嘅感覺。。。


今日我哋都瞓到十一點幾，之後就一齊落街食嘢，返咗屋企二人世界一陣，我就走咗喇！返到屋企一直諗起佢所講嘅13個月，佢同我講話應該係佢同“她”嘅真空期內，“她”就俾人夾走咗，我一直諗十三個月前，原來十三個月前並唔係8月中，而係7月中至啱！諗到呢到，我突然覺得有啲嘢舒服晒，一直以嚟唔止低能仔對佢有內疚感，其實連我都有，甚至乎有啲嘢一直都放唔低，亦因為呢種內疚，我成日都會好驚佢會返嚟揾低能仔，又或者係低能仔返番去佢身邊！不過今日當所有嘢都明白晒後，我所有內疚感終於都釋懷喇。。。因為13個月前，“她”根本就唔知有我嘅出現！雖然有啲嘢已經知道咗，但我反而怕低能仔會因為咁唔開心。。。
 

分類: 我們的生活點滴
 [ 訪客留言(0) ] [ 編輯日誌 ]

2014 年 8 月 16 日  星期六   晴天
分手100次

 今日低能仔買定戲票同我睇戲，佢今晚嚟咗接埋我收工食嘢後，我哋就去睇“分手100次”！


其實呢套戲都幾寫實，每個人失戀後都需要一杯失戀咖啡嚟品嚐番自己嘅苦，越苦代表你越愛。。。一年前嘅我，何嘗唔係為咗低能仔，而每日都品嚐住我嗰杯失戀咖啡嘅苦？

戲裡面講到鄭伊健為咗周秀娜而改變，但最後佢冇咗自己兼且唔開心，突然我覺得好似講緊自己，我為咗佢同樣學習改變，改變獨立一啲，改變自己冇咁癡身，改變少啲嘢講，改變自己要唔在乎佢。。。但學習緊嘅呢幾日，我覺得自己好似鄭伊健，除咗覺得唔開心外，仲笑容都改變埋，壓力亦都大了！我知道佢都為我改變緊。。。但佢又會唔會同我一樣，有鄭伊健嗰種感覺呢？

或者幾句說話令你痛傷
身畔路人從未拍掌
我未忘記我有別人欣賞
我就是我決心堅守理想
無需要像戲　平凡都可優美
明是天高海深亦要撐起
愛不需說道理　吸一口氣突破衝開距離
仍是每天一點找轉機
仍高貴是你　如何高攀想你
無論彼此身份如強烈對比
縱使筋竭力疲　若有你就有驚喜
都不忍捨棄　兜彎加轉角來找你

分類: 我們的生活點滴
 [ 訪客留言(0) ] [ 編輯日誌 ]


« | 304 | 305 | 306 | 307 | 308 | 309 | 310 | 311 | 312 | 313 | ... | 384 | »