jessica1207yi : 個人主頁 - 相簿 - 訂閱  [ QOOZA - 論壇 - 登入 ]
人氣：34943 
一切從蝴蝶酥開始
不知不覺愛上你……
我 的 資 料

暱稱： 低能仔♡低能妹
MORE...
«‹ August 2026 ›»
SMTWTFS
1
2345678
9101112131415
16171819202122
23242526272829
3031
最 新 日 誌
•一切從蝴蝶酥開始
•半年後
•分開。。。
•放假喇
•安全感
日 誌 分 類
•全部 (1919)
•我的生日之旅@台北2018 (2)
•我們的一週年甜蜜之旅2014♡台北 (5)
•我們的三週年甜蜜之旅2016♡Osaka (6)
•我們的五週年甜蜜之旅2018♡OsAkA (4)
•我們的五週年甜蜜之旅2018♡台北 (4)
•我們的生活點滴 (1883)
•我們的四週年甜蜜之旅2017♡東京 (7)
•我們的兩週年甜蜜之旅2015♡台北 (5)
•我們的甜蜜之旅2018"♡澳門 (2)
•未分類 (1)
訪 客 留 言
最近三個月尚無任何留言
最 近 訪 客
最近沒有訪客
每 月 文 章
日 誌 訂 閱
尚未訂閱任何日誌
我 的 好 友
我 的 連 結
•差半步
日 誌 統 計
文章總數： 1919
留言總數： 87
今日人氣： 13
累積人氣： 34943
RSS Feed
2014 年 7 月 6 日  星期日   晴天
讓我繼續愛你？！

 想記低關於你嘅所有嘢，但又有啲感覺唔想記得，究竟係咪真係有一種幸福就是忘記？如果真係有，我願意忘記所有嘢，嚟換取同你嘅幸福，就算要我用盡所有眼淚嚟換取你對我嘅少少著緊，我都願意！不過講就好容易，但做又好似好困難咁，冇身邊嘅人配合，想去做，就變成有心無力，或者你已經開始感到攰了！


今日個頭又好痛，嘔咗好多次。。。嘔到連晚飯都冇食！佢放工返嚟就響樓下接我，然後一齊返咗屋企，我知道佢好攰，所以就算我都覺得攰，我都依然幫佢鍊。。。因為我唔捨得佢咁嘅樣！

鍊完之後，佢攰到瞓響到冇出過聲。。。我可能都因為嘔到好攰，所以個人特別憫！見到佢有佢瞓，而我就好似路人甲咁自己響到睇電話，就算間屋明明有兩個人響到，我都覺得靜得好可怕！嗰一刻我的確響到諗，其實究竟你真係呢排攰，定係已經覺得討厭我呢？？點解你再冇一啲開心嘅感覺？

今晚我做咗一樣我冇做過嘅嘢，我響佢到粒聲唔出咁走咗，當佢叫我唔好走嘅時候，我忍唔住響到諗，你真係咁唔想我走咩？？最後我依然冇理到佢，行出咗呢個門口！我行出呢個門口之後，再聽埋嗰吓關門聲，我唔知係咪代表住我哋就完。。。。因為我行出呢個門口之後，佢再冇揾過我，其實我冇嬲過佢，我只係唔知自己應該再可以點做？兼且我只知我個心好痛、我依然好愛佢😔

月光很亮讓今夜變長變慢
閉上眼睛想的全和你有關
以為愛過了就過了 卻還不想放

喜歡緊緊相擁也享受自由
爲了自由分開一秒又心慌
我仰著頭吻你感覺很快樂
不想逃亡

如果多一秒 擁抱在一起
轉眼就地老天荒
如果曾幸福 一點一滴 白髮老去
如果愛過你 這能成回憶
我的心曾屬於你
情感這東西 始終帶些機緣

愛有很多感觸 都是小事情
我們愛的故事 有怎樣Ending
愛與不愛都要勇氣我知道 進退兩難

如果多一秒 擁抱在一起
轉眼就地老天荒
如果曾幸福 一點一滴 白髮老去
如果愛過你 這能成回憶
我的心一直屬於你
情感這東西 始終帶些機緣

如果多一秒 繼續擁抱你
我會忍住了呼吸
心中默念著 讓我繼續愛你

 

分類: 我們的生活點滴
 [ 訪客留言(1) ] [ 編輯日誌 ]

2014 年 7 月 5 日  星期六   晴天
你是我的一半？！

 今日都係返晏，尋晚個胃痛到5點幾先瞓得著，瞓到12點幾就起咗身喇！


今日 Boss佢哋落咗嚟，佢決定將間鋪大執，所以勁忙、勁攰。。。臨收工前寫字樓打電話落嚟，當傾緊嘅時候，咁啱低能仔過咗嚟，不過我根本冇時間理佢，結果佢自己去咗188等我，對唔住呀！！

收工後去咗揾低能仔，之後我哋就去食飯。。。我哋食咗餐好安靜嘅飯！食完嘢我哋去咗759，途中佢突然攬住我，我知道佢好攰。。。行完我哋就搭車返去，今晚我響車冇玩電話，只係攬住佢等佢埃住我可以瞓得舒服啲。

今晚佢應承咗陪我睇電視，原本諗住今晚一齊睇完電視後，我就幫佢鍊！但落車時，佢叫我唔使送佢，然後就轉身走咗😔佢已經唔記得咗應承咗我啲乜，我好無奈。。。。。

為何事事沒心機　怎會句句亦嘆氣
無論吃盡美點　再好也覺得無味
為何日日受不起　同伴也話我應該爭氣
還強調　要有寄託在上班　不相戀哪會死
直到終於決意一鼓作氣　環遊北歐轉換場地
回望錄影卻也沒你　我再記起

如若註定你是我的一半　給我他人亦不喜歡
掛念你　心中的一位哪可替換
其實註定我是你的一半　等你歸來　其他不管
缺乏你　憂鬱都充塞了血管

明明昨日在身邊　何事要在今天不相見
最痛苦　與你快到達沸點　一失足到冰點
恨我出走也要唉聲嘆氣　沿途風光好得要死
無奈未可以震憾你　如何回味　

如若註定你是我的一半　給我他人亦不喜歡
掛念你　心中的一位哪可替換
其實註定我是你的一半　等你歸來　其他不管
愛定你　一生必須給你托管　功倍事半

如若註定你是我的一半　給我他人亦不喜歡
掛念你　肯花光青春與你交換
其實註定我是你的一半　只要一齊　其他都不管
缺乏你　心中的空隙太過寬　失去後援




 

分類: 我們的生活點滴
 [ 訪客留言(0) ] [ 編輯日誌 ]

2014 年 7 月 4 日  星期五   晴天
蠢。。。

 今朝原本同低能仔食早餐，但尋晚我食咗啲藥後，個人真係好攰，所以我冇同佢食。。。。


雖然今日返4點，但超多嘢做。。。。食埋啲藥後攰上加攰！低能仔收工後去剪髮，我收工後就去銅鑼灣等佢，今晚我哋兩個都冇食飯，去咗 Sogo食雪糕、泡乎同冬甩！咁啱見到低能仔一直都好想試嘅賭神朱古力做緊6折，我就去咗買比佢！每逢買嘢俾佢食，我都會覺得好開心，超低能。。。

食完嘢我哋行咗好多地方，今晚我好開心。。。但我知佢好攰，因為佢陪我食完藥，行去搭車時，佢已經攰到唔講嘢，陰公豬！！！不過我呢個蠢女朋友，見佢咁嘅樣，諗住響車唔出聲、唔攬住佢，等佢瞓得舒服啲，但佢話我攰嘅時候就可以攬住佢，佢攰嘅時候又唔可以攬住佢。。。起初我有啲無奈，但諗諗吓又覺得好開心，因為起碼當佢攰嘅時候，係會想我攬住佢比佢瞓😘😘講對唔住嗰個唔應該係你，而係我至真呀！因為我太蠢、太唔細心喇。。。BB豬，對唔住呀！！








 

分類: 我們的生活點滴
 [ 訪客留言(0) ] [ 編輯日誌 ]

2014 年 7 月 3 日  星期四   晴天
proud of u

 今日個胃同頭依然唔係好舒服，但我都有堅持返工。。。


今日臨返工前，終於都買到低能仔響台灣買返嚟嘅芋圓Q餅，佢好鍾意食呢隻嘢，但因為拎咗返公司做手信，冇得留比自己食，我上網 search咗好耐，終於比我揾到喇！我即時開心到傻，兼且死都唔話比佢知響邊到揾到，我想好自私咁將呢樣嘢變成我嘅專屬，我好想以後只有我先可以買比佢，因為台灣係屬於我哋嘅回憶，而呢隻餅正正就係我哋嘅共同回憶，好低能。。。哈哈！！

低能仔今日去開班教影相，我覺得好開心。。。因為好似睇住佢由一張白紙，慢慢開始有啲成就同比人認同，呢種感我真係覺得好開心，好滿足！原來當你真正愛一個人嘅時候，佢得到嘅一切，你係會開心過自己所得到嘅任何嘢，呢種感覺，我以前從未感受過架！低能仔，你要更加比心機去做好你嘅理想，proud of you！！

今晚低能仔嚟接我收工，我哋一齊去咗188。。。有個傻人話買部 tab比我爸爸，當係見面禮！聽到佢咁講，我覺得好幸福，有人愛我之餘，仲會對我屋企人咁好！其實響台灣時，當佢知道我要幫家姐同爸爸買嘢時，佢明知要行好多路，甚至要揾好耐，連我都想放棄唔揾時，佢依然堅持要買比佢哋，嗰一刻我已經好滾動，今晚佢再咁講時，我覺得更加滾動，我真係冇選擇錯佢！當然我緊係唔比佢買啦。。。因為我唔捨得要佢洗錢！
 

分類: 我們的生活點滴
 [ 訪客留言(0) ] [ 編輯日誌 ]

2014 年 7 月 2 日  星期三   晴天
距離

 今日低能仔放假，而我就返工。。。今朝冇人叫我起身返工，好似有啲唔習慣咁！今日 Auntie買咗嘢俾我食，食完之後就嘔返出嚟，之後一直都冇再食過嘢，直到收工！


今日除咗 Lunch低能仔打過俾我外，就再冇 whatsapp過我喇！我諗佢應該好攰。。。雖然我成日望住個電話期待佢會揾我，但我唔想阻佢休息，所以我都冇 whatsapp佢😔

今晚臨收工時，我不停望住門口睇吓見唔見到佢，到咗差唔多9點，我估佢唔會出嚟，點知電話就響。。。佢叫我等多佢一陣，佢行緊過嚟接我！之後我哋去咗食飯。。。食完飯後，我哋去咗飲涼茶，途中我叫咗佢一句bb chu，咁啱俾佢朋友聽到，而佢講咗一句說話，令我覺得有啲嘢可能我真係做錯咗，但呢句說話我知佢唔係有心講出嚟！

搭車嘅時候，我一直都冇出聲，因為我個胃好唔舒服，望住個窗個倒影，見到佢一路攬住我，一路上緊網，再諗番佢嗰句說話，我不禁響到諗，其實點先係對佢最好呢？係咪我應該是但揾個人嫁咗去，對佢嚟講先會係最好呢？

今晚沖完涼條手鍊斷咗。。。我望住條鍊，我真係覺得好驚好驚，其實佢係咪介意我哋之間嘅距離呢？

就算雨傘破了身體濕透　沒法子
就算冷笑冷到不是味兒
就算我向世界飛奔千百里　又再輸
就算跌過百次再尋下次
溫室無非　逃避災或雨　心鎖從來沒有鎖匙
心弦若果　頻率很類似　
相看像照鏡子　淚痕仍似詩
曾想像太好　歷太多失意
孤單的滋味　天知我知
太幸福的事也許要變卦幾次
方悟到珍惜的意思
失望太多　就試多一次
不捨的思念　不可竭止
最著緊的事已經錯過無限次
請讓我將心中句子　認真講你知
閉起門窗　誰願給耐性　心聲原來是最真誠
失眠日子　年月很動聽　
天際倦到再黑　夜闌仍有星





 

分類: 我們的生活點滴
 [ 訪客留言(0) ] [ 編輯日誌 ]


« | 313 | 314 | 315 | 316 | 317 | 318 | 319 | 320 | 321 | 322 | ... | 384 | »