今日依然返全日，依然朝早嘅時候，有人打嚟叫醒我食早餐，依然都係笑住返工。。。今朝食早餐時，有人去買咗兩本“100毛”，其中一本係買俾我架！因為今期封面係王貽興♡所以個低能仔就買埋俾我，正傻佬嚟架！！
今日晏晝去咗大家樂食，食完返到鋪頭就開始個肚同胃痛得好緊要，Auntie叫我去藥房買藥，因為今晚又得我一個，佢怕我會痛到頂唔順！當然我都嗲吓低能仔啦😽不過去到藥房，嗰個男仔話我咁痛，唔好食成藥。。。佢配咗啲藥俾我，點知佢話唔使收錢😱Auntie話我桃花好勁，又有豔遇🙈要我叫低能仔小心啲。。。但我相信低能仔唔會當係乜嘢一回事，因為佢應該對自己好有信心！！
今晚佢依然嚟咗接我，行過嗰間藥房時，佢已經知係邊個男仔！！我覺得好驚訝。。。低能仔話因為平時我哋一齊去買嘢時，佢覺得個男仔望住佢嘅眼神怪怪哋，但我真係感覺唔到，或者係我冇為意啦！
今晚食完嘢，我哋去咗759，終於都揾到嗰隻爆谷，仲買咗4包添呀！估唔到低能仔會俾我買。。。平時佢好少俾我食呢啲嘢架，因為我好易咳。。。低能仔，愛你！！搭車返去時，響車有人陪我睇“100毛”😆好鍾意呢種感覺，原來好特別架，哈哈。。。
低能仔，多謝你個電話套呀！真係巧靚呀。。。。我好鍾意，你知嘛，連家姐都話靚呀🙇
P.s 唔知點解。。。最近我愛上咗『孤獨探戈』呢首歌♡
明白沒有 在懸崖上哪可退後
你要轉左我不會行右
望著自己的映像搖曳跌盪
仍然優雅地盲目搏鬥
明白沒有 任何難度我都接受
我會疼惜你最新好友
捏著自己的心臟狂烈跳動
但求跟你伴奏
分類: 我們的生活點滴 |
