今日諗咗好多個假如。。。。假如我尋晚冇買飯俾佢食，佢就唔會又屙又嘔！假如我跟第二個走咗，將來嘅日子又會點？佢又會唔會掛住我？假如我尋晚冇發佢皮氣，我哋嘅感情係咪又會好一啲？假如。。。。佢又係咪真係唔會行衰運？
尋晚我響佢到，一聽到佢星期日請假，我好開心！我以為我生日佢陪唔到我，所以農曆生日就陪番我，點知原來另有原因，我忍唔住將呢個幾月收埋嘅眼淚流晒出嚟。。。。嗰一刻我好想問我係咪已經唔重要喇？？但算啦！都已經過咗去。。。不過個衰人永遠都知點氹我，每一次原本我好嬲，到最後都敵唔過佢，除咗對上嗰次之外！
今朝佢應承陪我食早餐，我如常買定早餐等佢，點知見到佢面紅紅咁，原來個傻佬尋晚又屙又嘔成晚冇瞓！低能仔，以後唔舒服都要同我講，就算幾夜都要呀！！睇見佢早餐又食唔落，我覺得好心痛，響車嘅時候，我亦特登唔講嘢，俾佢瞓一陣！希望佢拎完機返去瞓吓就會好啦。。。
今日成日都好忙，仲要返咗堆貨未搞掂就收工！因為要趕住拿拿臨收工落灣仔買嘢返去俾低能仔食，同埋要買埋感冒茶！所以乜都未做晒都照趕住走，好擔心佢！始終如果我尋晚冇買外賣俾佢，就唔會搞成咁。。。我陣係想佢冇事，我陣係想病嗰個係我，而唔係佢！ 今晚眼見病到咁厲害嘅佢，我心痛到死！我唯一能做嘅，就只能照顧佢！要我行嚟行去都冇問題，只要佢冇事，我真係冇所謂。。。幫佢搞掂晒所有嘢，睇佢上床瞓埋，我先安心返屋企煮麵食！低能仔，你要乖乖哋快啲好番，聽日好好休息，知嘛？
他說甚麼，或不說甚麼，
都會讓你不自覺地想得太多。
他說了早晨，你會猜想他今天是否好心情；
他默言走過，你會想是不是自己的笑容不夠。
他對你笑了，你會心跳興奮得說不出話來；
他只顧跟別人說話，
你會擔心自己是不是做錯了甚麼 ......
他記得你說過的話，
你會暗想他心裡是否留有自己的位置；
他忘了你的約定，你又會想自己是否不再重要了 ......
也許是因為他，你才會變得如此敏感。
然而要不要敏感下去，是你自己可以決定，
也是你自己放棄了再決定。
你太想去知道他的想法、肯定他的心意，
因此你任憑自己無時無刻都將目光傾注在他的身上，
盼能捕捉到半點蛛絲馬跡，或看穿他一時的愛惡。
可你一直讓自己的情緒因為他而高
低起伏，
卻未必有足夠智慧與幸運，
能夠找到可以看穿他內心的法子 ......
但你將他的一切繼續放大，
最後變得卑微的，又可會是誰。
分類: 我們的生活點滴 |
