jessica1207yi : 個人主頁 - 相簿 - 訂閱  [ QOOZA - 論壇 - 登入 ]
人氣：34490 
一切從蝴蝶酥開始
不知不覺愛上你……
我 的 資 料

暱稱： 低能仔♡低能妹
MORE...
«‹ July 2026 ›»
SMTWTFS
1234
567891011
12131415161718
19202122232425
262728293031
最 新 日 誌
•一切從蝴蝶酥開始
•半年後
•分開。。。
•放假喇
•安全感
日 誌 分 類
•全部 (1919)
•我的生日之旅@台北2018 (2)
•我們的一週年甜蜜之旅2014♡台北 (5)
•我們的三週年甜蜜之旅2016♡Osaka (6)
•我們的五週年甜蜜之旅2018♡OsAkA (4)
•我們的五週年甜蜜之旅2018♡台北 (4)
•我們的生活點滴 (1883)
•我們的四週年甜蜜之旅2017♡東京 (7)
•我們的兩週年甜蜜之旅2015♡台北 (5)
•我們的甜蜜之旅2018"♡澳門 (2)
•未分類 (1)
訪 客 留 言
最近三個月尚無任何留言
最 近 訪 客
最近沒有訪客
每 月 文 章
日 誌 訂 閱
尚未訂閱任何日誌
我 的 好 友
我 的 連 結
•差半步
日 誌 統 計
文章總數： 1919
留言總數： 87
今日人氣： 11
累積人氣： 34490
RSS Feed
2014 年 12 月 9 日  星期二   晴天
Why?

 今日要返工，人真係好犯賤，放假時明明可以瞓晏啲，但又偏偏好早起身，要返工嘅時候，又唔願起身好想瞓。。。。


低能仔終於都捱完非人生活嘅日子喇！真係好。。。佢可以瞓番覺好，呢排佢日日都唔夠瞓，搞到面青青咁，我又冇乜做到真係好心痛，依家佢搞掂晒啲嘢，我就安心得多！

今晚我叫佢返屋企休息，唔好出嚟接我！放工後，我去完 WTC拎完嘢，就買埋外賣同洩紙巾返去佢屋企，不過我都成10點先返到去，陰公豬，一定餓屎佢喇！對唔住呀。。。。我咁遲先返到嚟！

今晚睇佢本嘢時，有啲嘢一直都諗唔明！點解佢會話“妳依然都咁愛我同錫我”呢？

分類: 我們的生活點滴
 [ 訪客留言(0) ] [ 編輯日誌 ]

2014 年 12 月 8 日  星期一   晴天
生日飯

 三日假期要完結喇！唔知點解呢三日好似冇乜嘢做過咁。。。。好似嘥咗呢個假期！


今朝好早就醒咗，食完嘢就去咗睇醫生！跟住就返咗屋企開始整嘢。。。今日終於都整咗啱豬豬食嘅嘢“青蘋果燕麥曲奇”！呢幾日佢都冇乜胃口食嘢，但又要飽肚食藥，希望整啲佢鍾意食嘅嘢，等佢開胃啲！估唔到豬豬咁鍾意食，總算覺得安慰！

搞掂完豬豬啲嘢食，就搞屋企人同低能仔嘅晚餐，因為爸爸話今晚響屋企同我食生日飯！除咗壽司同 pizza係外賣，仲整咗卡邦尼焗千層闊麵、蜜汁雞翼同金沙骨！唔知低能仔鍾唔鍾意食呢？

今晚佢8點幾就返咗嚟，陰公豬，佢個樣攰到傻！幸好佢只要捱埋今晚，就可以抖吓同輕鬆吓！見到佢咁攰，個心好痛。。。除咗煮嘢食、幫佢鍊同執屋外，我仲有乜可以做到呢？

分類: 我們的生活點滴
 [ 訪客留言(0) ] [ 編輯日誌 ]

2014 年 12 月 7 日  星期日   晴天
Happy Birthday to me

 Happy Birthday to me....


今日係我嘅生日，過咗一個超平淡嘅生日，一早就同爸爸佢哋食早餐，行咗一陣就返咗屋企，返到去見到阿豬情況又差咗，急急腳就帶咗佢去睇醫生，醫生話係“椎間盤突出”翻發，如果食咗藥情況都係咁，就要做手術！阿豬，你唔好有事呀！

今晚我同低能仔約咗6點幾先見，我哋去咗和亭到食，食完行咗一陣就返咗去！其實我今晚有啲唔開心，我以為佢會陪我耐啲，但晏晝佢要做功課，夜晚我哋又好靜，9點幾就各自各返咗屋企。。。。如果生日願望真係能夠實現，我真係好想佢有一日可以同我一齊放假，成日都係屬於我！

分類: 我們的生活點滴
 [ 訪客留言(0) ] [ 編輯日誌 ]

2014 年 12 月 6 日  星期六   晴天
傷風了。。。

 尋晚瞓得唔好，成晚都睇阿豬，加上又流鼻水，好攰！！


今日十一點就起身，不過阿豬又唔食嘢。。。但幸好佢好似行得冇咁辛苦！而我就瘋狂咁流鼻水同打乞嗤，仲要周身都好攰，結果都係要睇醫生，又開始發燒。。。佢話我之前感冒仲未好，兼且可能又俾人野到，所以嚴重咗，其實邊有咁多人傳染到吖！應該係冷親至真。。。

今日去買埋濕紙巾、紙巾同嘢飲返低能仔屋企，唔知係咪唔舒服嘅關係？平時都係買咁多嘢返去，但都唔覺重，今日竟然覺得好重。。。一路抹佢間屋時，突然諗起 jason & boss同我講，好鍾意嚟我間鋪，因為我會將間鋪打理得好乾淨，令佢哋嚟親都好舒服，唔知低能仔又會唔會覺得，每逢返到屋企都會因為我幫佢執過而感到舒服呢？搞掂晒佢屋企嘅嘢，成個人散晒！跟住又要趕住出去揾家姐，攰上加攰！今晚佢放工返嚟就陪我，我攰到瞓咗響到唔想郁。。。有人好好咁幫我鍊，不過我依然都係冇晒力！

分類: 我們的生活點滴
 [ 訪客留言(0) ] [ 編輯日誌 ]

2014 年 12 月 5 日  星期五   晴天
命根
今晚返到屋企，阿豬唔知點解行路冇晒力！我好驚。。。好驚佢又好似幾年前咁“椎間盤突出証”！

阿豬由出世至今都体弱多病，細個嘅時候仲試過差啲離開咗我，醫咗好耐佢先好番。。。。嗰種失去同驚嘅感覺，我呢世都記得清楚，我好驚好驚佢今次會離開我。。。

由阿豬兩個幾月大大病後，我一直都當佢係女咁帶大，佢陪我經歷過好多嘢，我開唔開心佢都陪響我身邊，我記得我每次去旅行，個衰妹都會響屋企大門前瞓，等到我返為止！有時我打番屋企，家姐佢哋開擴音器，只要我一吹口哨，佢就會四圍揾我，好傻。。。咁多年都係佢一直陪住我，如果冇咗佢我真係唔知點算，佢真係係我嘅命根。。。。

 


分類: 我們的生活點滴
 [ 訪客留言(0) ] [ 編輯日誌 ]


« | 282 | 283 | 284 | 285 | 286 | 287 | 288 | 289 | 290 | 291 | ... | 384 | »