jessica1207yi : 個人主頁 - 相簿 - 訂閱  [ QOOZA - 論壇 - 登入 ]
人氣：34355 
一切從蝴蝶酥開始
不知不覺愛上你……
我 的 資 料

暱稱： 低能仔♡低能妹
MORE...
«‹ July 2026 ›»
SMTWTFS
1234
567891011
12131415161718
19202122232425
262728293031
最 新 日 誌
•一切從蝴蝶酥開始
•半年後
•分開。。。
•放假喇
•安全感
日 誌 分 類
•全部 (1919)
•我的生日之旅@台北2018 (2)
•我們的一週年甜蜜之旅2014♡台北 (5)
•我們的三週年甜蜜之旅2016♡Osaka (6)
•我們的五週年甜蜜之旅2018♡OsAkA (4)
•我們的五週年甜蜜之旅2018♡台北 (4)
•我們的生活點滴 (1883)
•我們的四週年甜蜜之旅2017♡東京 (7)
•我們的兩週年甜蜜之旅2015♡台北 (5)
•我們的甜蜜之旅2018"♡澳門 (2)
•未分類 (1)
訪 客 留 言
最近三個月尚無任何留言
最 近 訪 客
最近沒有訪客
每 月 文 章
日 誌 訂 閱
尚未訂閱任何日誌
我 的 好 友
我 的 連 結
•差半步
日 誌 統 計
文章總數： 1919
留言總數： 87
今日人氣： 82
累積人氣： 34355
RSS Feed
2014 年 12 月 4 日  星期四   晴天
夢想。。。

 今朝完全唔想起身，好想冬眠呀！返到鋪頭好靜，成日得小貓三、四隻！我悶到想死。。。。


今日睇咗好多好多食譜，好想整多啲特別啲嘅嘢俾低能仔食，特別想整咖喱焗叉燒飯俾佢，因為佢最近成日食呢個飯，我諗住叉燒都係自己整埋，冇食用色素，咁就可以健康啲！

呢排睇番巨輪，睇到好想食花生糖同杏仁餅，收工後低能仔同我食完飯，就帶咗我去鉅記買，好開心！我仲好低能響到諗，食住呢兩樣嘢再睇呢套戲，唔知會唔會好睇啲呢？

今晚我過得好開心，低能仔陪咗我好耐，仲拖得我好實，搭車嘅時候仲可以攬住佢添！返到去我哋一齊返咗屋企，咁凍嘅天氣可以一齊瞓响張床，係最暖嘅一刻！低能仔，你話如果有人一生一世都煮飯俾你就好，其實一生一世可以煮飯俾你食，係我嘅夢想！

分類: 我們的生活點滴
 [ 訪客留言(0) ] [ 編輯日誌 ]

2014 年 12 月 3 日  星期三   晴天
杏仁瓦片

 今日休息，瞓到12點先醒，今朝瞓醒終於都見到有低能仔 whatsapp喇！


原本今日上佢到執屋，不過我出去食嘢前見唔到信箱有鎖匙，原來佢仲未出門口！本身諗住晏啲先上去，今日好想煮飯，但當然唔可以俾佢知我煮飯啦！因為佢話過如果執屋，就唔可以煮飯架，所以我都係諗住煮咗先算，點知佢話怕我攰，叫我唔好上去執！咁我就可以光明証大咁買餸煮飯，嘻嘻。。。

返到屋企好忙，因為上網學咗一個叫“杏仁瓦片”嘅小食，好想整俾佢，但因為唔夠杏仁，要等家姐收工買返嚟，所以第一盤當然要揾白老鼠試啦。。。。連阿麻都話好食，好開心成功咗！搞掂晒就預備今晚晚餐喇！我都係好遲先同佢講，等佢冇得話我！唔知你鍾唔鍾意今晚餐飯呢？？

今晚帶埋啲嘢過佢到，點知落到街就見到佢！返到屋企幫佢鍊咗一陣先食飯，個傻佬好乖咁食晒，而且我仲預備埋果盤俾佢，因為佢呢排成日傷風，要食番多啲維他命至得，見佢其實唔係太鍾意都乖乖哋食晒，仲食埋之前整啲曲奇，個心即時冧晒！今晚佢陪我過咗一個好 sweet嘅夜晚，愛你！返到屋企我就即時開始整埋第二輪“杏仁瓦片”，我好想聽日可以俾佢食，我好想將最好的都給你！

低能仔，你話有時想同我講笑，但我又好認真，其實冇女仔鍾意自己愛嘅人開嗰啲玩笑。。。。

分類: 我們的生活點滴
 [ 訪客留言(0) ] [ 編輯日誌 ]

2014 年 12 月 2 日  星期二   晴天
還想嗎？

 今朝起身依舊望吓個電話，見到低能仔冇揾過我，我雖然有啲失望。。。不過好似已經開始習慣喇！


尋晚收到個 email，我睇到覺得有啲唔開心，其實我知道佢真係好忙，冷落咗我亦係應該，但佢已經盡量每晚都抽時間接我、同我食飯，甚至陪我行一陣先走！佢嘅忙唔係扮出嚟，所以就算我為佢搞掂屋企一切，煮飯煲湯又或者係甜品都係應份！始終我乜都做唔到，只有呢啲先可以幫輕吓佢！

今晚低能仔依然嚟咗接我，個傻佬又買咗嘢俾我，我唔想你嘥晒啲錢響我身上，你已經買咗好多嘢俾我，其實你有時間whatsapp我一句，留意我多一啲，我都已經好開心，我要嘅開心真係好簡單架咋！有你我就已經足夠。。。

食完飯行咗一陣，我哋就搭車返去！今晚架車冇位，冇得一齊坐。。。我好耐冇攬過佢喇！我好想好想攬住佢，因為每一次攬實佢，我都會覺得好實在，我好鍾意呢種感覺。。。你呢？你仲有冇好想攬住我呀？？

分類: 我們的生活點滴
 [ 訪客留言(0) ] [ 編輯日誌 ]

2014 年 12 月 1 日  星期一   晴天
每一樣。。。
今日凍咗好多又落雨，冬天真係到咗喇！低能仔今朝要返好早，唔知佢有冇著多件衫呢？？

今日返到鋪頭一直都好忙，要搞聖誕佈置。。。對上一次整呢啲，應該係教畫畫嘅時候，其實我都好鍾意裝飾，我有諗過將來屋企每逢節日都佈置一吓，等身邊嗰個都會感覺到節日嘅感覺，浪漫嘅感覺。。。

整到四點幾，見個電話除咗 Jason揾過我，就冇其他人揾過我，我好掛住低能仔。。。whatsapp完佢，我心血來潮好想聽佢把聲，不過電話唔通！呢一刻我好驚，我好驚佢係咪有事。。。佢呢排攰到咁，我好驚佢會有事，好驚好驚！！！

今晚佢嚟咗接我，我起初好想佢睇到我裝飾咗間鋪，但或者佢真係從來都冇留意過呢到，所以佢話唔覺有乜嘢分別？！原來都幾 hurt架。。。

食飯嘅時候，我問佢幾時搞埋大學嘅嘢？佢答我“乜原來你記得？我以為你唔記得”低能仔，關於你嘅嘢，除咗你冇同我講嗰啲外，我每一樣都放響個心到，你鍾意食乜？你鍾意啲乜？你唔鍾意啲乜？甚至乎邊一類型嘅女仔，你鍾意、你會望？！我每一樣都放響心，每一樣都唔夠膽唔記得，因為我在乎你！只不過。。。。 


分類: 我們的生活點滴
 [ 訪客留言(0) ] [ 編輯日誌 ]

2014 年 11 月 30 日  星期日   晴天
大結局

 今日係我同低能仔一齊嘅假期，不過佢嘅假期就好忙，要一早起身出去拍嘢，而我就一早起身同爸爸去食嘢，跟住整埋指甲，然後就返咗屋企。。。。返到屋企食咗藥，我就返房瞓咗一陣！瞓到5點幾，低能仔就 whatsapp我，佢返咗嚟，而且仲約我8點先一齊食飯！


我知道最近嘅佢好忙，我乜都幫唔到佢，我好想做啲嘢令佢知道，雖然我冇嘢幫到佢，但我其實係十卜佢！所以我整咗一樣，我剛識佢時第一樣送俾佢嘅嘢……低能仔曲奇！我好想佢見到後，會感覺到我所做嘅嘢，係同當日嘅一模一樣，不過又邊會有嘢係一樣吖？最起碼今次整嘅已經唔係朱古力味，而係牛油味！

終於都等到8點可以見到佢，我哋尋日成日都冇見過，我好掛住佢！個傻佬帶咗樣提早嘅生日禮物俾我，係 Hello Kitty 40週年限定即影即有相機，佢重視我，我當然開心！但其實我有佢已經好足夠，我唔使物質上嘅嘢，我只係想佢個心得我一個就夠喇！食完飯我哋返咗屋企一齊睇大結局，攬住瞓響到睇電視係我最鍾意嘅。。。但見佢咁攰，我好唔知點？！除咗幫佢鍊，我仲可以做啲乜？？？

分類: 我們的生活點滴
 [ 訪客留言(0) ] [ 編輯日誌 ]


« | 283 | 284 | 285 | 286 | 287 | 288 | 289 | 290 | 291 | 292 | ... | 384 | »