jessica1207yi : 個人主頁 - 相簿 - 訂閱  [ QOOZA - 論壇 - 登入 ]
人氣：35159 
一切從蝴蝶酥開始
不知不覺愛上你……
我 的 資 料

暱稱： 低能仔♡低能妹
MORE...
«‹ August 2026 ›»
SMTWTFS
1
2345678
9101112131415
16171819202122
23242526272829
3031
最 新 日 誌
•一切從蝴蝶酥開始
•半年後
•分開。。。
•放假喇
•安全感
日 誌 分 類
•全部 (1919)
•我的生日之旅@台北2018 (2)
•我們的一週年甜蜜之旅2014♡台北 (5)
•我們的三週年甜蜜之旅2016♡Osaka (6)
•我們的五週年甜蜜之旅2018♡OsAkA (4)
•我們的五週年甜蜜之旅2018♡台北 (4)
•我們的生活點滴 (1883)
•我們的四週年甜蜜之旅2017♡東京 (7)
•我們的兩週年甜蜜之旅2015♡台北 (5)
•我們的甜蜜之旅2018"♡澳門 (2)
•未分類 (1)
訪 客 留 言
最近三個月尚無任何留言
最 近 訪 客
最近沒有訪客
每 月 文 章
日 誌 訂 閱
尚未訂閱任何日誌
我 的 好 友
我 的 連 結
•差半步
日 誌 統 計
文章總數： 1919
留言總數： 87
今日人氣： 1
累積人氣： 35159
RSS Feed
2014 年 11 月 14 日  星期五   晴天
美好嘅一日
眨吓眼又到星期五喇！返埋聽日又放假。。。。仲可以同低能仔一齊放假添，真係好呀！

今朝起身就見到低能仔 Whatsapp，整完嘢落街等車時，突然有人拍我膊頭，擰轉頭見到嘅係低能仔。。。我開心到傻咗，可以返工前見到佢，又可以攬住佢，兼且仲有個 morning kiss先返工，係一日美好嘅開始！

今晚8點幾低能仔就嚟接我，我哋今晚食麥記，我終於都試咗佢好鍾意食個包，原來真係好好味架！起初個傻佬怕我唔夠飽，唔俾我食麥記。。。但我好想食佢鍾意食嘅嘢，佢先乖乖哋咁俾我去食麥記，低能仔，只要你鍾意食，我就會鍾意食！



 


分類: 我們的生活點滴
 [ 訪客留言(0) ] [ 編輯日誌 ]

2014 年 11 月 13 日  星期四   晴天
HaPpY bIrThDaY tO pA pA
今日係爸爸生日，夜晚要去食飯，所以今日放假一日，終於都可以瞓到12點幾先起身，仲要有人買埋早餐、檸茶俾我，真係好呀！！

下晝俾媽咪捉咗出去行街，行到四點幾就去揾靚仔醫生睇醫生。。。陪媽咪行咗咁耐，仲攰過返工呀！爸爸佢哋六點幾出到嚟，今晚食放題，好耐都冇食過喇！不過我都係食得唔多，好快就飽！

低能仔今晚返佢奶媽到食飯，六點幾就食完返屋企等我，我個心一早就飛咗返去！我食完飯之後，好想快啲返去揾佢，以前我會好鍾意同家姐食完飯兩個人去行街，但依家我只係想同低能仔一齊，就算冇嘢做，兩個一齊響屋企，我都覺得好開心，只要有佢乜都變得更好！今晚我成930先返到嚟，我 whatsapp佢話拎埋啲嘢就過去，佢竟然話我“咁耐架！”你知嘛。。。睇到呢句說話，我響到傻笑，唔知點解我覺得好冧。。。原本今晚食咗藥好攰，但見到低能仔我即刻精神晒，因為有人一開門就攬實我，仲有人好細心咁幫我鍊咗一陣！

今日個傻佬問我想唔想佢聽晚接我收工？其實佢一問呢句，我就知道佢有嘢做！原來佢之前應承咗請拍片嘅人食飯，所以我就叫佢去。。。點知個傻佬話唔好，佢想見我！呢一刻我真係好開心，開心過佢買嘢氹我，因為我要嘅就係咁簡單，佢個心有我響到！低能仔，我真係好愛好愛你。。。

 


分類: 我們的生活點滴
 [ 訪客留言(0) ] [ 編輯日誌 ]

2014 年 11 月 12 日  星期三   晴天
笑水禾喇。。。。

 今朝好早就醒咗喇！一起身個人勁攰，周身都好痛。。。幸好聽日放假，唔使咁早起身！


今日忙完一輪，抹好晒嘢都已經6點幾，我好掛住低能仔，諗番尋晚我哋好 sweet，我忍唔住笑咗出嚟！好想好想快啲收工見到佢♡

收工嘅時候，我見唔到佢嘅 whatsapp，又冇打俾我，我企咗響到好無奈，唔知應該去邊好？無咗佢，我真係會冇晒方向。。。。到我打電話俾佢先知，原來有人以為我返灣仔，就咗去灣仔等我，點知原來記錯咗，嘩咔咔。。。笑水禾喇！！

今晚食完飯搭車返去時又冇位，低能仔響車攬住我企，呢一刻我覺得好有安全感，覺得佢可以令安心咁依賴住佢，完全唔使擔心！返到屋企有人好好咁幫我鍊，好舒服呀。。。今晚有佢陪我陪到十二點先走，我好想好想攬住佢瞓，攬住佢唔放，可唔可以呀？

分類: 我們的生活點滴
 [ 訪客留言(0) ] [ 編輯日誌 ]

2014 年 11 月 11 日  星期二   晴天
很愛
今日返 FM,返到去見到一張紙條，睇到呢張紙條時，我第一個反應係呆咗，因為我真係冇諗過，但其實我覺得好窩心架！我有啲唔捨得呢到。。。特別銅鑼灣！！

今日好快就到收工，低能仔一早就過咗嚟等我，今晚有人又買嘢俾我，係個好靚嘅 headset，隻色我超鍾意，同埋係我之前想買架！估唔到佢會買咗俾我，唔知呢啲係咪叫默契呢？？

今晚我哋成晚都好開心，食完飯返到去，佢攬住我瞓咗一陣，嘻嘻。。。好幸福呀！不過有人怕我攰，唔俾我沖康鈣c俾佢飲，傻豬，其實我攰又有乜所謂？相反你攰、你病，我會更心痛！

 


分類: 我們的生活點滴
 [ 訪客留言(0) ] [ 編輯日誌 ]

2014 年 11 月 10 日  星期一   晴天
thinking of u
今日好攰，依然覺得好暈。。。返到鋪頭有好多嘢要搞，個人攰上加攰！！

今日成日都好掛住低能仔，不過今晚佢冇嚟等我，第一次大家一齊收工，但都冇見。。。個傻佬話因為太攰，加上想去剪髮，怕又會對住我黑面，所以叫我唔好等佢，正一低能仔嚟架！！

今晚早咗10分鐘收工，去拎埋啲藥同食完嘢就搭車返去喇！其實我都好攰，個人亦冇晒力。。。我諗之前啲藥太勁，搞到我好似又攰又暈，希望換咗啲藥之後，可以快啲好番同冇咁辛苦啦！

唔知今晚你見唔到我，會唔會好掛住我呢？我就好掛住你喇，嘻嘻。。。 


分類: 我們的生活點滴
 [ 訪客留言(0) ] [ 編輯日誌 ]


« | 287 | 288 | 289 | 290 | 291 | 292 | 293 | 294 | 295 | 296 | ... | 384 | »