今日忙到冇朋友，由返工忙到收工，莫講話坐，就連食飯時間都冇。。。。幸好今朝有人帶咗我去食早餐啫！
朝早有人一齊食早餐係一件好幸福嘅事，買定早餐等佢嚟，幫佢落好晒糖，而佢就切好晒啲嘢俾我食，仲要幫我督好晒啲檸檬，呢種感覺好温馨。。。今朝食早餐時，有人唱咗首歌俾我聽，話係答緊我尋晚問嘅嘢“一生一心”！但我好衰扮唔明佢講乜，佢就好無奈咁答我‘我愛妳一生一世’！雖然係肉麻，但真係好冧好冧。。。
食完早餐，低能仔就陪我等車，一朝早可以攬實佢真好！其實我特別鍾意佢今朝響大快活等緊早餐時，響後面攬住我嗰種感覺！雖然今日返工好忙，搬貨時又搞到條腰好痛，但一諗起低能仔今朝講嘅嘢，我又有動力去做嘢，不過我真係好攰好攰，散晒喇！
收工低能仔冇嚟接我，我哋約咗響旺角食飯！今晚我哋過得好開心，突然講起結婚嘅問題，知道佢諗乜，個心即時有温暖嘅感覺，我諗係因為我冇試過好想好想同一個人一生一世，我冇試過會對一個人，好想好想將來嘅日子有佢，我更未試過想為一個人生bb，係好想好想。。。。因為我真係好愛你！
食完飯我哋行咗一陣就返去，我知道佢已經好攰，我突登唔講嘢，因為我想你靜靜哋抖吓，低能仔，你要乖乖哋飲晒啲感冒熱飲呀！
牆角會開花 螻蟻會搬家
誰踏上天梯 在俯瞰浮華
理想有代價 美景會淡化
像一幅孤芳細賞的畫
相信嗎 緊抱她
生生世世的相愛 誰驚訝
多少引誘難招架 一生一心越優雅
皺紋白髮一般美麗嗎
分類: 我們的生活點滴 |
所以我要自己收工行過去揾佢，輸俾個男人真係唔抵呀，哈哈。。。過到188見到低能仔同佢二奶一齊，佢當住佢二奶面前叫我“低能妹”，其實都覺得 sweet，不過唔知嘅話，一定以為我真係低能囉
其實我今日都好掛住你，每當我覺得攰，覺得唔舒服，我就會諗住你，根住就有心機繼續返工，因為放工之後，就係我哋 honeymoon嘅時候！
Anyway Love you so much....
