jessica1207yi : 個人主頁 - 相簿 - 訂閱  [ QOOZA - 論壇 - 登入 ]
人氣：34476 
一切從蝴蝶酥開始
不知不覺愛上你……
我 的 資 料

暱稱： 低能仔♡低能妹
MORE...
«‹ July 2026 ›»
SMTWTFS
1234
567891011
12131415161718
19202122232425
262728293031
最 新 日 誌
•一切從蝴蝶酥開始
•半年後
•分開。。。
•放假喇
•安全感
日 誌 分 類
•全部 (1919)
•我的生日之旅@台北2018 (2)
•我們的一週年甜蜜之旅2014♡台北 (5)
•我們的三週年甜蜜之旅2016♡Osaka (6)
•我們的五週年甜蜜之旅2018♡OsAkA (4)
•我們的五週年甜蜜之旅2018♡台北 (4)
•我們的生活點滴 (1883)
•我們的四週年甜蜜之旅2017♡東京 (7)
•我們的兩週年甜蜜之旅2015♡台北 (5)
•我們的甜蜜之旅2018"♡澳門 (2)
•未分類 (1)
訪 客 留 言
最近三個月尚無任何留言
最 近 訪 客
最近沒有訪客
每 月 文 章
日 誌 訂 閱
尚未訂閱任何日誌
我 的 好 友
我 的 連 結
•差半步
日 誌 統 計
文章總數： 1919
留言總數： 87
今日人氣： 47
累積人氣： 34476
RSS Feed
2015 年 2 月 2 日  星期一   晴天
最後一日

 今日係假期最後一日，我依然覺得唔開心，其實如果唔係未揾到嘢做，我根本唔會返轉頭，始終我同低能仔都要食，而且我亦有我負擔！但我仍然有揾工，因為我真係唔想留響到。。。低能仔，希望你明白我！


今日瞓到成點鐘！起身後，低能仔話陪我食嘢先，然後就返去整埋啲嘢，但我唔知佢媽咪幾時返，所以我叫佢整埋先！三點幾個傻佬就同我響樓下食完嘢，就開始今日嘅行程。。。

食完嘢我哋去咗西環探佢爸爸，突然諗番第一次跟佢去探佢爸爸嘅情景，嗰次係我最開心嘅時候，因為嗰次就係佢第一次用女朋友身份嚟形容我。。。今日我依然好開心，我好想將來唔係用女朋友嘅身份，同佢一齊去探佢爸爸！

去完西環我哋就去上環。。。途中見到有好多好得意嘅嘢，而且佢有佢影相，我有我睇嘢，兼且仲一路行一路玩，嗰種感覺真係好好，簡簡單單真係好 sweet。。。夜晚就去咗食日本嘢，有佢乜都覺得好食！

有人仲特登陪我返去銅鑼灣買蘇施黃嘅曲奇。。。仲有人襯我唔為意去咗買我要嘅叉電線。。。更有人今日成日都幫我拎住個袋，等我可以無後顧之憂咁行街同攬實佢！低能仔，好多謝你咁愛我，好多謝你今日成日都氹我開心，好多謝你對我咁好。。。有你我好幸福！







 

分類: 我們的生活點滴
 [ 訪客留言(0) ] [ 編輯日誌 ]

2015 年 2 月 1 日  星期日   晴天
餘下

 今朝10點幾就起身同爸爸去食嘢。。。悠長假期最後一個星期日，見隻手好啲，當然要煮飯啦！


食完嘢就去買嘢煮飯，今日煮“芝士焗白汁香草雞扒意粉”，仲有爸爸嘅“生菜什錦煲”。。。。原來用香草加芝士焗出嚟嘅嘢，真係好香架，爸爸話個意粉用黑椒同蒜蓉炒得剛剛好，唔知低能仔你鍾唔鍾意呢？

尋晚低能仔話揾到人同佢去唱歌，佢仲應承我唔會再用唱歌嚟識女仔，我希望係真。。。始終我唔想再因為怕呢樣怕嗰樣，而再限制住佢嘅生活，或者係 Jason令我明白，屬於我嘅嘢，就算我放手佢都會識返嚟，但唔屬於我嘅，就算我捉得幾緊，佢點都會走！女朋友嘅本份，我已經做足。。。餘下落嚟要睇嘅，應該係我哋嘅緣份究竟有幾多？我哋之間嘅愛又有幾多？！


 

分類: 我們的生活點滴
 [ 訪客留言(0) ] [ 編輯日誌 ]

2015 年 1 月 31 日  星期六   晴天
住多啤梨

 呢兩日都好攰好攰。。。好似瞓極都唔夠咁！今日冇去覆診，隻手仍然冇乜力咁，不過已經好番好多喇！


今晚出咗去接低能仔收工，個傻佬今晚攬得我好實，係咪因為尋晚冇見呢？低能仔話佢媽咪2月尾至3月頭就會返日本，雖然佢媽咪唔響香港，我同低能仔見嘅時候會多啲，但今次我竟然想佢媽咪留響到，起碼低能仔可以照顧佢先。。。不過佢媽咪話覺得悶！

今晚食完飯行咗一陣，低能仔買咗2盒我最愛嘅住多啤梨俾我。。。。好甜呀！行咗一陣我哋就返去，呢排我都有個習慣，就係每次響車都冇乜點講嘢！因為我好想俾佢可以好好抖吓。。。我想你對住我都有一刻舒服嘅時候！



 

分類: 我們的生活點滴
 [ 訪客留言(0) ] [ 編輯日誌 ]

2015 年 1 月 30 日  星期五   晴天
thinking of u
咁快又嚟到星期五喇！仲有3日就要返工。。。點解我會唔開心嘅？

今朝依然去睇跌打，不過已經好返好多！原本要睇多一日，但可惜成手已經起晒敏感，聽日應該唔睇喇。。。睇完醫生同婆婆飲完茶之後，就返咗屋企瞓覺，好攰好攰。。。瞓到5點幾，就見到低能仔 whatsapp，好掛住好掛住佢！

今晚我哋冇見過，個傻佬話交收完要9點先返到，但因為今晚10點開始冇水，所以我要佢快啲返去沖涼，雖然好掛住好掛住，但見到佢會話“想見我”我真係覺得好 sweet。。。

低能仔，我好掛住你，我好想煮飯俾你！我好想每晚都攬住你瞓。。。




 


分類: 我們的生活點滴
 [ 訪客留言(0) ] [ 編輯日誌 ]

2015 年 1 月 29 日  星期四   晴天
揀定了？！
尋晚成晚都冇瞓。。。聽完 Jason個電話之後，我諗咗好多嘢，Jason揀定咗我，我揀嗰個係低能仔，但低能仔又係咪已經揀定咗呢？

尋晚睇番我由同低能仔拍拖後，我所寫嘅 blog，唔經唔覺原來我哋經歷咗好多嘢，好難先可以行到呢一步。。。。咁耐以嚟有樣嘢都冇變過，就係一切我都依然係以佢為先，一樣係咁想同佢行到老。

今朝好早就出咗去睇跌打，睇完就等低能仔起身出嚟接我，起初佢諗住同我食完嘢就叫我返去休息，但我好想跟住佢。。。今日我哋去咗銅鑼灣，簡簡單單咁過一日，望住佢瞓著覺個樣，我已經覺得好滿足。。。低能仔，我唔使要其他嘢，有你就好足夠！ 


分類: 我們的生活點滴
 [ 訪客留言(0) ] [ 編輯日誌 ]


« | 271 | 272 | 273 | 274 | 275 | 276 | 277 | 278 | 279 | 280 | ... | 384 | »