jessica1207yi : 個人主頁 - 相簿 - 訂閱  [ QOOZA - 論壇 - 登入 ]
人氣：34366 
一切從蝴蝶酥開始
不知不覺愛上你……
我 的 資 料

暱稱： 低能仔♡低能妹
MORE...
«‹ July 2026 ›»
SMTWTFS
1234
567891011
12131415161718
19202122232425
262728293031
最 新 日 誌
•一切從蝴蝶酥開始
•半年後
•分開。。。
•放假喇
•安全感
日 誌 分 類
•全部 (1919)
•我的生日之旅@台北2018 (2)
•我們的一週年甜蜜之旅2014♡台北 (5)
•我們的三週年甜蜜之旅2016♡Osaka (6)
•我們的五週年甜蜜之旅2018♡OsAkA (4)
•我們的五週年甜蜜之旅2018♡台北 (4)
•我們的生活點滴 (1883)
•我們的四週年甜蜜之旅2017♡東京 (7)
•我們的兩週年甜蜜之旅2015♡台北 (5)
•我們的甜蜜之旅2018"♡澳門 (2)
•未分類 (1)
訪 客 留 言
最近三個月尚無任何留言
最 近 訪 客
最近沒有訪客
每 月 文 章
日 誌 訂 閱
尚未訂閱任何日誌
我 的 好 友
我 的 連 結
•差半步
日 誌 統 計
文章總數： 1919
留言總數： 87
今日人氣： 5
累積人氣： 34366
RSS Feed
2015 年 1 月 18 日  星期日   晴天
結婚。。。
返咗兩日 FM，我開始有另一種体會。。。無可否認我唔係太鍾意呢間鋪，或者係因為人嘅問題。。。我鍾意安安靜靜咁一個人做嘢！

今日兩點幾先食飯，竟然有個意想不到嘅驚喜。。。低能仔響付近，仲同我一齊食嘢添！我哋響新森林食 tea，有佢嘅 Lunch特別好食。。。佢話我每次嗌嘢食都會嗌啲佢鍾意嘅嘢，問我究竟有啲乜嘢鍾意？坦白講自從同佢拍拖後，我食嘅嘢真係唔同咗，我依家會樣樣以佢為先，我食親嘅嘢都係佢鍾意食，咁樣就肯定佢會食得飽，至於我其實都冇所謂，佢開心我就開心！我想一世都咁樣遷就佢。。。

食嘢嘅時候，講起結婚呢個話題！我好開心佢諗嘅將來裡面有我。。。而我諗嘅將來，當然都有佢嘅存在！以前我一直好想擁有一個好浪漫嘅婚禮，但依家我覺得只要可以同佢一齊，就算簡簡單單旅行結婚，我都覺得好幸福！只要我婚紗相嘅男主角唔係其他人，我已經覺得好幸福。。。

今晚低能仔嚟咗接我收工，佢同我去食吉野家打邊爐！佢比起初初識佢，對我真係細心咗好多，依家嘅佢成熟咗，我覺得真係可以依靠佢一生一世。。。



 


分類: 我們的生活點滴
 [ 訪客留言(0) ] [ 編輯日誌 ]

2015 年 1 月 17 日  星期六   晴天
你
今日應承咗 Boss返 FM兩日，咁耐冇返去，感覺好唔同，但依然都係鍾意 CB多啲！食飯嘅時候，我去咗買濕紙巾同定型噴霧俾佢，因為上次我哋去買定型噴霧嘅時候，咁啱冇晒貨，所以就去揾。。。幸好仲有一支！個傻佬知道後，佢話佢個心諗住想買，問我點解會知？傻豬，我哋拍咗拖咁耐，我又點會唔知你諗乜？

今晚低能仔嚟咗接我收工，仲帶咗 HELLO KITTY心太軟嚟接我，咁耐以嚟佢都冇試過咁有心思買埋嘢食嚟接我，今晚我覺得好 surprise，而且仲好温暖。。。呢個心太軟特別好食！不過有人唔舒服，心痛死我！食完飯我哋去飲感冒茶，跟住就返去！見到佢咁唔舒服，我邊忍心要佢辛苦？所以我堅持要幫佢鍊，低能仔，只要你舒服就得！我真係好愛你。。。

風輕輕 我聽見你聲音 
你對著我叮嚀 要注意自己的心情
雨輕輕 我聽見你聲音 
你拿著傘靠近 為我遮著風擋著雨
一點點想哭泣 一點點想著你
你的愛很珍惜 我總依賴著你的記憶
你就像風在說話 順著我方向
你就像海中的波浪 堆著我成長
我明白你的回答 溫柔的對話
愛情其實沒有辦法 不被感動吧 我不說謊
風輕輕 我聽見你聲音 
你對著我叮嚀 要注意自己的心情
雨輕輕 我聽見你聲音 
你拿著傘靠近 為我遮著風擋著雨
一點點想哭泣 一點點想著你
你的愛很珍惜 我總依賴著你的記憶
你就像風在說話 順著我方向
你就像海中的波浪 堆著我成長
我明白你的回答 溫柔的對話
愛情其實沒有辦法 不被感動吧 我不說謊
你就像風在說話 順著我方向
你就像海中的波浪 堆著我成長
我明白你的回答 溫柔的對話
愛情其實沒有辦法 不被感動吧 我不說謊
我不說謊

 

分類: 我們的生活點滴
 [ 訪客留言(0) ] [ 編輯日誌 ]

2015 年 1 月 16 日  星期五   晴天
下次
今日媽咪要返婆婆到，屋企得我一個。。。我決定今日煮飯等低能仔返！今日煮栗子燘雞、菠菜芝士春卷同蒜蓉炒生菜。。。呢餐飯有兩味都係菜，其實係專登架！因為佢平時係多肉少菜，我想佢食多啲菜，等個人健康啲，但如果嗰日買唔啱佢鍾意食嘅菜，佢就食得好勉強，唯有其中一個菜就係整啲特別嘅嘢，等佢可以乖乖哋咁食！今次特別啲嘅就係菠菜芝士春卷，唔用油炸，改用焗爐焗，咁就可以冇油唔怕肥，應該健康啲，希望你乖乖哋食晒去啦！

之前以為栗子燘雞好容易，但原來要用嘅時間都唔少，因為要煲熟咗先整得開啲殼，要一煲好襯熱嘅時候就要整，如果唔係又會癡返實啲栗子肉。。。今日整咗好耐，而且真係好熱，整到手都痛埋，不過只要佢鍾意食，就乜都抵番晒啦！

唔知係咪每次見到佢哋食我煮嘅嘢食得開心呢？我發現我越嚟越鍾意煮嘢食，每次好想煮啲唔同嘅嘢俾佢哋食，但低能仔食嘢種類比較少，有好多嘢都唔整得，每次唔係雞就豬，所以真係諗到頭都爆。。。。其實要諗每餐唔同嘅雞扒點煮，真係一件好難好辛苦嘅事！！下次又應該煮乜呢？





 


分類: 我們的生活點滴
 [ 訪客留言(0) ] [ 編輯日誌 ]

2015 年 1 月 15 日  星期四   晴天
要求太高？！

 低能仔媽咪，今日終於都返喇！原本今朝我哋去飲早茶，不過我唔知醒。。。最後變咗落街食 lunch！食完嘢行咗一陣海怡佢就返去等佢媽咪，而我就返咗阿麻到睇阿妹。。。


低能仔四點幾就 whatsapp我，同我講佢今晚可以陪我，我以為我哋今晚冇得見架！點知有得見之餘，佢媽咪仲讚我，咁耐以嚟等一次，好開心好開心好開心。。。始終我想低能仔愛我之餘，佢媽咪都會鍾意我！

今晚我哋去咗食韓燒。。。想同佢去食好耐，食完響旺角行咗陣，唔知係咪行得太快，我腸痛得好緊要，雖然我依然冇話俾佢知，但今次佢好細心，佢好快發現到我有事。。。而且個傻佬仲好細心幫我整番響手嗰條刺出嚟，雖然痛，但好温暖！之後我哋就搭車返去，佢一直瞓響我隻腳到瞓，望住佢我覺得心痛，明明攰都扮精神，返到樓下佢同我講咗句嘢，令我諗咗好耐。。。佢話每次同我一齊都好攰，其實我對佢係咪太高要求呢？
 

分類: 我們的生活點滴
 [ 訪客留言(0) ] [ 編輯日誌 ]

2015 年 1 月 14 日  星期三   晴天
最後一晚

 今日係最後一日，最後一日擁有二人世界嘅日子！起身之後，就落香港仔買嘢煮飯，仲有要買拖地嗰個海綿。。。


如果每個女人都有一個夢想，我諗一定係做一個師奶，呢個係每個女人最大嘅成就！每日為自己愛嘅人煮飯、洗衫、執屋同湊 BB。。。今日我一路煮飯，一路諗起低能仔，唔知你又滿唔滿意呢餐飯呢？

今晚我為佢預備咗焗葡國雞、芝麻醬沙律、娃娃菜雲吞粉絲煲仲有辣酒煮花螺，不過我冇留到啲螺俾佢，因為佢唔鍾意食海鮮！其實煮葡國雞係我諗起同佢響澳門嘅時候，第一晚食嗰餐葡國餐，係我食得最冧嘅一餐！

低能仔收工就返咗嚟，見佢食得開心，我就覺得開心！我諗如果唔係因為佢，我根本唔會學識煮飯。。。原來愛一個人真係乜都會為佢學！今晚煮飯整到隻手，個傻佬幫我擦嘢同貼膠布，我未見過一個咁温柔嘅佢。。。我忍唔住望住佢笑咗出嚟，係好 sweet咁笑！

陪咗佢一陣，我就走咗。。。最後一晚，我當然想癡實佢，但如果今晚佢都唔做啲自己想做嘅嘢，佢媽咪返到嚟，就冇得佢咁做。。。所以我只可以俾佢靜靜哋咁做自己嘢！

低能仔，你話假如一世都要食我煮嘅嘢，你都願意。。。我真係好感動！我都希望一世都只為你一個煮飯！



 

分類: 我們的生活點滴
 [ 訪客留言(0) ] [ 編輯日誌 ]


« | 274 | 275 | 276 | 277 | 278 | 279 | 280 | 281 | 282 | 283 | ... | 384 | »