jessica1207yi : 個人主頁 - 相簿 - 訂閱  [ QOOZA - 論壇 - 登入 ]
人氣：34601 
一切從蝴蝶酥開始
不知不覺愛上你……
我 的 資 料

暱稱： 低能仔♡低能妹
MORE...
«‹ July 2026 ›»
SMTWTFS
1234
567891011
12131415161718
19202122232425
262728293031
最 新 日 誌
•一切從蝴蝶酥開始
•半年後
•分開。。。
•放假喇
•安全感
日 誌 分 類
•全部 (1919)
•我的生日之旅@台北2018 (2)
•我們的一週年甜蜜之旅2014♡台北 (5)
•我們的三週年甜蜜之旅2016♡Osaka (6)
•我們的五週年甜蜜之旅2018♡OsAkA (4)
•我們的五週年甜蜜之旅2018♡台北 (4)
•我們的生活點滴 (1883)
•我們的四週年甜蜜之旅2017♡東京 (7)
•我們的兩週年甜蜜之旅2015♡台北 (5)
•我們的甜蜜之旅2018"♡澳門 (2)
•未分類 (1)
訪 客 留 言
最近三個月尚無任何留言
最 近 訪 客
最近沒有訪客
每 月 文 章
日 誌 訂 閱
尚未訂閱任何日誌
我 的 好 友
我 的 連 結
•差半步
日 誌 統 計
文章總數： 1919
留言總數： 87
今日人氣： 10
累積人氣： 34601
RSS Feed
2015 年 1 月 8 日  星期四   晴天
猶豫

 自從上次返咗鋪頭後，Jason好似揾多咗我，佢仲約我聽日出去，我竟然開始有啲猶豫。。。有時佢嘅 care，令我不其然諗番起當日嘅低能仔！或者因為你以前做得太足，而令我今日有種若有若無嘅感覺。。。


你也許可以比別人更喜歡、甚至更愛他，
然而兩個人能否一起，並不是一項競賽。
有時候，你再怎麼喜歡一個人，
但就是不能夠勉強另一個人也一樣喜歡自己，
就算你再如何迎合、遷就或討好，
如果他對你是沒有那一種感覺，
你做些甚麼，也只會讓他先入為主地感到煩厭。
或者你相信精誠所至，
你寧願繼續去做、去尋求那一點奇蹟出現，
也不要就此放棄，
但在你去到那未知的終點之前，
你的笑容與力氣又會磨剩多少 ?
也許到最後，你終於等到他的回眸，
但是你自己也已經到了可以承受的極限，
不懂再微笑，也再裝載不到別人的笑臉；
你會發現應該開心的時候卻開不了心，
原來會比痛快地流淚更難受。
何必要讓自己如此，
承載更多不甘不忿、寂寞失意，
去到那一個極限，卻找不到可以安然的角落 ?
不如暫時先停下來，好好吸一口氣，
討好他之前，先去討好自己多一點。
讓自己找回自信，重新變得積極快樂，
才會有更多力量去吸引別人、追回對方，
才會有更多的胸懷去學習如何愛這一個人，
去開拓更多的未來與可能。
現在你的無條件付出，或者已是你的最大極限，
可惜你的最大極限不等於完全適合別人，
那不如想想如何讓自己的溫柔，
可以變得更深更廣闊，
使他有天不會再逃避你，
又或是你的眼裡再不只有他，
讓你的感情與心跳，終於可以得到真正的歸宿。
 

分類: 我們的生活點滴
 [ 訪客留言(0) ] [ 編輯日誌 ]

2015 年 1 月 7 日  星期三   晴天
理想與現實
今日好忙。。。買完餸就返咗屋企！

返到去就即刻整 Oreo 布甸，然後就整嘢煲湯，兼且整埋今晚餐餸，整咁多嘢就係為咗想佢食得好。。。但突然響到諗，其實有幾多人真係鍾意食？又有幾多人只係為咗氹你開心？

煮完成餐飯，個人攰到死。。。但我好想快啲見到低能仔，因為呢餐飯係特別為佢而設，我好想佢鍾意食！今晚除咗個“洋蔥煙肉薯蓉焗磨菇”外，其他煮嘅全部都係佢鍾意食嘅嘢，就連甜品都係。。。其實每次你話鍾意食啲乜，同想食啲乜我都有記響個心到！

今晚佢收工就返咗嚟，起初我拎住啲嘢好開心咁上去。。。但原來我哋今晚講咗十句嘢都冇，佢依然都係拎住部電話。。。。我諗我留咗響佢到只係一個鐘，我就忍唔住走咗，唉。。。。點解理想同現實永遠都唔一樣？



 


分類: 我們的生活點滴
 [ 訪客留言(0) ] [ 編輯日誌 ]

2015 年 1 月 6 日  星期二   晴天
耳鳴
今日瞓到十二點幾就起身，醒咗見到低能仔 whatsapp。。。起身之後，覺得周身依然好痛，完全冇晒胃口食嘢！

今日要拎番啲衫返鋪頭，所以諗住返完鋪頭就過尖沙咀接低能仔收工，然後一齊去食飯！點知5點幾嘅時候，佢打電話俾我，話佢今晚收9點，兼且約咗人930響灣仔交收！

今日返到鋪頭有種熟識嘅感覺，但又好似好陌生咁。。。其實之所以選擇今日返去，係因為我知道今日除咗 Jason之外，仲有另一個同事響到，咁樣就唔使咁尴尬。。。我終於都拎番支唇膏，每件低能仔送俾我嘅嘢，我都好緊張，我一樣都會當係寶！

搞掂晒啲嘢，我就去咗靚仔醫生到，有啲燒。。。幸好唔係好燒！不過耳仔就成日都聽到啲嗚嗚聲，靚仔醫生話呢啲叫耳鳴，係耳水不平衡！

食咗啲藥依然冇乜胃口，低能仔過到嚟之後，我哋就去咗食飯。。。我只係飲咗碗湯！今晚我冇乜點講嘢，低能仔就問我係咪之前 Jason同我講過啲乜？其實佢係有同我講過嘢，但我唔出聲係因為我耳鳴得好緊要，同埋個頭都係咁痛！今晚返到去，我堅持上咗佢到，因為我知道佢好攰，所以我想上去幫佢鍊吓。。。我仍然係為咗你！


 

分類: 我們的生活點滴
 [ 訪客留言(0) ] [ 編輯日誌 ]

2015 年 1 月 5 日  星期一   晴天
甜蜜之旅2015@澳門Day 2

眨吓眼2日1夜嘅甜蜜之旅又圓滿結束喇。。。好唔捨得呢個 honey moon嘅假期，一切又要返番現實喇！


尋晚我連自己幾點瞓著咗，又或者臨瞓前做過啲乜都唔係好記得！我只係知道我醒咗見到低能仔仲瞓緊，我就即刻起身化妝換衫，然後吱埋牙膏俾佢。。。呢個係我夢想中嘅生活！搞掂晒我先叫佢起身，呢一刻好幸福！


Check out之後，我哋去咗食酒店自助餐，我哋又多一個第一次！幸好呢到啲嘢好好味。。。我估低能仔都應該啱食！至於我其實食乜都冇所謂，最緊要係佢食得飽就得喇！


食完嘢我哋就去官也街行街，個傻佬知我鍾意食杏仁餅，就叫我可以任買，佢幫我拎喎！當然最後我都冇乜都買，只係買咗啲真係想食嘅嘢就算。。。我邊捨得要佢做阿四吖！其實我原本好想早啲返香港，因為個傻佬攰到傻，但佢為咗陪我，死都唔肯走，仲帶我去咗觀光塔到觀光觀光。。。夜晚就返番氹仔食小飛象，然後先搭7點船返香港！！估唔到響氹仔碼頭，俾我見到馬強，巧man呀:-o低能仔仲幫我同佢影咗張相添呀！


低能仔，我愛你，我好愛你！




 


分類: 我們的生活點滴
 [ 訪客留言(0) ] [ 編輯日誌 ]

2015 年 1 月 4 日  星期日   晴天
甜蜜之旅2015@澳門

 終於都到咗我哋嘅甜蜜之旅@澳門。。。我等咗今日好耐喇！我要用呢個甜蜜之旅去忘記我哋之間所有唔開心嘅嘢！今朝我哋一早就搭車去上環，有人帶我去食麥當當早餐，好好味！有佢嘅朝早，就係我甜蜜嘅開始。。。


響船上面我攰到瞓著咗，低能仔就攬住我俾我瞓。。。落咗船我哋就去 check in，間酒店好大好靚，唔知佢鍾唔鍾意呢？我好想佢會鍾意我為佢安排嘅嘢。。。。

返到上房，我攰到瞓著咗。。。有人睇住我瞓都唔叫醒我，正傻豬！醒咗後，我哋去咗新馬路到行，今晚我哋去咗食葡國菜。。。好味！之後仲去埋一個我好希望同自己鍾意嘅人去嘅地方“漁人碼頭”！呢到變咗好多，但我依然覺得好浪漫，係因為有你響身邊嗎？

唔知點解今晚特別想飲酒， 好想將所有壓力都拎晒出嚟。。。有佢響我身邊我先放心咁飲！呢到冇 long island。。。叫咗另一隻好難飲嘅嘢！但依然唔理，照飲晒去。。。只係希望可以咩都唔記得，唔記得佢將我推咗俾另一個，唔記得自己曾經返過呢到做，唔記得 Jason呢個人，更唔記得所有眼淚，陣係想記得有佢嘅日子！

分類: 我們的生活點滴
 [ 訪客留言(0) ] [ 編輯日誌 ]


« | 276 | 277 | 278 | 279 | 280 | 281 | 282 | 283 | 284 | 285 | ... | 384 | »