jessica1207yi : 個人主頁 - 相簿 - 訂閱  [ QOOZA - 論壇 - 登入 ]
人氣：34526 
一切從蝴蝶酥開始
不知不覺愛上你……
我 的 資 料

暱稱： 低能仔♡低能妹
MORE...
«‹ July 2026 ›»
SMTWTFS
1234
567891011
12131415161718
19202122232425
262728293031
最 新 日 誌
•一切從蝴蝶酥開始
•半年後
•分開。。。
•放假喇
•安全感
日 誌 分 類
•全部 (1919)
•我的生日之旅@台北2018 (2)
•我們的一週年甜蜜之旅2014♡台北 (5)
•我們的三週年甜蜜之旅2016♡Osaka (6)
•我們的五週年甜蜜之旅2018♡OsAkA (4)
•我們的五週年甜蜜之旅2018♡台北 (4)
•我們的生活點滴 (1883)
•我們的四週年甜蜜之旅2017♡東京 (7)
•我們的兩週年甜蜜之旅2015♡台北 (5)
•我們的甜蜜之旅2018"♡澳門 (2)
•未分類 (1)
訪 客 留 言
最近三個月尚無任何留言
最 近 訪 客
最近沒有訪客
每 月 文 章
日 誌 訂 閱
尚未訂閱任何日誌
我 的 好 友
我 的 連 結
•差半步
日 誌 統 計
文章總數： 1919
留言總數： 87
今日人氣： 13
累積人氣： 34526
RSS Feed
2015 年 2 月 23 日  星期一   晴天
開工大吉

 年初五開工日，今日返銅鑼灣，一早就同爸爸食完早餐先開工！唔知係咪因為四周圍都仲有好多鋪頭未開，所以今日好靜！悶到有啲呆呆哋。。。


呢幾日低能仔都經常拎住個電話，之前我哋好多次都因為咁而搞到唔開心，但唔知點解今次我冇發皮氣，亦冇嬲。。。只係對佢有啲失望！我好驚真係好驚∼我驚係我變咗，由失望變得冇咁愛佢！今日我好坦白咁同低能仔講，我好想佢知我諗乜∼好想佢知其實我驚！

今晚收工我哋去咗食飯，我叫定嘢食等佢嚟！有人見我係咁咳，就去買藥俾我食。。。有人見我唔出聲，就不停氹我。。。有人更知自己最近忽略我，今晚就唔玩電話∼低能仔，其實我真係想響屬於我嘅時間裡面，冇其他嘢騷擾到我哋！你知唔知呢排我哋真係少嘢講咗好多，你攬少咗我好多，每次見到咁，我已經唔願講嘢，我覺得自己都係多餘，唔知你有冇發現呢排每逢食完飯，我都會叫返屋企，其實因為我已經唔想行落去，好似得自己一個行街食飯咁！





 

分類: 我們的生活點滴
 [ 訪客留言(0) ] [ 編輯日誌 ]

2015 年 2 月 22 日  星期日   晴天
年初四@接放工

 今日係假期最後一日，好唔捨得呢個假期，好想一直放落去！


今日成日響屋企都冇乜嘢做！除咗返阿麻到食飯同落街幫低能仔買嘢外，我成個下晝都留咗響屋企。。。呢排都有一種感覺，而令我今晚好想去接佢收工∼但呢種感覺其實係咪因為我哋見得太多呢？突然想起了“愛我請留言”呢首歌……




 

分類: 我們的生活點滴
 [ 訪客留言(0) ] [ 編輯日誌 ]

2015 年 2 月 21 日  星期六   晴天
家長日

 年初三。。。咁快就年初三喇！放埋聽日就要返工喇∼我唔捨得呢個假期！


今日留咗響屋企，好想趁假期完結前，做啲自己鍾意嘅嘢，所以我決定整曲奇！今日原本整玻璃曲奇，但最後我覺得好似唔係好靚，就響啲曲奇上面畫公仔“emoji”！呢排我好鍾意呢個公仔，特別係有♡同錫錫嗰個！

今晚係好特別嘅日子，因為低能仔上我屋企見家長！幸好爸爸都覺得低能仔好斯文，而且仲覺得佢年紀細過我都唔緊要，最緊要佢認真對我，唔係玩玩吓就得。。。雖然我明白見家長唔代表呢個人一定係同我一生一世，但最起碼呢一刻有屋企人嘅認同先！我一直最期待俾爸爸見低能仔嘅情景，今晚終於實理咗喇！

低能仔，我希望可以同你一生一世！


 

分類: 我們的生活點滴
 [ 訪客留言(0) ] [ 編輯日誌 ]

2015 年 2 月 20 日  星期五   晴天
我們的21個月@年初二

 今日係一個好特別嘅日子，既係年初二，亦係我哋拍拖21個月嘅日子。。。兼且係家長日！


今朝十點就起身整定嘢化妝，然後就落西環等低能仔！今日係家長日。。。。要一次過見佢咁多親戚，我真係好緊張！怕自己做得唔夠好、怕佢哋唔鍾意自己，更怕佢哋覺得我襯唔起低能仔！飲茶嘅時候，大家都冇乜嘢講，其實冇乜嘢講，反而令我更加緊張，或者因為我真係唔習慣咁多人嘅時候。。。但我諗應該算係順利飲完呢餐茶！飲完茶低能仔就送我去搭車，然後佢就返去佢舅父到！

今日真係好攰。。。響車到忍唔住瞓著咗！返到去就整蜂蜜蛋糕，因為今日係拍拖21個月嘅日子，點都要 sweet sweet一吓，我只係想佢開心∼今晚有人為咗令我開心，食完飯同我去銅鑼灣行吓！

聽晚就到你見我屋企人喇！希望爸爸、媽咪都會同我一樣咁鍾意你！

分類: 我們的生活點滴
 [ 訪客留言(0) ] [ 編輯日誌 ]

2015 年 2 月 19 日  星期四   晴天
18.19

 18-2-2015 年三十


今日終於都開始5日嘅悠長假期喇！不過好早就俾啲電話嘈醒咗。。。

下晝過完爸爸公司，就返屋企整嘢預備今晚嘅團年飯，我只係要整一樣嘢“薑葱生蠔”……呢個餸係我第一次整，仲要整俾咁多人食，真係好緊張，但幸好個個都好鍾意食！食完飯就返咗屋企化妝預備出街，低能仔今晚返咗嚟接埋我先出去，臨搭車前我哋響樓下撞到爸爸，就係咁。。。低能仔正式暴光喇！

今晚我哋去咗睇戲，睇完戲本來諗住去花市，但最後都冇去！因為低能仔太攰，我唔想佢咁攰都要陪我同人逼。。。而且有佢陪我過年三十晚已經好足夠，花市亦只係陪襯品！

19-2-2015 年初一

弓屎花采。。。

今日瞓醒就見到低能仔 whatsapp，個傻佬應該好早就去咗拜年喇！今朝同爸爸食嘢嘅時候，爸爸問我低能仔係咪之前響7仔做？估唔到爸爸會認得佢架！

今日行程相當緊湊，去完田灣，再去東村，然後又番阿麻到。。。好攰呀！！返到阿麻到，姑姐、爸爸同我傾咗一陣，佢問我低能仔係咪對我認真？兼且話我已經唔細，係時候要諗將來條路係點行？！如果唔係諗住結婚就唔好繼續落去。。。。呢兩日個個將個焦點放咗落低能仔到，又不停問幾時結婚？打唔打算結婚？其實我開始有啲壓力，因為我都唔肯定將來會點。。。



 

分類: 我們的生活點滴
 [ 訪客留言(0) ] [ 編輯日誌 ]


« | 267 | 268 | 269 | 270 | 271 | 272 | 273 | 274 | 275 | 276 | ... | 384 | »