jessica1207yi : 個人主頁 - 相簿 - 訂閱  [ QOOZA - 論壇 - 登入 ]
人氣：34396 
一切從蝴蝶酥開始
不知不覺愛上你……
我 的 資 料

暱稱： 低能仔♡低能妹
MORE...
«‹ July 2026 ›»
SMTWTFS
1234
567891011
12131415161718
19202122232425
262728293031
最 新 日 誌
•一切從蝴蝶酥開始
•半年後
•分開。。。
•放假喇
•安全感
日 誌 分 類
•全部 (1919)
•我的生日之旅@台北2018 (2)
•我們的一週年甜蜜之旅2014♡台北 (5)
•我們的三週年甜蜜之旅2016♡Osaka (6)
•我們的五週年甜蜜之旅2018♡OsAkA (4)
•我們的五週年甜蜜之旅2018♡台北 (4)
•我們的生活點滴 (1883)
•我們的四週年甜蜜之旅2017♡東京 (7)
•我們的兩週年甜蜜之旅2015♡台北 (5)
•我們的甜蜜之旅2018"♡澳門 (2)
•未分類 (1)
訪 客 留 言
最近三個月尚無任何留言
最 近 訪 客
最近沒有訪客
每 月 文 章
日 誌 訂 閱
尚未訂閱任何日誌
我 的 好 友
我 的 連 結
•差半步
日 誌 統 計
文章總數： 1919
留言總數： 87
今日人氣： 35
累積人氣： 34396
RSS Feed
2015 年 3 月 5 日  星期四   晴天
元宵
今日瞓到十二點幾先起身，起身同低能仔 whatsapp咗一陣，就繼續響張床到冇郁！只係期待住今晚同佢見面∼

今晚我6點就去咗佐敦等佢，因為佢話佢6點響學校走，我唔想佢出到嚟要等我，所以我早啲出去等佢！不過條街好凍同落雨∼我哋終於都食到炸雞喇！雖然唔係太好食，但可以同佢試到唔同嘅嘢真係好開心。。。食完嘢我哋行埋廟街就返去食糖水！

呢個中國情人節雖然冇湯丸，冇花燈。。。但有你已經好足夠！嚟緊就係plan吓去旅行，我想同你去多次台灣，我唔係唔想去日本，只係我冇咁多假期，加上因為我有某啲負擔，嚟緊一定要慳錢，如果放得太多假就唔夠錢∼低能仔，要你陪我慳錢係咪太難為你？依家要咁慳，你仲會唔會陪我一直行落去？





 


分類: 我們的生活點滴
 [ 訪客留言(0) ] [ 編輯日誌 ]

2015 年 3 月 4 日  星期三   晴天
煩

 今晚低能仔嚟咗接我，可能配咗藥食完之後，個人又吽吽哋！加上有少少嘢煩，所以我冇乜點出聲。。。


今日收到份禮物，望住份禮物乜都諗唔到，我真係覺得物質上嘅嘢，我真係唔係好需要！依家我只係想儲番多啲錢，為將來打算一吓。。。我知低能仔睇到份嘢，我好想知佢會諗乜？但佢只係話做乜要同佢講？叫我靜靜哋掉咗去就算∼其實係咪真係可以咁簡單呢？
 

分類: 我們的生活點滴
 [ 訪客留言(0) ] [ 編輯日誌 ]

2015 年 3 月 3 日  星期二   晴天
盡
今日返銅鑼灣。。。又係好忙嘅一日，但幸好可以順利渡過！

今晚收工有人嚟接我，見到佢所有所有嘅攰同唔開心都忘記晒！雖然只係平平淡淡咁食餐飯，行吓街。。。但一切都嚟得好 sweet∼我諗我要嘅嘢，佢已經俾到我，同我有講有笑，縱使佢會玩電話，但佢識得響適當嘅時候捉實我隻手，令我覺得我唔係自己一個人！低能仔，多謝你呀♡

今晚睇電視時，聽到李亞男可以為咗愛王祖藍去到幾盡時，我響到諗我為咗愛低能仔又能夠去到幾盡呢？嗯！！我諗應該可以去到“ 終於都知道我能有多低等，纏住你手，走不開拉不近。只要仍然愛你，其他都不要緊 ”




 


分類: 我們的生活點滴
 [ 訪客留言(0) ] [ 編輯日誌 ]

2015 年 3 月 2 日  星期一   晴天
不知不覺
尋晚點幾就瞓咗，一瞓就瞓到成十二點。。。病咗呢幾日，每晚食完藥都不知不覺咁由朝瞓到晚，成個人好似散晒咁，林德华啲藥真係好勁，之前睇靚仔醫生都冇試過咁呀！

醒咗整好晒嘢就去揾低能仔，有人陪足我一日呀！開頭以為食晒啲藥，今日應該冇咁攰，點知都係差唔多，或者正如低能仔所講仲未好得晒啦！

今日我哋去晒香港同九龍，除咗陪啲人交收，仲有人唔怕攰咁陪我四圍行，今晚本來去食炸雞架！但點知間嘢冇開。。。好失望！！因為好想同佢去食唔同嘅嘢，好想同佢儲唔同嘅 memory∼食完飯我哋就返咗屋企，我又響不知不覺嘅情況下，攬住佢瞓著咗，好舒服好舒服真係好舒服！低能仔，你鍾唔鍾意攬住我瞓呀？




 


分類: 我們的生活點滴
 [ 訪客留言(0) ] [ 編輯日誌 ]

2015 年 3 月 1 日  星期日   晴天
相處
今朝9點幾就起咗身，同低能仔 whatsapp咗一陣就同爸爸出咗去食早餐！返到屋企食埋藥，又開始瞓過。。。林德华啲藥真係好勁呀！

今晚屋企冇煮飯，我哋過咗阿麻到食，但我依然冇胃口，陣係飲咗碗湯同食咗2條菜就食唔落。。。到咗今日個人依然都係覺得攰，同埋食咗啲藥好暈！

返到屋企就嗱嗱臨煮飯俾低能仔等佢收工返嚟食，今晚真係超簡單，見雪櫃有乜就煮乜，因為今日真係好暈，冇特登去買餸，所以最後用僅有嘅材料整咗“黑椒雞扒煙肉腸仔卷飯”！最難得係有人唔嫌棄咁食晒去∼

今晚當佢whatsapp我，問我今晚煮乜嘢餸時，種感覺好 warm！仲要當我煮完 whatsapp話佢知時，佢話佢返緊嚟時，嗰種感覺真係好實在！今日成日佢俾我嘅感覺都好唔同，好似相處得舒服咗∼



 


分類: 我們的生活點滴
 [ 訪客留言(0) ] [ 編輯日誌 ]


« | 265 | 266 | 267 | 268 | 269 | 270 | 271 | 272 | 273 | 274 | ... | 384 | »