jessica1207yi : 個人主頁 - 相簿 - 訂閱  [ QOOZA - 論壇 - 登入 ]
人氣：34388 
一切從蝴蝶酥開始
不知不覺愛上你……
我 的 資 料

暱稱： 低能仔♡低能妹
MORE...
«‹ July 2026 ›»
SMTWTFS
1234
567891011
12131415161718
19202122232425
262728293031
最 新 日 誌
•一切從蝴蝶酥開始
•半年後
•分開。。。
•放假喇
•安全感
日 誌 分 類
•全部 (1919)
•我的生日之旅@台北2018 (2)
•我們的一週年甜蜜之旅2014♡台北 (5)
•我們的三週年甜蜜之旅2016♡Osaka (6)
•我們的五週年甜蜜之旅2018♡OsAkA (4)
•我們的五週年甜蜜之旅2018♡台北 (4)
•我們的生活點滴 (1883)
•我們的四週年甜蜜之旅2017♡東京 (7)
•我們的兩週年甜蜜之旅2015♡台北 (5)
•我們的甜蜜之旅2018"♡澳門 (2)
•未分類 (1)
訪 客 留 言
最近三個月尚無任何留言
最 近 訪 客
最近沒有訪客
每 月 文 章
日 誌 訂 閱
尚未訂閱任何日誌
我 的 好 友
我 的 連 結
•差半步
日 誌 統 計
文章總數： 1919
留言總數： 87
今日人氣： 27
累積人氣： 34388
RSS Feed
2015 年 2 月 17 日  星期二   晴天
單戀雙城

 今日係年廿九，返埋今日就開始5日嘅新年假期喇！臨近放假，所以特別忙。。。今日成日又冇停過∼好攰！！


尋晚睇番“單戀雙城”，睇到咁上下我喊咗出嚟，或者因為講嘅係我同低能仔以前，而且又播住差半步呢首歌，所以我忍唔住∼但我覺得自己俾個女主角幸運，因為差半步呢首歌響套劇裡面，係另一個男仔送俾佢，所以個女仔好感動，就算原諒咗個男主角，個心依然都掛住另一個男仔，冇辦法一心一意對個男主角，而我幸運嘅係，差半步呢首歌係低能仔送俾我，更幸運嘅係，我原諒咗佢之後，仍然可以一心一意咁對佢！

今晚又有人響灣仔等我收工，食完嘢之後我哋就返咗去，有人同我坐咗一陣。。。今晚我好開心，有人不停錫我。。。塊面！傻佬，我鍾意同你舒舒服服咁相處，我好想好想以後都係咁！聽晚我哋就去睇戲，我好期待第一次年三十晚，夜晚同你去睇戲同行花市，因為上年我哋邊到都冇去，陣係響樓下坐咗半個鐘就各自返屋企，所以我好期待聽晚嘅二人世界！BB... love u!





 

分類: 我們的生活點滴
 [ 訪客留言(0) ] [ 編輯日誌 ]

2015 年 2 月 16 日  星期一   晴天
有你才完整

 今朝7點就起身，好很眼瞓。。。好唔想起身，但可惜要去覆診，兼且低能仔話今朝陪我食早餐，如果唔係低能仔一早陪我，我諗我應該都起唔到身覆診呀！低能仔，你巧勁呀∼


今日響寫字樓依然都係咁忙，不過時間好快就過，我始終都係鍾意忙啲嘅工作，起碼充實啲，咁就可以快啲收工見低能仔喇！

今晚收工後，低能仔響灣仔等我！見到佢攰到咁，仲要等埋我收工，我覺得自己好衰！佢咁攰都仲接我，我唔係一個好女朋友。。。

今晚你問我要我一世都得你一個，我願唔願意？低能仔，有你響我身邊，我先會完整。。。我冇試過咁愛一個人，我冇試過咁想同一個人到老，好想好想叫你做老公豬，只係我怕我襯你唔起！



 

分類: 我們的生活點滴
 [ 訪客留言(0) ] [ 編輯日誌 ]

2015 年 2 月 15 日  星期日   晴天
有你

 今日要返工∼好多日冇返過銅鑼灣，有好多好多嘢要做，雖然時間過得特別快，不過因為太多嘢做，隻右手又痛得好勁，聽朝真係要覆診！


今晚我以為低能仔會響附近等我，點知差唔多830時，佢入咗嚟鋪頭接我，不過個傻佬好攰∼陰公豬！收工食完飯，我原本諗住即刻返去，等佢可以好好抖吓，但個傻佬為咗陪我，仲同我四周圍行。。。臨去搭車前，經過灣仔鋪，見到 Auntie響到收鋪，今晚Auntie終於都見到低能仔，我覺得好開心，我鍾意身邊嘅人都知道低能仔係我男朋友！

返到嚟低能仔陪咗我一陣，我坐坐吓忍唔住瞓著咗！有佢響身邊，我會瞓得安心啲∼醒咗仲有人唔怕攰咁幫我鍊∼傻豬，其實有你攬住我，我已經覺得唔攰喇！相反我唔捨得要你咁辛苦∼



 

分類: 我們的生活點滴
 [ 訪客留言(0) ] [ 編輯日誌 ]

2015 年 2 月 14 日  星期六   晴天
我們的情人節
我們的情人節

今年係我哋嘅第二個情人節，不過有人今日呃我要交收，所以要自己出去先！

今朝瞓到十點低能仔就叫醒我。。。我成十二點先出到去，去到見到佢時，佢手收埋響後面，原來佢手收埋咗扎花，仲有一個佢自己畫嘅相架！今次係佢第二次送花俾我，我收到嗰一刻真係好開心。。。我冇估過個傻佬會咁做，多謝你為我做嘅一切！

今日我哋過咗一個好浪漫嘅下晝，食吓嘢、行吓街，我已經覺得好浪漫！其實情人節我唔使收到啲乜嘢禮物，我唔使食情人節大餐，我只係想同我愛嘅人簡簡單單咁渡過呢一日！

雖然今晚我哋冇一齊食飯，但我去完街返嚟，有人就落嚟見我。。。可以響情人節完結前最後嘅時間，都可以同佢一齊，我真係好開心好開心∼低能仔，感激你為我改變嘅一切！

期待同你過更多更多嘅情人節！


 


分類: 我們的生活點滴
 [ 訪客留言(0) ] [ 編輯日誌 ]

2015 年 2 月 13 日  星期五   晴天
我們的情人節前夕

 我們的情人節前夕


今晚好想好想打埋呢篇嘢。。。就算隻手唔方便，都一定要打！因為有啲嘢我一定要記住一生一世！我唔想會遺忘2015年2月13日。

今日都係返寫字樓，朝早低能仔就 whatsapp叫醒我，因為今朝我哋可以一齊食早餐！搞掂啲嘢之後，我就落去買定早餐等佢嚟∼然後就開始做呢個幸福小女人<3

今日返到公司有人就 whatsapp我，對我嘅關心令我今日成日都笑，因為我今日以一個傷殘人士身份返工，低能仔怕我做操重嘢，所以不時提醒我要乖乖哋，唔好再唔小心整親！食飯嘅時候，見到佢 Facebook放咗首熊貓，仲要打咗句“送俾女朋友，希望佢鍾意！”第一次佢會為我咁，嗰一刻我真係好感動，佢終於為我做咗啲嘢，會令我覺得佢唔係想收埋我，呢種感覺真係好實在！低能仔，我好愛你，真係真係好愛你∼

今晚有人嚟觀塘接我收工，我哋食嘢時，我叫咗個“忌廉磨菇意大利飯”，我只係諗住佢鍾意食，點知我哋兩個都叫同一樣嘢，佢知我唔係好食到，就要我以後食嘢都唔可以陣係諗佢要諗吓自己！傻佬，我最大嘅願望就係凡事都以你為先，你開心，你幸福，就係我嘅一切！

食完飯睇埋跌打我哋就返銅鑼灣，因為有人要同我行花市！其實我知佢好攰，不過佢依然為咗我而堅持……而且仲買咗個低能仔氫氣球俾我，仲幫我拎到返屋企，兼且知我鍾意 emoji個公仔，仲突登買咗俾我！其實要一個男人拎住個氫氣球響到行，除咗爸爸會為仔女咁做外，應該好少男朋友會咁做，除非佢真係好愛你，否則……但低能仔冇怨言咁為我而拎，我感覺到佢嘅愛有幾多！今晚我笑得特別多，係因為有你！

聽日就係情人節，雖然我哋夜晚冇得一齊食飯，但你為我預備呢個情人節前夕，我已經覺得好浪漫。。。尤其係我哋今晚臨走前，一齊睇星星嘅時候，我要嘅浪漫就係咁簡單，感謝你為我做嘅一切！親愛的，情人節快樂！
 

分類: 我們的生活點滴
 [ 訪客留言(0) ] [ 編輯日誌 ]


« | 268 | 269 | 270 | 271 | 272 | 273 | 274 | 275 | 276 | 277 | ... | 384 | »