今日低能仔媽咪返喇！二人世界正式結束∼
今朝有人打嚟叫醒我，然後就同我去周記飲茶∼雖然之前我都有同過佢飲茶，但就係同佢屋企人，我好想同佢試吓二人世界咁嘆吓點心。。。因為我都好鍾意食點心！飲完茶我哋返咗屋企二人世界埋最後幾個鐘∼
其實一直以嚟我都好在意佢講�H嘢，每次佢有意無意咁話我，我都會忍唔住流眼淚，呢啲同以前嗰個拍拖時，係從來都冇發生過架！或者因為我真係好在意低能仔，同時我亦相信，假如有一日我唔再因為佢�H態度而流眼淚，我諗我應該係對佢死咗心∼我唔想有咁�H一日！今晚食完飯就返咗屋企，夜晚冇佢響身邊，我好唔習慣∼我好想攬住佢！
低能仔話佢媽咪返嚟冇話間屋有乜嘢問題，聽到當然鬆一口氣，但又好怕佢只係唔想我難受而唔同我講！其實佢一直都覺得我唔係應份幫佢執屋，可能因為咁，我先覺得有啲嘢係做得值得，我係嗰啲唔介意付出�H人，只要唔好俾我覺得你係 hea 我，我就心甘情願咁付出，無論幾辛苦我都覺得冇問題（不論感情還是工作都一樣）∼當然我都希望付出過後，都會有人識得欣賞，甚至會有少少讚吓，我都會覺得好開心同心甘命抵∼
低能仔，我今晚唔係專登試你，只係我真係好想知，假如大家身上加埋得番一百蚊，我會選擇自己唔用都俾你用，依然係將最好�H都俾晒你，而你又究竟係會自己用，還是會俾我用呢？兼且我響你身上又值唔值呢？其實個答案令我真係有少少唔開心架∼不過我明白付出唔一定成正比……
分類: 我們的生活點滴 |
