今朝十點俾爸爸叫醒咗，我就即刻打俾我�H低能仔∼雖然明知佢搭車返工時，個電話會比較細聲，但我仍然好想聽吓佢把聲！
同爸爸、家姐食完早餐，我哋一齊出咗旺角∼因為爸爸要買鞋。。。今日有人好窩心咁whatsapp咗我好耐，睇我出咗街未？同埋會去邊到行？佢真係好少會咁樣，拍咗拖兩年以嚟，我諗應該5隻手指都數得晒！呢一刻我真係覺得受寵若驚∼原來呢種感覺係咁冧架。。。不過如果唔知，一定會以為佢驚我撞到佢囉！哈哈。。。
一直以嚟我都有一樣嘢好想買俾佢，佢平時放假著嗰對拖鞋，其實我想掉咗去好耐！因為嗰對鞋成日都整損佢隻腳。。。所以今日我終於買咗對我想買好耐�H鞋俾佢∼Birkenstock ！BB，我知你一定會話我嘥錢，兼且又會話只要將最好�H都留俾我就得，自己用啲乜、著啲乜都唔緊要！但我又何嘗唔係？
你知嘛。。。呢對鞋冇你之前嗰對咁易整損腳，兼且佢會依照番你�H腳型，係一對好好�H健康鞋嚟架！我想你著住呢對鞋會行得舒服，等雙腳冇咁易攰同痛∼只要你健健康康我就滿足同幸福！你一定要著呀。。。舊嗰對快啲掉咗去喇！
今晚終於都可以煮飯俾你食喇！唔知我煮�H嘢你又滿唔滿意呢？好掛住你。。。好想快啲見到你！冇你響身邊�H假期，我過得特別冇心機，冇你拖實我過馬路，我陣係掛住望電話，冇你陪住我，我唔會定時食嘢，冇你。。。我更加笑少咗好多，冇得嗲你、冇得拖住你、冇得攬實你，我覺得成個人冇乜力行街，你對我真係好重要！
分類: 我們的生活點滴 |
