jessica1207yi : 個人主頁 - 相簿 - 訂閱  [ QOOZA - 論壇 - 登入 ]
人氣：39170 
一切從蝴蝶酥開始
不知不覺愛上你……
我 的 資 料

暱稱： 低能仔♡低能妹
MORE...
«‹ October 2026 ›»
SMTWTFS
123
45678910
11121314151617
18192021222324
25262728293031
最 新 日 誌
•一切從蝴蝶酥開始
•半年後
•分開。。。
•放假喇
•安全感
日 誌 分 類
•全部 (1919)
•我的生日之旅@台北2018 (2)
•我們的一週年甜蜜之旅2014♡台北 (5)
•我們的三週年甜蜜之旅2016♡Osaka (6)
•我們的五週年甜蜜之旅2018♡OsAkA (4)
•我們的五週年甜蜜之旅2018♡台北 (4)
•我們的生活點滴 (1883)
•我們的四週年甜蜜之旅2017♡東京 (7)
•我們的兩週年甜蜜之旅2015♡台北 (5)
•我們的甜蜜之旅2018"♡澳門 (2)
•未分類 (1)
訪 客 留 言
最近三個月尚無任何留言
最 近 訪 客
最近沒有訪客
每 月 文 章
日 誌 訂 閱
尚未訂閱任何日誌
我 的 好 友
我 的 連 結
•差半步
日 誌 統 計
文章總數： 1919
留言總數： 87
今日人氣： 67
累積人氣： 39170
RSS Feed
2015 年 9 月 12 日  星期六   晴天
好很攰。。。

 今日好攰。。。攰到今朝唔知醒，幸好家姐同我返同一到地方，冇佢叫醒我就一定瞓死咗呀！


今日俾起尋日更忙，而且仲係咁咳，條頸好痛。。。咳到個人攰上加攰∼今日忙到連 lunch 都係落街買外賣，根本冇時間出去食同抖吓∼眨吓眼就到收工喇！

今晚約咗啲人響深水埗等，但因為我收6點，而佢就收8點，加上佢又約咗人響黃大仙交收，所以我要行住等佢！不過冇佢響身邊，我根本唔知可以去邊，兼且我攰到雙腳都好似唔屬於我咁，時間真係好難過>.<

今晚我哋響西九龍中心試咗間北京拉麵，嗰到啲嘢好好味。。。每一樣都好好味！特別係個酸辣湯同小籠包，好有幸福�H感覺呀∼食完嘢我哋就搭車返去，我知佢好攰架喇。。。但佢依然幫我攬住個袋俾我瞓響到！我瞓瞓吓已經唔忍心再瞓住佢，所以就起番身！低能仔，你今晚要早啲瞓呀∼




 

分類: 我們的生活點滴
 [ 訪客留言(0) ] [ 編輯日誌 ]

2015 年 9 月 11 日  星期五   晴天
低能仔之舞
今朝八點幾就起身返工，一起身就見到啲人�H whatsapp 喇，嘻嘻。。。搭車�H時候，仲有人打電話俾我添∼我已經好多個朝早冇收過佢�H電話喇！其實每日臨返工前可以聽到佢把聲，係我最開心、最幸福�H事！

今日返到寫字樓要大執∼執好晒啲貨架同櫃。。。執得整整齊齊個人就覺得舒服，呢啲先係好�H工作環境吖嘛！依家返咗寫字樓，有一樣嘢幾好，就係逢星期五返貨都唔關我事，我唔使幫手執，咁就可以唔使咁辛苦！

有人今晚響旺角等我收工，仲要係企定定咁等我，真係好呀！今晚原本有人帶我去食台灣嘢，但好多人呀∼最後去咗間超難食�H餐廳到食咗兩個我哋都頂唔順�H“癲嗱”
……真係食到人都癲呀！其實今晚過得同玩得好開心，佢成晚都拖得我好實，仲跳咗隻低能仔之舞俾我睇，兼且陪我去行咗一陣添！我真係好鍾意呢種簡單舒服�H感覺∼如果你呢世個心同個人都係得我一個就好喇！


 


分類: 我們的生活點滴
 [ 訪客留言(0) ] [ 編輯日誌 ]

2015 年 9 月 10 日  星期四   晴天
煮飯婆
今日係一個人�H假期，因為低能仔要返工。。。以後就只有隔一個星期先可以一齊放假∼我唔捨得咁！

今朝早起身去整指甲，整完就去買餸返屋企！今晚要再試煎薯餅。。。雖然今次整到係一塊薯餅，但仍然唔係低能仔要�H嘢，好唔開心！今晚除咗煎薯餅外，仲整咗粟米魚柳。。。以前我整�H晚餐，佢都會好鍾意，不過依家已經唔係喇！係咪已經食厭咗呢？點解屋企人食�H反應，同佢食�H反應咁大分別�H？可能我真係唔適合做佢煮飯婆。。。





 


分類: 我們的生活點滴
 [ 訪客留言(0) ] [ 編輯日誌 ]

2015 年 9 月 9 日  星期三   晴天
唉。。。
今日返寫字樓∼一朝早就有人打電話叫我起身，仲同我食埋早餐送我搭車返工，真係好。。。好耐都冇同佢食過早餐喇∼好懷念呀！！

今日返到公司都係忙忙忙。。。其實有邊日會唔忙呢？加上食咗啲藥，個人真係好攰同吽∼今日成三點先出得去食飯，只係普通食咗件三文治就算！

今晚有人約咗幾個靚女食飯，而我就食自己∼嗚嗚。。。食自己呀！！呢排真係好唔習慣，我諗呢幾日加埋都見唔到兩個鐘，就算見面都好似冇二人世界時問咁，成日都係好趕>.< 


分類: 我們的生活點滴
 [ 訪客留言(1) ] [ 編輯日誌 ]

2015 年 9 月 8 日  星期二   晴天
掛住你

 尋晚有人千叮萬囑要我今日一定請病假。。。今朝瞓到8點幾就起身食咗一次藥，之後就返番上床∼有人陪我響電話傾咗一陣，我就再瞓過，瞓到12點幾先起身去睇醫生！


探熱依然有燒，仲係咁咳同流鼻水。。。醫生幫我打咗支針，要我食多三曰抗生素！睇完醫生就返咗屋企，食咗藥瞓足一日∼不過好似好咗啲咁。。。但依然好攰！食藥食到想嘔∼今晚有人返嚟揾我，我陪佢響樓下食咗個飯就走咗喇！低能仔，我掛住你呀∼我哋仲有9日先可以二人世界。。。

分類: 我們的生活點滴
 [ 訪客留言(0) ] [ 編輯日誌 ]


« | 227 | 228 | 229 | 230 | 231 | 232 | 233 | 234 | 235 | 236 | ... | 384 | »