一切從蝴蝶酥開始 - QOOZA 網上日誌

jessica1207yi : 個人主頁 - 相簿 - 訂閱 [ QOOZA - 論壇 - 登入 ]

人氣：39048

一切從蝴蝶酥開始

不知不覺愛上你……

我的資料

暱稱：低能仔♡低能妹

MORE...

最新日誌

•	一切從蝴蝶酥開始
•	半年後
•	分開。。。
•	放假喇
•	安全感

日誌分類

•	全部 (1919)
•	我的生日之旅@台北2018 (2)
•	我們的一週年甜蜜之旅2014♡台北 (5)
•	我們的三週年甜蜜之旅2016♡Osaka (6)
•	我們的五週年甜蜜之旅2018♡OsAkA (4)
•	我們的五週年甜蜜之旅2018♡台北 (4)
•	我們的生活點滴 (1883)
•	我們的四週年甜蜜之旅2017♡東京 (7)
•	我們的兩週年甜蜜之旅2015♡台北 (5)
•	我們的甜蜜之旅2018"♡澳門 (2)
•	未分類 (1)

訪客留言

最近三個月尚無任何留言

最近訪客

最近沒有訪客

每月文章

•	2020 年 02 月 (1)
•	2019 年 06 月 (5)
•	2019 年 05 月 (1)
•	2019 年 03 月 (4)
•	2019 年 02 月 (6)
•	2019 年 01 月 (5)

MORE...

日誌訂閱

尚未訂閱任何日誌

[ 訂閱此日誌 ]

我的好友

我的連結

•

差半步

日誌統計

文章總數： 1919

留言總數： 87

今日人氣： 46

累積人氣： 39048

2015 年 11 月 1 日星期日


	一人假期

今日休息～朝早見到有人 whatsapp我叫我著多件衫！隔咗一陣我就打電話俾佢，因為我好耐已經冇聽過佢打俾我喇！佢好愕然咁問我做乜？其實我只係掛住佢～食完嘢就嗱嗱臨買餸，然後就返屋企瞓～因為個頭好熱，個肚又未好番～咁多日以嚟，今日總算叫休息～

醒咗就即刻預備今日晚餐，依然三餸一飯～“沙嗲雜菇炒豬頸肉”、“蒜蓉炒介蘭”同“雞絲乍肉越南春卷”，個春卷真係好嘥時間，整一整都要粒幾兩粒鐘！

今晚有人放工成十點先返到，我拎完飯俾佢食，幫佢按摩完同開埋爐就走～因為佢好攰～但我知自己塊面已經好黑，可能係我真係好想佢可以好好陪吓我。。。

閉起雙眼你最掛念誰？

眼睛張開身邊竟是誰？

有時候付出很多，但像是自己在演獨腳戲，

越投入越覺得孤單。。。

陷進了深淵，卻又不知道如何離開！

分類: 我們的生活點滴

[ 訪客留言(0) ] [ 編輯日誌 ]

2015 年 10 月 31 日星期六


	欣賞

今日都係返寫字樓，雖然要好早起身，但好開心，可以收6點，咁就可以等低能仔收工喇！不過今日成日係咁屙～屙到個人好攰！

今日響公司唔算好忙，但有啲突發事發生，搞到要行嚟行去！而且收工仲要帶兩袋貨去世貿。。。勁重呀！搞到個人攰上加攰～

搞掂晒啲貨，我就響銅鑼灣四圍行，一路行，一路諗買乜嘢 snacks 俾低能仔呢？原本見 sogo 做台灣節，我以為會有芋頭酥，但最後賣晒，跟住就走去排隊買 cheese tart 喇！因為我見每次我哋行過有cheese tart 賣嘅地方，佢都會望好耐～我知要佢咁貴買個cheese tart 俾自己，佢一定唔捨得，除非我鍾意食，佢就捨得買，所以我就排隊去買定等佢收工～況且爸爸、媽咪同家姐都鍾意食，排隊又有乜所謂呢？低能仔，希望你唔好鬧我啦！

今晚佢收工後，趕住去交收。。。去到餐廳就要整交收嗰部嘢，我其實已經有啲無奈，直到我拎個cheese tart俾佢，佢話佢唔鍾意食，我就更無奈！我只係想氹佢開心，但。。。。直至搭車，我忍唔住喊咗出嚟，其實有時一句說話，都會令人覺得好 hurt ，嗰一刻我有啲想問佢，點解每次都係我？點解每次你要我去做嘅嘢，我都做晒。。。但點解我為你做嘅嘢，你唔可以用欣賞嘅態度去睇我？我係咪真係咁差？咁唔值得？？

分類: 我們的生活點滴

[ 訪客留言(0) ] [ 編輯日誌 ]

2015 年 10 月 30 日星期五


	Sweet

今日返觀塘，終於都可以收返早喇！

今日一直都好忙，但幸好8點都可以準時收工，收工後就落旺角揾低能仔～有人加咗人工，今晚就帶我去食日本嘢，好好味呀！食完飯我哋就去咗食奶皇燒餅、雪糕同芒果糯米糍，好滿足呀！今晚有佢陪我食咁多嘢，我覺得好開心同特別好味～低能仔，我好想以後都係咁，好冇呀？

分類: 我們的生活點滴

[ 訪客留言(0) ] [ 編輯日誌 ]

2015 年 10 月 29 日星期四


	幸好你冇事

今日休息，但又瞓得唔好～瞓吓醒吓咁。。。十點幾起身就見到低能仔揾過我，我好掛住佢～就打咗個電話俾佢！不過啲人咁啱搭緊電梯返去，所以好快就收咗線！

臨出去買餸前，有個傻佬好sweet咁打俾我，叫我休息吓唔好煮飯，不過我又點會錯過可以煮飯俾佢食嘅日子吖！只要係為咗要將最好嘅都留俾佢。。。今晚煮“西蘭花炒雞柳”、“叉燒玉子燒”同“葱油餅”～除咗個葱油餅之外，其他全部都係佢鍾意食嘅嘢！今日整緊葱油餅嘅時候，又有個傻佬打俾我！佢真係好少咁 sweet 咁一日打咁多個電話俾我架～搞到我勁開心！傻佬，多謝你～

爸爸份報告今晚終於都出咗，幸好冇事咋～如果有事我都唔知點算！不過依然要食藥，同12月返醫院覆診！同爸爸睇完報告都成8點，就嗱嗱臨趕返去煮飯俾低能仔食，而佢收工就返咗嚟等我，服侍佢食完飯，攬住瞓咗陣，我好快就走咗！因為佢已經好攰～仲要等多9日先可以一齊放假！

分類: 我們的生活點滴

[ 訪客留言(0) ] [ 編輯日誌 ]

2015 年 10 月 28 日星期三


	賭注

尋晚特登較10：15鬧鐘起身，因為有人話今朝同我食早餐，所以我早少少化好妝同買定早餐等佢～不過我冇乜胃口，個早餐食唔晒，要低能仔幫我執手尾～

返到公司一直都好忙，忙到四點幾先記得自己未食飯，但買咗外賣都係食唔落，望住個外賣誓願，結果有人打電話俾我氹我，仲比我唔食個外賣，話今晚先接我食飯，嘻嘻。。。

今晚有人返完奶媽到就嚟咗接我，我仍然食唔落。。。低能仔就帶咗我行一陣，點知途中見到佢啲同事～可能因為我真係好慢熱，我只係企埋一邊等佢，好冇用！

搭車嘅時候，我哋講起結婚，其實我真係好想好想同佢結婚，佢叫我等佢兩年～但我聽完佢講嘅嘢後，好怕佢想娶嘅唔係我～或者因為我已經將所有賭注都押晒落去！

分類: 我們的生活點滴

[ 訪客留言(0) ] [ 編輯日誌 ]

« | 217 | 218 | 219 | 220 | 221 | 222 | 223 | 224 | 225 | 226 | ... | 384 | »