jessica1207yi : 個人主頁 - 相簿 - 訂閱  [ QOOZA - 論壇 - 登入 ]
人氣：39117 
一切從蝴蝶酥開始
不知不覺愛上你……
我 的 資 料

暱稱： 低能仔♡低能妹
MORE...
«‹ October 2026 ›»
SMTWTFS
123
45678910
11121314151617
18192021222324
25262728293031
最 新 日 誌
•一切從蝴蝶酥開始
•半年後
•分開。。。
•放假喇
•安全感
日 誌 分 類
•全部 (1919)
•我的生日之旅@台北2018 (2)
•我們的一週年甜蜜之旅2014♡台北 (5)
•我們的三週年甜蜜之旅2016♡Osaka (6)
•我們的五週年甜蜜之旅2018♡OsAkA (4)
•我們的五週年甜蜜之旅2018♡台北 (4)
•我們的生活點滴 (1883)
•我們的四週年甜蜜之旅2017♡東京 (7)
•我們的兩週年甜蜜之旅2015♡台北 (5)
•我們的甜蜜之旅2018"♡澳門 (2)
•未分類 (1)
訪 客 留 言
最近三個月尚無任何留言
最 近 訪 客
最近沒有訪客
每 月 文 章
日 誌 訂 閱
尚未訂閱任何日誌
我 的 好 友
我 的 連 結
•差半步
日 誌 統 計
文章總數： 1919
留言總數： 87
今日人氣： 14
累積人氣： 39117
RSS Feed
2015 年 10 月 27 日  星期二   晴天
擔心
今日係好趕又好驚�H一日，搞到成個人都身心好攰！

今朝一早電話不停咁響，因為爸爸今朝去咗瑪麗睇醫生，而我同家姐就好擔心佢∼醫院將爸爸轉介咗去耳鼻喉專科，但就要十二月四号先有得睇，距離十二月都仲有個幾月，我唔想大家都驚咁耐，或者因為當日我試過“等”嗰種感覺，真係好得人驚。。。我更加唔想爸爸都要試，所以我請咗半日假，捉爸爸去私家醫生到照∼

兩點幾收工就即刻返香港仔帶佢去化驗所，報告要到星期四先有∼同佢照完個鼻，帶埋佢去食嘢，就輪到我自己去睇醫生∼好攰真係好攰。。。返到嚟食完藥就更加攰！不過我依然有煮飯俾低能仔，始終佢收工返嚟都會餓，我想佢食得好啲∼

有人今晚收夜咗，9點幾先返到，而且有人知我鍾意食甜嘢，就買咗個泡芺返嚟氹我，不過我冇乜胃口∼今晚啲人攬住咗我好耐，我享受佢咁在乎我，我好想每一晚都係咁，我好想佢永遠都咁對我，有乜事都可以響我身邊！


 

分類: 我們的生活點滴
 [ 訪客留言(0) ] [ 編輯日誌 ]

2015 年 10 月 26 日  星期一   晴天
心底話
尋晚不知不覺瞓著咗，醒咗先見到低能仔揾過我∼醒咗個人仍然好攰。。。好想繼續瞓落去！今朝凍咗好多，因為今日要執貨俾展銷，所以我著住條短褲返工，結果返去�H時候，覺得好凍∼但其實我擔心佢有冇著多件衫多啲！

今日返 Maggie 嗰邊，其實我幾鍾意嗰到，食飯�H時候又唔使自己一個，雖然係忙啲，但有佢兩個響到，時間真係過得勁快，不過今晚忙到 ot 咗差唔多一個鐘，要低能仔企響街等咗我好耐，sorry ar bb chu ！

收工後，我哋去咗東廣場食意粉，有人叫咗個意大利雲吞，我見到佢嗰份嘢，我估佢應該唔夠飽，所以我將我嗰份留咗一大半俾佢，我就食晒啲 tomato ∼只要佢夠飽，我就覺得足夠！食完嘢行咗陣就搭地鐵返去∼去到灣仔我忍唔住食咗杯雪糕，有佢同我 share ，我就覺得好好味喇！

低能仔，你今晚講嗰返說話，我聽到嗰一刻真係覺得好驚，好驚會係你心底話！







 

分類: 我們的生活點滴
 [ 訪客留言(0) ] [ 編輯日誌 ]

2015 年 10 月 25 日  星期日   晴天
好想
今日係假期，我成日都喱咗響屋企冇出過去∼瞓到成十二點，爸爸買咗腸粉返嚟俾我食！

尋晚已經冇食晚飯，唔知點解會胃酸倒流，搞到成晚都瞓得唔好∼其實仲有啲唔開心！

尋晚我 whatsapp 過佢，佢一直都冇覆我，我估佢已經瞓咗∼不過差唔多三點我開 Facebook 佢見 online咗，但就冇揾過我>.<我唔知係咪我做錯咗啲乜？！其實我知佢呢排好忙又好攰，我體諒佢要返工、返學好辛苦∼不過有好多時見佢 whatsapp online 過，但就冇揾我，我竟然覺得唔開心，因為已經好耐好耐都係維持住，如果我唔揾佢，佢就唔揾我∼其實有時簡單一句，我都已經好開心！假如成日都係咁，我真係怕揾得佢多，佢會嫌我煩，兼且。。。

今晚煮咗晚餐俾佢，佢食完之後，有人幫我按摩咗一陣，就攬住瞓著咗∼我哋都係冇乜講過嘢。。。佢陪咗我一陣，我就幫佢開埋爐就走咗∼好想變番以前咁。。。

 

分類: 我們的生活點滴
 [ 訪客留言(0) ] [ 編輯日誌 ]

2015 年 10 月 24 日  星期六   晴天
喜歡嗎？！
今朝7點幾就起身返工，好攰∼出到觀塘食埋個早餐，就打俾我�H bb chu ，因為怕啲人唔知醒，所以冇等佢就打電話俾佢！

今日依然好忙，忙到冇乜時間揾佢，兼且成7點半先響觀塘走，拿拿臨趕去銅鑼灣接低能仔，不過今日特別啲，唔係響樓下等佢，而係上佢公司接佢，我仲帶咗栗子燒上去俾佢啲同事，因為曾經有人話過，覺得咁樣好浪漫，我亦好想令佢覺得同我有深刻�H記憶，所以我做咗佢曾經所講�H一切，不過我只係企咗響門口等，我真係好緊張，始終我第一次咁樣，佢亦係第一個，唔知佢同佢啲同事鍾唔鍾意呢？等埋佢收工後，我哋行咗一陣就搭車返屋企，唔知呢啲日子仲要捱幾耐呢？


 

分類: 我們的生活點滴
 [ 訪客留言(0) ] [ 編輯日誌 ]

2015 年 10 月 23 日  星期五   晴天
壓力大？！
今日返銅鑼灣，雖然可以瞓晏少少，但就要收好夜∼兼且成晚又係瞓吓醒吓，驚死遲到咁，結果就攰上加攰，低能仔話呢啲叫壓力大！
 
今日又有人唔知醒，瞓到十一點先起身，最後就返下晝。。。陰公豬，呢排佢真係好忙，晚晚都搞到好夜瞓，希望佢可以快啲捱完啦！今晚原本叫佢唔好嚟接我收工，因為我收成十點，所以叫佢返去先∼點知到咗十點，有個傻人企咗響我門口，好 surprise ∼我開心到笑咗出嚟！收工後我哋食完飯行咗一陣就返去，其實我哋兩個都攰到癲，但佢都依然響車陪我傾計冇瞓到，我已經覺得好冧架喇！
 
今晚有人話欠我�H嘢，會用一生一世嚟還比我，我真係好想你會陪我一生一世∼陪我食、陪我玩、陪我笑、陪我喊、陪著我走∼
 
 

分類: 我們的生活點滴
 [ 訪客留言(0) ] [ 編輯日誌 ]


« | 218 | 219 | 220 | 221 | 222 | 223 | 224 | 225 | 226 | 227 | ... | 384 | »