一切從蝴蝶酥開始 - QOOZA 網上日誌

jessica1207yi : 個人主頁 - 相簿 - 訂閱 [ QOOZA - 論壇 - 登入 ]

人氣：39153

一切從蝴蝶酥開始

不知不覺愛上你……

我的資料

暱稱：低能仔♡低能妹

MORE...

最新日誌

•	一切從蝴蝶酥開始
•	半年後
•	分開。。。
•	放假喇
•	安全感

日誌分類

•	全部 (1919)
•	我的生日之旅@台北2018 (2)
•	我們的一週年甜蜜之旅2014♡台北 (5)
•	我們的三週年甜蜜之旅2016♡Osaka (6)
•	我們的五週年甜蜜之旅2018♡OsAkA (4)
•	我們的五週年甜蜜之旅2018♡台北 (4)
•	我們的生活點滴 (1883)
•	我們的四週年甜蜜之旅2017♡東京 (7)
•	我們的兩週年甜蜜之旅2015♡台北 (5)
•	我們的甜蜜之旅2018"♡澳門 (2)
•	未分類 (1)

訪客留言

最近三個月尚無任何留言

最近訪客

最近沒有訪客

每月文章

•	2020 年 02 月 (1)
•	2019 年 06 月 (5)
•	2019 年 05 月 (1)
•	2019 年 03 月 (4)
•	2019 年 02 月 (6)
•	2019 年 01 月 (5)

MORE...

日誌訂閱

尚未訂閱任何日誌

[ 訂閱此日誌 ]

我的好友

我的連結

•

差半步

日誌統計

文章總數： 1919

留言總數： 87

今日人氣： 50

累積人氣： 39153

2015 年 12 月 16 日星期三


	返番嚟。。。

尋晚瞓得好差，個頭痛咗成晚，食咗止痛藥都冇用～幸好今日唔使返工，咁就可以瞓晏啲。。。十一點幾俾個電話震醒咗之後，就起身煲咗一陣劇，之後就整嘢出去等我嘅低能仔～

佢出到嚟我哋就去咗食嘢，之後有人帶咗我去行街～今日可能我嘅精神開始好啲，我嘅感覺好似返番嚟。。。因為當我同佢講佢講完我尋晚頭痛之後，而佢隔一陣又問我尋晚做乜嘔時，我知道佢同之前一樣，一直冇聽我講嘢，我真係好唔開心！所以我知道我嘅感覺應該返番嚟～去完旺角，佢就帶咗我去深水埗，有人仲買栗子俾我食，仲要係搣埋俾我食添～

低能仔，聽日得11度，你記得要著件保暖衫先出去，唔好冷親呀！

分類: 我們的生活點滴

[ 訪客留言(0) ] [ 編輯日誌 ]

2015 年 12 月 15 日星期二


	自卑

尋晚有人要温書，我眼瞓都冇 whatsapp 佢～我想佢專心温書，等佢記得我先揾我！我四點幾扎醒過，見到電話冇 msg ，雖然有啲失望，但温書要緊……今朝醒咗佢就已經 whatsapp 我，兼且打電話俾我添～

返到公司忙咗一陣，有人再打俾我同我傾咗一陣，仲話今晚嚟接我收工添～有人好 sweet ，今晚好早就嚟咗，仲靜靜雞帶埋魚蛋行入嚟，正傻佬～

食完嘢我哋去咗一田，佢仲買咗好多嘢俾我食，今次真係有排都唔使買嘢食，因為嗰到足足夠我食成個月，哈哈。。。低能仔，我知道你攰都陪我行，係想氹我開心，係想我可以有番以前嘅感覺，我知我係愛你架！我知我依然想同你一世架！我知你真係好緊張我架！但有時我真係唔鍾意你用第二啲女仔嚟講笑，因為我自卑……我怕你真係會走……

分類: 我們的生活點滴

[ 訪客留言(0) ] [ 編輯日誌 ]

2015 年 12 月 14 日星期一


	落力

今朝8點幾，俾 crystal whatsapp 嘈醒咗。。。好難先再瞓返，瞓到十點幾就起身整嘢出去！有人今日同我一樣放假，我要去幫家姐拎電話，而佢又要去交收，所以佢同咗我出去～

今日終於都做晒我要做同想做嘅嘢～拎電話、剪頭髮同食朱古力味雕魚燒～之前一直都買俾佢食，自己都冇試過。。。原來朱古力味都唔係太好食，兼且大件得滯我食唔晒，又要佢執手尾！搞掂晒啲嘢，我哋就返咗去，佢聽日要考試，要返去温書，而我就返咗自己屋企扮死屍～到咗7點幾先一齊落街食飯！

我知佢今日好落力去對我好，但我仲未揾番嗰種感覺，個人依然好呆滯，係咪精神同体力都未回復呢？

分類: 我們的生活點滴

[ 訪客留言(0) ] [ 編輯日誌 ]

2015 年 12 月 13 日星期日


	明明

唔知點解呢幾日自己嘅感覺好似唔同咗咁，以前每逢見佢，我都會好開心，兼且會成日都攬住佢。。。但呢幾日我唔止小咗揾佢，見到面嘅時候，又講嘢小咗，仲冇咗之前嗰種感覺，我對佢好似淡咗咁～

平時佢嘅嘢我好上心架，但今日我接完佢收工後，佢同我去買濕紙巾，我先發現自己原來唔記得幫佢買，平時定時定後會做嘅嘢，竟然會冇咗回事～今晚食完飯，佢帶我行咗一陣，當佢問我行唔行 Jason 時？換轉以前我會好開心，因為佢陪多我一陣，不過今晚我選擇咗搭車返去。。。。

我究竟做咩呢？明明好近，但又好似好遠！明明好愛，但又好似淡咗！唔知係咪因為呢排太攰而影響呢？唔知佢又有冇發現呢？

分類: 我們的生活點滴

[ 訪客留言(0) ] [ 編輯日誌 ]

2015 年 12 月 12 日星期六


	雕魚燒

今朝6點都未到就要起身，真係未試過一 "mak " 大眼就要化妝，今朝都未醒晒，就幫家姐化妝整頭～搞掂啲嘢就整嘢返工。。。

今日成日都好忙，搞到個人散晒，加上食咗啲藥，收工嘅時候，個人好似玩緊氹氹團咁～最後嗱嗱臨去搭巴士落銅鑼灣接我嘅 bb chu ，咁就可以休息一陣！出到去我又去咗 sogo 買嗰個雕魚燒俾佢，不過今日好多人排隊，幸好我排咗半個鐘就買到啫！

接完啲人就去食飯喇！今晚食乜都冇所謂，我陣係想坐。。。條腰勁痛（返到屋企先發現，原來自己條腰痛到根本企唔直！）最後我哋去咗大快活食飯，有人又陪我打邊爐喇！食完飯就搭車返屋企～響車我真係攰到瞓著咗，整到啲人頸痛。。。其實下次你可以唔使攬住我架～

好想好想有你陪住……好想好想有你拖實我傾計……好想好想攬住唔放……

分類: 我們的生活點滴

[ 訪客留言(0) ] [ 編輯日誌 ]

« | 208 | 209 | 210 | 211 | 212 | 213 | 214 | 215 | 216 | 217 | ... | 384 | »