一切從蝴蝶酥開始 - QOOZA 網上日誌

jessica1207yi : 個人主頁 - 相簿 - 訂閱 [ QOOZA - 論壇 - 登入 ]

人氣：39098

一切從蝴蝶酥開始

不知不覺愛上你……

我的資料

暱稱：低能仔♡低能妹

MORE...

最新日誌

•	一切從蝴蝶酥開始
•	半年後
•	分開。。。
•	放假喇
•	安全感

日誌分類

•	全部 (1919)
•	我的生日之旅@台北2018 (2)
•	我們的一週年甜蜜之旅2014♡台北 (5)
•	我們的三週年甜蜜之旅2016♡Osaka (6)
•	我們的五週年甜蜜之旅2018♡OsAkA (4)
•	我們的五週年甜蜜之旅2018♡台北 (4)
•	我們的生活點滴 (1883)
•	我們的四週年甜蜜之旅2017♡東京 (7)
•	我們的兩週年甜蜜之旅2015♡台北 (5)
•	我們的甜蜜之旅2018"♡澳門 (2)
•	未分類 (1)

訪客留言

最近三個月尚無任何留言

最近訪客

最近沒有訪客

每月文章

•	2020 年 02 月 (1)
•	2019 年 06 月 (5)
•	2019 年 05 月 (1)
•	2019 年 03 月 (4)
•	2019 年 02 月 (6)
•	2019 年 01 月 (5)

MORE...

日誌訂閱

尚未訂閱任何日誌

[ 訂閱此日誌 ]

我的好友

我的連結

•

差半步

日誌統計

文章總數： 1919

留言總數： 87

今日人氣： 96

累積人氣： 39098

2015 年 11 月 16 日星期一


	整体

今日返康怡，成日都好眼瞓～其實每逢星期一，就算之前嗰晚幾早瞓，又或者瞓得幾足夠都好，今日都一定會攰，因為有假期後遺症，唔想返去。。。。

今晚有人響灣仔等我，我哋去咗食茶餐廳！食完嘢有人帶我去惠康買嘢食，嘻嘻。。。雖然買埋嘢就搭車返去，但今晚塞車塞咗好耐，我哋兩個響車玩到癲咗～我哋睇緊邊日去睇戲時，我喊咗出嚟。。。因為套戲好快落畫，而且我哋20号又睇唔到，其實我喊只係想嗲佢咋！最後我哋決定星期三我收工後睇，不過嗰晚我收930，我好驚佢會覺得夜，始終佢第二日要返工！

低能仔，你今晚問我你算唔算好就我？其實都算嘅～每次我喊、我嗲你，你都會唔理咁多，氹咗我先算～只係有時真係唔多理我感受咁！整体上都係一個体貼嘅男朋友嚟～

分類: 我們的生活點滴

[ 訪客留言(0) ] [ 編輯日誌 ]

2015 年 11 月 15 日星期日


	抱抱

終於都有一個星期日，可以同你一齊休息，而且係真真正正兩個人響屋企二人世界咁抖吓，係我最最最享受嘅事！

今朝爸爸十點幾就叫醒我起身去食嘢，習慣一起身就 whatsapp 低能仔，一見到佢零晨5點幾online過，真係覺得好無奈。。。又唔使瞓喇！食完嘢同家姐、爸爸響香港仔行咗一陣揾啲我好需要嘅嘢～

自從要 office & Luna 兩邊走之後，我每逢照鏡都會覺得自己越嚟越殘，個樣同以前根本唔同，皮膚越嚟越差之餘，瞓覺又瞓得唔好。。。加上上星期病完之後，雙眼依然好腫！尋晚終於的起心肝敷咗個玫瑰 mask ，然後響房噴咗啲薰衣草，尋晚可以一覺瞓到天光之餘，今日皮膚終於叫做好啲喇～所以我響香港仔係咁揾番嗰隻玫瑰mask，但點知周圍都冇！以前我唔會咁緊張自己塊面，但依家唔到我唔緊張。。。或者因為我覺得佢太好，就正如佢所講，當日我揀佢時連少少選擇困難症都冇！我好怕我越嚟越殘，會令佢連望都唔想望我。。。所以我一定要好緊張自己，唔可以令到呢個機會會發生！始終想人愛自己，首先要好好愛自己。。。

三點幾嘅時候，就有人催我過佢到喇！今日我哋過得好平凡，同普通同居情侶一樣，打機、睇劇、落街食飯、行百佳同攬住傾計同瞓覺～呢啲簡單嘅生活真係好～兩個人可以算係真正休息，又唔使響街同人迫，舒舒服服咁過一日～其實我咁鍾意同佢一齊喱響屋企，另一個原因係佢會抱住我行嚟行去，種感覺好sweet...

分類: 我們的生活點滴

[ 訪客留言(0) ] [ 編輯日誌 ]

2015 年 11 月 14 日星期六


	沉迷

今日返寫字樓，一早我嘅bb chu 都醒咗～whatsapp 咗一陣，我就響後面街市間茶餐廳食埋早餐先出去，呢排我好鍾意響嗰到食，我每日都例牌食腿蛋治加凍檸茶，又平又好味。。。返到觀塘我就打俾我嘅 bb ，打完俾佢我就夠精神返工喇！

今日返工其實好開心，成日都阿容響到玩，兼且又拎公司啲試用裝響到玩～好快就過咗一日，收工後就去咗銅鑼灣行咗一陣，原本諗住接埋低能仔，但最後我去咗探 Auntie ，所以就響灣仔等佢～

有人今晚要為佢嘅新玩具揾 partner，我哋就約咗響188等，其實有時我好怕佢會揾到新玩具（但經常性都有新玩具）因為佢每逢揾到一樣新嘢玩，佢就會不停上網甚至行街都係睇關於嗰樣嘢嘅嘢～好似忘記咗身邊有個人響到咁，有時真係好無奈！好想屬於我嘅時候，真係真正咁屬於我。。。行完188兼食完飯後，我哋就搭車返去！聽日終於可以一齊放假喇！希望聽日會過得開心～

分類: 我們的生活點滴

[ 訪客留言(0) ] [ 編輯日誌 ]

2015 年 11 月 13 日星期五


	一浪接一浪

Happy Birthday to u...

Happy Birthday to pa pa...

Happy Birthday to u ~

今日返鰂魚涌～一早冇人打電話俾我，我好掛住佢呀！我以為要等到收工先聽到佢把聲，結果有人四點幾打俾我，好驚喜～點知仲有第二個驚喜。。。啲人話買咗部遊戲機同我響屋企一齊玩，但就話要買啲益智啲，俾2-5歲小朋友玩嗰啲俾我……不過我係開心嘅！因為佢會諗我哋二人世界時，有啲乜係我哋可以一齊玩，嘻嘻。。。

臨收工前又有第三個驚喜，個傻佬買咗東海堂我最愛嘅菓撻嚟接我，仲好細心咁喂我食～呢個撻特別好味！以為三個驚喜已經係今日嘅上限，點知仲有第四個囉！有人話星期日放假，全日都陪我。。。太好喇！好耐冇一齊放過星期日～今日嘅驚喜一浪接一浪，我有啲受寵若驚，低能仔，你實在太寵我喇！

今晚我哋成晚都笑～成晚都有傾有講～有人仲同爸爸講生日快樂時面都紅埋，個樣勁可愛，哈哈。。。而我就覺得今日成日都好幸福，好耐都冇咁 sweet 過喇！我真係好期待同你一齊生活嘅日子，你知道嘛？！

分類: 我們的生活點滴

[ 訪客留言(0) ] [ 編輯日誌 ]

2015 年 11 月 12 日星期四


	懶豬

今日可以瞓得晏啲。。。瞓到差唔多十二點，爽呀！有人今日要去幫人影畢業相，我依然係一個人嘅假期～由於今晚同爸爸食生日飯，我唔使煮飯，所以我相當得閒，我做咗一日懶豬，連早餐都係媽咪落去買，我只係食完就瞓，瞓完又食～

今晚一家人出去板長食飯，呢幾日冇乜食嘢嘅我，我食咗好多，好飽呀！如果有一日低能仔都可以以屋企人嘅身份出現，我諗我就算唔食壽司都會覺得好幸福！食完嘢爸爸帶我去咗百佳買咗好多我最愛嘅嘢食，朱朱力味沙利蛋膠×3、金奇異果×9，韓國富有柿×8，好開心呀～有排我食喇！

有人今晚十點幾就返到，有人一見到我就攬實我，問我有冇掛住佢？傻佬。。。我梗係有掛住你啦！之後我哋響屋企一齊睇“Do姐去shopping ”好想同佢去旅行呀！只有旅行我哋先可以冇騷擾咁二人世界，兼且可以食好多食好多食好多唔同嘅嘢～

今晚雖然見嘅時間唔多，但有人應承我聽晚嚟接我收工～低能仔，愛你呀！

分類: 我們的生活點滴

[ 訪客留言(0) ] [ 編輯日誌 ]

« | 214 | 215 | 216 | 217 | 218 | 219 | 220 | 221 | 222 | 223 | ... | 384 | »