一切從蝴蝶酥開始 - QOOZA 網上日誌

jessica1207yi : 個人主頁 - 相簿 - 訂閱 [ QOOZA - 論壇 - 登入 ]

人氣：39069

一切從蝴蝶酥開始

不知不覺愛上你……

我的資料

暱稱：低能仔♡低能妹

MORE...

最新日誌

•	一切從蝴蝶酥開始
•	半年後
•	分開。。。
•	放假喇
•	安全感

日誌分類

•	全部 (1919)
•	我的生日之旅@台北2018 (2)
•	我們的一週年甜蜜之旅2014♡台北 (5)
•	我們的三週年甜蜜之旅2016♡Osaka (6)
•	我們的五週年甜蜜之旅2018♡OsAkA (4)
•	我們的五週年甜蜜之旅2018♡台北 (4)
•	我們的生活點滴 (1883)
•	我們的四週年甜蜜之旅2017♡東京 (7)
•	我們的兩週年甜蜜之旅2015♡台北 (5)
•	我們的甜蜜之旅2018"♡澳門 (2)
•	未分類 (1)

訪客留言

最近三個月尚無任何留言

最近訪客

最近沒有訪客

每月文章

•	2020 年 02 月 (1)
•	2019 年 06 月 (5)
•	2019 年 05 月 (1)
•	2019 年 03 月 (4)
•	2019 年 02 月 (6)
•	2019 年 01 月 (5)

MORE...

日誌訂閱

尚未訂閱任何日誌

[ 訂閱此日誌 ]

我的好友

我的連結

•

差半步

日誌統計

文章總數： 1919

留言總數： 87

今日人氣： 67

累積人氣： 39069

2015 年 11 月 6 日星期五


	他的生日前夕

今日係低能仔生日嘅前夕，一早我已經決定咗今日放假，因為我要藉住執屋呢個藉口先可以預備兩樣嘢，點知其中一樣一早就俾人響尋晚識穿咗，但幸好我有兩手準備～

今朝要返 K11 ，搞掂晒啲嘢就即刻返海怡幫人買日用品兼且拎埋俾人識穿咗嘅蛋膠～然後就返屋企開始做佢嘅阿四喇～做晒啲嘢就返屋企沖涼同落街睇醫生，跟住等佢返嚟！

今晚等到佢8點，好肚餓！點知佢一入屋拎埋啲嘢又落咗街～等到有啲憫憫哋，我就出咗門口食煙。。。。呢一刻啲人終於返嚟！我就扮嬲要佢返屋企揾我預備嘅第二個驚喜“爆炸盒子”，我先會原諒佢！點知有人揾咗好耐都揾唔到～低能仔，呢份禮物我捱咗好多晚眼瞓去整，所以我呢排特別攰！

之後我哋落咗街食 pizza ，其實我知佢就我先去～食完嘢響海怡行咗一陣就返咗屋企，啲人幫啲蛋膠同禮物影相時，怨我響個蛋膠上寫“低能仔，生日快樂！”呢個名係我同你嘅共同稱呼，好有意義架嘛～你生日點可以冇呢個名呢？！今晚我哋一齊睇電視，一齊攬住瞓，一齊響到玩，我真係覺得好開心～好期待聽日奇妙之旅！

分類: 我們的生活點滴

[ 訪客留言(0) ] [ 編輯日誌 ]

2015 年 11 月 5 日星期四


	求婚

今日開始四日假期，朝早醒咗之後，就去咗 gel nail ，stella 話我個樣越嚟越殘～其實我真係好攰！

整完指甲就去買咗啲餸就返咗屋企瞓，醒咗之後塊面越嚟越紅，兼且越嚟越熱～爸爸話我好燒，不過瞓得晏咗，所以冇醫生睇！我冇試過唔舒服到叫低能仔買藥返嚟俾我，點知有人同我講，佢買藥返嚟俾我，我就落去買紙巾俾佢>.<其實嗰一刻我有啲無奈，因為我真係好唔舒服，我諗點解佢去買藥俾我時，唔順便買埋紙巾-_-"最後我煮完飯俾佢，臨見佢前先去百佳買俾佢！其實我係咪對佢過份照顧呢？

今晚響屋企，講起 eric同佢女朋友求婚嘅情景，有人跪咗響到叫我嫁俾佢，嗰一刻我係好開心，因為我好想係真，只可惜根本唔係～服侍佢食埋飯，攬住佢瞓咗一陣，我就開埋爐俾佢就走喇！

分類: 我們的生活點滴

[ 訪客留言(0) ] [ 編輯日誌 ]

2015 年 11 月 4 日星期三


	黑仔王

今日又係返觀塘，尋日已經知今日返到去實死緊，因為個死肥妹做嘢真係好差～只係估唔到我黑仔到咁～

返到鋪頭大門壞咗、蛋糕啲數錯晒、訂貨唔見咗幾張單、啲枱面同櫃都痴立立。。。我根本冇得抖，陣係執手尾都夠晒！搞到個人勁憫～憫到響 whatsapp 發咗低能仔皮氣>.<其實都唔關佢事，佢真係好無辜，佢今晚要去帶佢個新玩具返屋企，當佢話返緊华富，又話車佢去屯門嗰個朋友住华富時，我真係以為佢已經拎咗部電視，所以先問佢，佢朋友係咪就咁將佢連人帶電視放響华富？點知原來佢仲未去拎～就係因為咁我發咗佢皮氣！！

收工後我就返咗屋企等佢返，佢返到嚟我先買7仔俾佢食～有人有新玩具，緊係要幫部新玩具沖乾淨涼，俾番個安樂窩部電視先心息啦！但佢都陪咗我一陣嘅，佢攬住我瞓咗一陣，我就開埋爐俾佢就走！始終佢肯花時間心機陪我，我都要通氣啲俾佢同佢新玩具培養感情至得！

分類: 我們的生活點滴

[ 訪客留言(0) ] [ 編輯日誌 ]

2015 年 11 月 3 日星期二


	Pandora

今日返寫字樓，起身之後有隻傻豬打俾我，好開心～你好多日都冇打俾我喇！

唔知係咪好耐冇平日返寫字樓，今日我返到去，啲同事個個都特別熱情，包括嗰隻哥師奶都係～Irene 話我最近好紅，Luna, Maggie 同office 都爭住要我，搞到我啲更表七國咁亂，亦因為咁我知道，我最想留響邊。。。依然係我嘅夢想“化妝師”～睇嚟我要開始揾人返嚟俾我化妝、影相，做我嘅Portfolio喇！

今晚有人嚟咗接我收工，我好開心～我哋唔止食拉麵，仲去咗一田食 pizza ，跟住仲食埋雪膠添～好飽呀！今晚我哋特別開心，我成晚都係咁笑～有人仲帶我去 Pandora 睇我鍾意嗰隻星星介子，本來佢見我咁鍾意就諗住買俾我，但物質我真係唔係太在乎，最後我同個sales講要諗先，跟手就捉佢走咗～因為我唔捨得佢買咁貴嘅嘢俾我，試過帶上手我已經當擁有咗～況且我右手已經有一隻屬於“我們”嘅介子啦！

分類: 我們的生活點滴

[ 訪客留言(0) ] [ 編輯日誌 ]

2015 年 11 月 2 日星期一


	死屍

今朝醒咗就收到低能仔 whatsapp ，我掛住佢所以就打電話俾佢，但原來佢搭緊車，仲要冇位坐～唔怪得佢嗰一刻有啲憫憫哋啦～

今日返觀塘，忙到冇停過～仲要做埋運輸，不停將啲蛋糕搬嚟搬去，工場、鋪頭、工場、鋪頭、工場、鋪頭然後再去一田。。。。返到鋪頭又返貨，搞到執到收工～成個人散晒！收工後又要落一田，我真係癲喇～

收工後有人響灣仔等我，但我已經變咗一條死屍，我哋只係響298食咗個晚餐，就搭車返屋企，響車我攰到攬住佢瞓咗～攬住佢瞓係特別舒服～有人話聽日唔使返工，可以嚟接我收工……好開心呀～

分類: 我們的生活點滴

[ 訪客留言(0) ] [ 編輯日誌 ]

« | 216 | 217 | 218 | 219 | 220 | 221 | 222 | 223 | 224 | 225 | ... | 384 | »