一切從蝴蝶酥開始 - QOOZA 網上日誌

jessica1207yi : 個人主頁 - 相簿 - 訂閱 [ QOOZA - 論壇 - 登入 ]

人氣：39146

一切從蝴蝶酥開始

不知不覺愛上你……

我的資料

暱稱：低能仔♡低能妹

MORE...

最新日誌

•	一切從蝴蝶酥開始
•	半年後
•	分開。。。
•	放假喇
•	安全感

日誌分類

•	全部 (1919)
•	我的生日之旅@台北2018 (2)
•	我們的一週年甜蜜之旅2014♡台北 (5)
•	我們的三週年甜蜜之旅2016♡Osaka (6)
•	我們的五週年甜蜜之旅2018♡OsAkA (4)
•	我們的五週年甜蜜之旅2018♡台北 (4)
•	我們的生活點滴 (1883)
•	我們的四週年甜蜜之旅2017♡東京 (7)
•	我們的兩週年甜蜜之旅2015♡台北 (5)
•	我們的甜蜜之旅2018"♡澳門 (2)
•	未分類 (1)

訪客留言

最近三個月尚無任何留言

最近訪客

最近沒有訪客

每月文章

•	2020 年 02 月 (1)
•	2019 年 06 月 (5)
•	2019 年 05 月 (1)
•	2019 年 03 月 (4)
•	2019 年 02 月 (6)
•	2019 年 01 月 (5)

MORE...

日誌訂閱

尚未訂閱任何日誌

[ 訂閱此日誌 ]

我的好友

我的連結

•

差半步

日誌統計

文章總數： 1919

留言總數： 87

今日人氣： 43

累積人氣： 39146

2015 年 9 月 27 日星期日


	中秋節

今日中秋節，有人要返工，而我亦係一個人嘅假期！今朝差唔多十一點起身，見佢 whatsapp 過我，我好想打俾佢，但怕佢要做嘢，所以最後都冇打過俾佢～

今年係我哋過嘅第三個中秋，之前嗰兩個，我地都冇乜二人世界過！所以我好緊張今年呢個中秋。。。我整定晚餐等佢返，仲整咗湯丸，因為湯丸等於團圓，其實我好想同佢人月兩團圓！有人收工返咗嚟響樓下等我，我哋就返咗屋企！唔知係咪已經習慣咗我煮飯俾佢，所以佢唔會覺得有乜特別。。。我諗就連湯丸代表啲乜，佢或者都唔記得！

低能仔，我真係覺得我哋嘅距離好遠，有時我真係寧願我有另一個，起碼我唔使對你有啲少少唔同咗，我都會感覺得到！今晚我走咗之後，我響到諗你對我嘅愛其實會有幾深？係咪正如我臨走前對你所講嘅一樣？剛拍拖時可能會，但依家已經肯定唔會？！

當你花心思響其他人或事上，你可有想過花少少心思響我身上？

完了嗎？

分類: 我們的生活點滴

[ 訪客留言(0) ] [ 編輯日誌 ]

2015 年 9 月 26 日星期六


	在意

今朝又要7點幾起身返工，個人好攰好眼瞓。。。幸好返埋今日，就可以放兩日中秋節假期！

今日返工依然都係四樓、十一樓兩邊走……講真唔攰就假，成日響到中眼瞓，兼且不在狀態，冇乜心機做嘢！晏晝嘅時候，落咗街食飯，點知突然落狗屎！由頭濕到落腳咁返番公司，最慘係公司個冷氣勁凍～我個頭開始好痛！

今晚收工落咗旺角等低能仔，每次等佢，我都會諗吓，佢今晚見到我又會點呢？會唔會好開心咁攬吓我呢？又或者會唔會錫吓我呢？但其實到最後係乜都冇，哈哈～今晚我哋食完飯之後，我就響旺角繼續等佢，而佢就去咗佐敦交收～唔知係咪因為我今日淋過雨，個身開始好熱，條頸亦開始痛番，所以我心情麻麻地～我越想嗲佢，但越令到大家唔開心。。。我好想你會在意我多一啲！

分類: 我們的生活點滴

[ 訪客留言(0) ] [ 編輯日誌 ]

2015 年 9 月 25 日星期五


	自我催眠

今朝起身就見到個傻佬 whatsapp 我 say goodmorning ！雖然每次一瞓醒見到佢啲 msg 我都會有好心情，但今日我真係唔想返寫字樓～不過唔可以咁，唯有不停催眠自己我好鍾意呢到，頂硬上返工去！！

返到 office 就再冇停過，搞到三點半先去食飯，從未試過餓到又暈又手震！原來嗰種感覺好辛苦架，心跳會特別快兼出冷汗！冇食夠一個鐘，又返去再做過～幸好今日收6點！

收工搞掂晒啲嘢後，有人就等埋我食飯，其實今日我哋兩個都好攰，我仲要好頭痛添～所以食埋嘢就行咗一陣返屋企，今晚我哋試新嘢“茶木”……有人唔鍾意嗰到啲飯，而我就只係叫咗甜品同玫瑰荔枝茶，個甜品好大份，亦好好味，有佢同我 share食，我覺得好 sweet ，坦白講，食完甜品，心情亦的確係好啲！搭車嘅時候，我哋兩個都頂唔順瞓咗。。。我好鍾意攬住佢瞓，不過啲人就怨我成個頭瞓落去到>.<對唔住呀低能仔！

分類: 我們的生活點滴

[ 訪客留言(0) ] [ 編輯日誌 ]

2015 年 9 月 24 日星期四


	豬

今日休息。。。係真真正正休息嘅一日！可能習慣咗早起，所以今朝差唔多時間醒咗，望一望電話，見到低能仔兩點幾揾過我！傻佬，又咁夜都唔瞓。。。

其實今日好想好想煮飯俾佢，但我真係攰到冇晒力，食完嘢返嚟之後，我就再瞓過，一瞓就瞓到成6點～好耐冇試過瞓得咁耐喇！不過依然好攰好攰～

今晚有人收工就返嚟接我去食飯，尋日成日冇見，我好掛住佢！食完飯就返咗屋企二人世界，好鍾意俾佢攬住我瞓，乜嘢煩惱都冇係最舒服～好想以後瞓覺前都錫啖佢，瞓覺時攬住佢，瞓醒時見到佢！

傻佬，你個頭咁痛要早啲休息呀！

分類: 我們的生活點滴

[ 訪客留言(0) ] [ 編輯日誌 ]

2015 年 9 月 23 日星期三


	點知。。。

今日返康怡。。。返到去又做到仆街！成個人都散晒～好耐都冇試過攰到咁喇！突然之間響到諗，究竟我捱到幾耐呢？

今晚有人自己返咗屋企先，原本話響屋企等我返，但點知8點幾開始，已經再揾唔到佢！直到我收工返到嚟，佢都冇覆過我～佢應該響屋企瞓死咗喇！而我唯有自己返屋企食杯麵。。。。其實今日成日都好掛住佢，好想收工返去攬住佢架！點知。。。。。。。。。

分類: 我們的生活點滴

[ 訪客留言(0) ] [ 編輯日誌 ]

« | 224 | 225 | 226 | 227 | 228 | 229 | 230 | 231 | 232 | 233 | ... | 384 | »