一切從蝴蝶酥開始 - QOOZA 網上日誌

jessica1207yi : 個人主頁 - 相簿 - 訂閱 [ QOOZA - 論壇 - 登入 ]

人氣：34283

一切從蝴蝶酥開始

不知不覺愛上你……

我的資料

暱稱：低能仔♡低能妹

MORE...

最新日誌

•	一切從蝴蝶酥開始
•	半年後
•	分開。。。
•	放假喇
•	安全感

日誌分類

•	全部 (1919)
•	我的生日之旅@台北2018 (2)
•	我們的一週年甜蜜之旅2014♡台北 (5)
•	我們的三週年甜蜜之旅2016♡Osaka (6)
•	我們的五週年甜蜜之旅2018♡OsAkA (4)
•	我們的五週年甜蜜之旅2018♡台北 (4)
•	我們的生活點滴 (1883)
•	我們的四週年甜蜜之旅2017♡東京 (7)
•	我們的兩週年甜蜜之旅2015♡台北 (5)
•	我們的甜蜜之旅2018"♡澳門 (2)
•	未分類 (1)

訪客留言

最近三個月尚無任何留言

最近訪客

最近沒有訪客

每月文章

•	2020 年 02 月 (1)
•	2019 年 06 月 (5)
•	2019 年 05 月 (1)
•	2019 年 03 月 (4)
•	2019 年 02 月 (6)
•	2019 年 01 月 (5)

MORE...

日誌訂閱

尚未訂閱任何日誌

[ 訂閱此日誌 ]

我的好友

我的連結

•

差半步

日誌統計

文章總數： 1919

留言總數： 87

今日人氣： 10

累積人氣： 34283

2016 年 2 月 9 日星期二


	我們的年初二

今日年初二。。。過多兩日就要返工喇！點解時間好似過得咁快嘅？

低能仔今日要去沙田。。。而我就要返婆婆到！今日個個都問我幾時到我派利是？又問我點解唔帶埋低能仔上去？其實每次聽到呢啲問題，我都覺得有啲唔知點咁！

今晚好多人響婆婆到食飯，我已經有好多年冇響到食飯，所以我好唔習慣！表嫂仲要俾咗杯酒我飲，飲完隔咗一陣就覺得好熱，我唔係好鍾意呢種感覺！不過婆婆就好開心，佢話我好耐年初二都冇陪過佢咁耐>.<

有人本來話嚟接我，但要等到九點幾，我已經唔想等，最後我自己走！我哋約咗響屋企樓下等～低能仔，你知唔知道我真係唔開心？我唔係想你坐響我側邊陪住我，我唔係要你 whatsapp 陪我傾計！我只係想有時會抽少少上 Facebook 嘅時間嚟 whatsapp 我，就算只係一句好簡單嘅說話都已經足夠！因為已經好耐好耐架喇。。。。你願意感受我呢排嘅感覺嗎？

分類: 我們的生活點滴

[ 訪客留言(0) ] [ 編輯日誌 ]

2016 年 2 月 8 日星期一


	我們的年初一

恭喜發財！

今日係年初一，有人今日都一齊放假，不過就各有各忙，佢要去佢屋企人到拜年，而我就跟爸爸返阿麻同姑婆到！

今日其實有啲唔開心，因為成日都係我揾佢，我好掛住佢。。。有時望住個電話都會諗，佢究竟有冇掛住我呢？5點幾嘅時候，有人終於 whatsapp 我，問我響邊？原來有人早返嚟，可以陪我！

爸爸響樓下見到低能仔，叫佢一齊返阿麻到食飯，四嬸佢哋又叫我帶佢上去，話晒拍咗咁多年拖～而我當然都想佢一齊上去，我都想我身邊嘅人知佢係邊個！但佢根本唔想～

今晚有人帶咗我去旺角，雖然冇乜地方開門，有佢企響隔離，我真係好開心！今晚食得好簡單。。。但我已經好滿足，只要慳埋呢幾個月，就可以響日本食得好、玩得開心！

低能仔，今個年初一係你呢三年裡面，第一次帶我去街，仲同我係咁玩。。。我過得好開心，多謝你呀！希望以後每一年都係咁。。。。

分類: 我們的生活點滴

[ 訪客留言(0) ] [ 編輯日誌 ]

2016 年 2 月 7 日星期日


	年廿九@2016"

今日係年廿九，羊年嘅最後一日！朝早就起身同爸爸、家姐食完嘢，就出去買嘢過年～

晏晝就出咗銅鑼灣，終於都買晒過年要用嘅嘢，兼且買埋低能仔媽咪份禮物～有人食lunch嘅時候，打電話俾我！本來話同我食嘢，但我真係拎住太多嘢，所以最後都冇得見～兼且佢亦決定我哋今晚唔出街。。。

既然決定咗唔出街，我諗住煮飯俾佢！我 whatsapp 佢問佢，但我等咗好耐都等唔到佢覆，我承認呢排我哋成日都唔開心，所以我唔夠安全感，我成日都會驚佢唔知係咪。。。。？所以我打咗個電話俾佢！結果今晚係煮飯等佢返～

夜晚我返咗阿麻到食團年飯，食完就趕返去煮飯俾低能仔，但今餐煮得唔好食～搞到有人要落街食魚蛋，對唔住呀！食完嘢有人陪咗我落海怡行咗一陣，其實每逢大時大節我都想你響我身邊陪多我一陣，對我温柔多一啲架！

分類: 我們的生活點滴

[ 訪客留言(0) ] [ 編輯日誌 ]

2016 年 2 月 6 日星期六


	放假喇！

今日係六日大假嘅第一日，我瞓到十一點幾先起身～醒咗有人就 whatsapp 我，話我唔揾佢。。。傻佬，我點會唔掛住你？只係我啱啱醒，加上一醒咗公司嘅人又揾我，所以我先未揾你，你知唔知我無時無刻都想攬實你架！

今日同家姐去咗旺角行街，終於都買到一件我理想嘅冷外套，傻佬我好想著俾你睇。。。一直以嚟，我同你行街都唔會睇衫，一來係因為我好少買衫，二來就係唔想你悶～我寧願用啲時間陪你行你鍾意嘅嘢！

今晚係屋企嘅團年飯，本來係食自助餐，但媽咪病咗，最後改響屋企叫外賣！其實咁都好，因為可以見低能仔～仲可以留埋晚餐俾佢添！今晚只係見得好少時間，因為啲人要保護佢啲家當～但捱多幾日，又可以二人世界架喇！到時要一齊揾酒店。。。

分類: 我們的生活點滴

[ 訪客留言(0) ] [ 編輯日誌 ]

2016 年 2 月 5 日星期五


	收爐了

尋晚瞓得一啲都唔好，個頭痛得好緊要～一路瞓就一路痛，到咗今朝就發燒、周身好痛。。。好辛苦！我諗應該俾媽咪傳染到～有人今朝 whatsapp 我陪咗我一陣，好耐都冇試過，而我醒咗之後，就再冇諗尋晚嘅嘢～始終唔可以有“隔夜交”嘛！

返到鋪頭一直都有嘢做，但今日又有貨返，我一直等都等唔到！最後8點幾先返貨，搞到我好燥。。。因為有人今晚嚟接我，我陣係好想快啲做晒啲嘢，快啲同佢二人世界～

有人今晚帶咗蛋膠嚟接我，仲要我一路做嘢，佢一路餵我食～收工之後我哋去咗食飯，跟住帶咗我去行吉豬島，仲買咗兩盒我最鍾意嘅杏仁批俾我！不過今晚我哋兩個都好攰，等咗好耐都冇車，結果一上到車，我哋兩個都瞓到死咗～低能仔，我真係好愛你，我聽你話，以後都唔叫你揾過第二個！

分類: 我們的生活點滴

[ 訪客留言(0) ] [ 編輯日誌 ]

« | 197 | 198 | 199 | 200 | 201 | 202 | 203 | 204 | 205 | 206 | ... | 384 | »