一切從蝴蝶酥開始 - QOOZA 網上日誌

jessica1207yi : 個人主頁 - 相簿 - 訂閱 [ QOOZA - 論壇 - 登入 ]

人氣：39166

一切從蝴蝶酥開始

不知不覺愛上你……

我的資料

暱稱：低能仔♡低能妹

MORE...

最新日誌

•	一切從蝴蝶酥開始
•	半年後
•	分開。。。
•	放假喇
•	安全感

日誌分類

•	全部 (1919)
•	我的生日之旅@台北2018 (2)
•	我們的一週年甜蜜之旅2014♡台北 (5)
•	我們的三週年甜蜜之旅2016♡Osaka (6)
•	我們的五週年甜蜜之旅2018♡OsAkA (4)
•	我們的五週年甜蜜之旅2018♡台北 (4)
•	我們的生活點滴 (1883)
•	我們的四週年甜蜜之旅2017♡東京 (7)
•	我們的兩週年甜蜜之旅2015♡台北 (5)
•	我們的甜蜜之旅2018"♡澳門 (2)
•	未分類 (1)

訪客留言

最近三個月尚無任何留言

最近訪客

最近沒有訪客

每月文章

•	2020 年 02 月 (1)
•	2019 年 06 月 (5)
•	2019 年 05 月 (1)
•	2019 年 03 月 (4)
•	2019 年 02 月 (6)
•	2019 年 01 月 (5)

MORE...

日誌訂閱

尚未訂閱任何日誌

[ 訂閱此日誌 ]

我的好友

我的連結

•

差半步

日誌統計

文章總數： 1919

留言總數： 87

今日人氣： 63

累積人氣： 39166

2016 年 2 月 14 日星期日


	Happy Valentine's Day 2016"

Happy Valentine's Day 2016"

今日係情人節，原本諗住今朝要早啲起身，整情人節禮物俾低能仔，點知朝早食咗啲藥又再瞓番～仲要瞓到成點先起身！幸好依然趕得切整好個蛋糕，不過我遲咗半個鐘先出去！

今個情人節我哋冇出去特別慶祝，我哋只係響屋企二人世界，簡簡單單咁過！其實冇奢華嘅晚餐，冇名貴嘅禮物，冇好大扎玫瑰，只係兩個人響屋企睇吓電視，攬住傾吓計，甚至攬住一齊瞓覺，都已經好幸福！

BB, 今日我依然好燒，多謝你照顧足我一日，餵我食完藥仲攬住我瞓，夜晚為咗氹我開心，又帶我去食 pizza 添。。。你知嘛，呢啲就係我想要嘅生活！越簡單真係越幸福。。。一齊睇酒店，一齊睇旅遊書，一齊傾計，仲一齊玩！我真係好鍾意用個頭“囡”落你到，種感覺真係好幸福！

以後每個情人節，我都只想同你一個渡過！當然希望會有屬於我哋嘅小情人啦～

分類: 我們的生活點滴

[ 訪客留言(0) ] [ 編輯日誌 ]

2016 年 2 月 13 日星期六


	我們的1000日

我們的1000天

今日係我哋拍拖第一千日，由個位數字變雙位數字，再由雙位數字去三位數字，直到依家變成四位數字，真係得來不易，當中經歷嘅嘢真係有好多好多，亦令我明白到感情真係需要苦心經營！

我自問唔係一個十全十美嘅人，亦唔係一個真係好好，好善解人意嘅女朋友！好多時我都會覺得自己襯你唔起，年齡、健康甚至係外表，我都覺得你可以擁有更好～但呢1000日裡面，你令我知道原來呢一切都唔係問題，最緊要我哋係咪真係愛對方？真係視對方為大家嘅終身伴侶？其他一切都唔係問題～你知嘛，假如時光可以倒流，我依然會選擇你多一次！

今日有人要返工，不過又唔知醒囉！而我都瞓到12點，個頭已經足足痛咗兩日！最後乖乖哋去咗睇醫生～食咗啲藥開始好眼瞓。。。

今晚我出咗去接啲人收工，話晒1000日紀念，緊係要買啲嘢氹吓人啦！我買咗盒半熟工房俾佢，好想佢鍾意！見到佢之後，我哋就去咗食飯，簡簡單單咁過我哋嘅1000日！其實只要有佢給我身邊陪我，無論過得幾簡單，都已經覺得好幸福！不過今晚我好唔舒服，所以我冇乜精神，對唔住呀bb～

分類: 我們的生活點滴

[ 訪客留言(0) ] [ 編輯日誌 ]

2016 年 2 月 12 日星期五


	我們的999日

今日開工喇！放咗6日假，今朝唔願起身～好眼瞓呀。。。

今日除咗返貨同 stock take 忙咗一陣之外，其他時間都好清靜～當然都有啲麻煩事發生，不過都可以準時收工！

收工前有人帶咗蛋膠嚟接我，係我最愛嘅住多啤梨，依然係一路做嘢，一路有人餵我，跟住我哋就去食飯～今晚個傻佬特別就我，又特別温柔。。。搭車攬住我比我瞓足全程，但我個頭依然好痛，好想繼續嗲佢！

低能仔，聽日就係我哋拍拖1000日，希望我哋可以好似第999日咁，依然長長久久……

分類: 我們的生活點滴

[ 訪客留言(0) ] [ 編輯日誌 ]

2016 年 2 月 11 日星期四


	最後一日

今日係假期嘅最後一日，我瞓到十一點幾就起身～今朝好掛住啲人，所以打咗個電話俾佢。。。其實放咗咁多日假，佢都好忙冇乜陪過我，我只係好想嗲吓佢，但點知。。。

今日成日都留咗響屋企，而佢夜晚要過佢家姐到～我哋到咗十點先見面！我本來見佢咁攰諗住俾佢返去抖吓，不國有個傻佬話想見我。。。今晚雖然見得好少，但我成晚都攬實佢唔放，唔知係咪我有啲唔舒服嘅關係呢？

分類: 我們的生活點滴

[ 訪客留言(0) ] [ 編輯日誌 ]

2016 年 2 月 10 日星期三


	我們的年初三

年初三喇。。。。我最愛嘅新年眨吓眼就過喇！放埋聽日就返工，唔捨得呢個假期。

今日約咗 win win 去食炸雞，呢間嘢啲嘢都好好食，我好想同低能仔去食，因為連唔鍾意食肉嘅我，我都覺得好好味！我諗佢應該都鍾意食～好想同佢試呀！食完嘢行咗一陣，我同家姐就去買低能仔嘅日用品～買完就返咗阿麻到……

今晚有人收工就即刻返咗嚟我屋企，而我就整定啲飯餸等佢返嚟食～今次有人上嚟已經冇之前咁緊張，或者因為已經拍咗拖咁多年，幸好媽咪今晚冇乜嘢，冇難為低能仔咋！

低能仔，我好開心你今晚上嚟～我好想以後每一年都有你嘅出現！甚至每次嘅家庭聚會，你都會以屋企人嘅身份同我一齊去，你話好唔好呀？

多謝你對我屋企人都一樣咁好<3

分類: 我們的生活點滴

[ 訪客留言(0) ] [ 編輯日誌 ]

« | 196 | 197 | 198 | 199 | 200 | 201 | 202 | 203 | 204 | 205 | ... | 384 | »