一切從蝴蝶酥開始 - QOOZA 網上日誌

jessica1207yi : 個人主頁 - 相簿 - 訂閱 [ QOOZA - 論壇 - 登入 ]

人氣：39167

一切從蝴蝶酥開始

不知不覺愛上你……

我的資料

暱稱：低能仔♡低能妹

MORE...

最新日誌

•	一切從蝴蝶酥開始
•	半年後
•	分開。。。
•	放假喇
•	安全感

日誌分類

•	全部 (1919)
•	我的生日之旅@台北2018 (2)
•	我們的一週年甜蜜之旅2014♡台北 (5)
•	我們的三週年甜蜜之旅2016♡Osaka (6)
•	我們的五週年甜蜜之旅2018♡OsAkA (4)
•	我們的五週年甜蜜之旅2018♡台北 (4)
•	我們的生活點滴 (1883)
•	我們的四週年甜蜜之旅2017♡東京 (7)
•	我們的兩週年甜蜜之旅2015♡台北 (5)
•	我們的甜蜜之旅2018"♡澳門 (2)
•	未分類 (1)

訪客留言

最近三個月尚無任何留言

最近訪客

最近沒有訪客

每月文章

•	2020 年 02 月 (1)
•	2019 年 06 月 (5)
•	2019 年 05 月 (1)
•	2019 年 03 月 (4)
•	2019 年 02 月 (6)
•	2019 年 01 月 (5)

MORE...

日誌訂閱

尚未訂閱任何日誌

[ 訂閱此日誌 ]

我的好友

我的連結

•

差半步

日誌統計

文章總數： 1919

留言總數： 87

今日人氣： 64

累積人氣： 39167

2016 年 4 月 4 日星期一


	清明節

尋晚食咗啲藥，雖然仲係唔舒服，但總算好瞓啲。。。。而啲人就要趕功課，結果就冇乜點瞓，今朝又好早起身，陰公豬！

今朝有人好 sweet 咁好早就 whatsapp 我，仲打埋電話俾我添！佢要我乖乖哋收工即刻返屋企，唔好等佢收工。。。其實我好想見佢，我好掛住佢，不過我唔想佢覺得我太癡身，所以唯有收工就返去！

收工後我返咗阿麻到，我病咁耐都冇過去睇佢，咁啱今晚爸爸佢哋又過去食飯，我收工就嗱嗱臨返去，阿麻佢哋特登等埋我先食，仲煲定魚湯俾我，好耐都冇飲過喇！佢哋仲怕我唔飲，講大話呃我飲，不過一睇張枱有咩餸就知嗰碗係咩湯，因為平時佢哋會放湯啲餸出嚟，哈哈。。。但我都飲咗三碗，好味道！

有個傻佬7點幾就 whatsapp check 我返到未？仲叫我等佢返嚟。。。由佢叫我唔媚等佢收工嗰一刻，我已經預咗今晚唔會見到佢～我知佢已經好攰，加上唔知又做晒功課未～

今晚你收工後打俾我，我真係好開心。。。本來想同你講，我今煦又開始燒返，依然好想嘔同周身好痛。。。唔想再見林德华喇！但一聽到你話好攰，我就講唔出口，我怕又要你擔心多一樣嘢！低能仔，我好掛住你～

分類: 我們的生活點滴

[ 訪客留言(0) ] [ 編輯日誌 ]

2016 年 4 月 3 日星期日


	想嘔

尋晚又瞓得唔好。。。。瞓吓醒吓咁！今日仲要一早起身返觀塘，攞我命呀！

今日收工之後，我就搭車落銅鑼灣接低能仔，其實我個人都好攰，周身仲好痛同想嘔，但我都堅持等埋佢，就算只係食一餐飯，我都想等佢。。。因為我好想見佢！

今晚有人被逼放咗張相上 Facebook ，其實我真係好想佢會氹吓我，我要嘅氹唔使用錢買番嚟。。。簡單一張相，一句說話，一個留言，我都已經好開心！有人夜啲再放咗另一張我嘅相上去，不過我好殘～話晒啱啱病好嘛！我好怕會令人覺得我襯佢唔起，因為我真係唔靚。。。但睇到佢打嗰句，又真係好開心嘅！低能仔，多謝你！

分類: 我們的生活點滴

[ 訪客留言(0) ] [ 編輯日誌 ]

2016 年 4 月 2 日星期六


	下半世

尋晚成晚都冇乜點瞓過，個頭痛得好緊要，兼且亦不停咁嘔～好攰呀！

有人今日放假喇！佢朝早過咗婆婆嗰邊整啲嘢，然後就打電話俾我，傻豬，簡單一個電話，已經令我好冧喇！因為打電話俾我嗰個係你～

今日你遵守承諾陪咗我好耐，你知嘛，我真係過得好開心，其實去邊都冇所謂，最緊要你響我身邊！我哋試咗想食好耐嘅 super sandwiches，行咗我最鍾意嘅 city super ，去咗睇佢至愛嘅相機，仲揾埋止咳藥俾爸爸……不過兩個都攰攰哋、吽吽哋！個傻人仲帶我去卡樂b嗰到，我知佢係想買番我冇得食嘅薯條俾我，但見佢咁攰，嗰到又咁多人，我唔捨得佢排咁耐，所以我扯住佢走！

今晚有人為咗氹我，買咗支食得嘅花俾我“雪糕玫瑰”……支嘢好靚呀！你對上一次送花俾我，已經係2015年嘅情人節，估唔到2016年你會送我一支咁靚嘅玫瑰，我真係好鍾意，兼且覺得特別 sweet ！低能仔，你對我真係好好好好。。。

原本今晚跟佢返家姐到，不過我講咗個大話冇去到！我話想拎藥俾爸爸食，其實係我好唔舒服，我知道我老實講，佢可能會唔去家姐到，而留低照顧我。。。我更唔想佢擔心，所以講咗呢個大話，結果返到屋企又係咁嘔！低能仔對唔住呀。。。其實你今日話想帶我見你啲家姐，係因為我係陪你過大半世嘅人，我真係好感動架！我都視你為我下半世一齊過嘅人，已經好耐好耐……

Miss u so much ~

分類: 我們的生活點滴

[ 訪客留言(0) ] [ 編輯日誌 ]

2016 年 4 月 1 日星期五


	愛回家

今日係假期嘅第二日，個傻佬就要返工，我瞓到十一點幾就醒咗，即刻打咗個電話俾個傻豬。。。好耐都冇打過電話俾佢，點知個傻豬話做女仔要主動啲，咁好啦！我以後多啲打俾你，但你都要打多啲電話俾我，好冇呀？同佢傾咗一陣，佢就要我瞓多一陣先，我瞓到兩點幾先起身，結果俾人話我係“懶瞓豬”~>.<

今晚有人要收好夜，原本我好想煮飯，不過咁夜都仲要佢食飯，我怕佢會太飽，今晚會瞓得唔好，所以只係整咗個“芝士雞扒麵包布甸”俾佢返嚟做宵夜～好想佢返嚟會有啖好食，兼且會鍾意“愛回家”，將來會鍾意愛回我哋嘅家！

陰公豬，有人今晚成十二點先返到，佢響樓下等埋我先一齊返屋企～不過個麵包布甸佢唔係太鍾意，唯有下次整薯蓉啦！今晚有人好 sweet 陪我睇愛回家，見佢咁好，我梗係會做番啲嘢啦！幫佢按摩埋同開埋爐，我就俾佢休息，而我自己就返去～

有人話聽晚帶我去佢家姐到，我覺得好開心，不過我開始覺得好大壓力。。。我係一個好慢熱嘅人，而且我好怕我做得唔好，會失禮低能仔呀！

分類: 我們的生活點滴

[ 訪客留言(0) ] [ 編輯日誌 ]

2016 年 3 月 31 日星期四


	陰聲細氣

今日原本要好早起身去交收，但個傻豬知我今日放假，唔想我咁早起身出去，就特登幫我去，等我可以瞓晏啲！結果我1點先起身～

今日醒咗我就係咁諗今晚煮啲咩餸？因為想佢有住家飯食，最後響 Facebook 見到有個豚肉鵪鶉蛋生菜芝士卷，就即刻諗都冇諗買材料喇！我唔想成日煮嚟煮去都係嗰啲，點都要煮啲新嘢，如果唔係點留得住佢個胃呢？

今晚佢8點幾就返到，但我整埋啲嘢成9點先過到去～有人陪我睇“紀念日”，仲攬住我瞓添！低能仔，或者你會好奇怪，點解我今晚好似好唔同（我唔夠膽用温柔形容自己，我怕你會嘔，哈哈）其實因為你星期六放假陪我，我覺得好開心！所以我先變番你初初識嗰個低能妹，講嘢會陰聲細氣，成日都笑，享受你攬住瞓嗰個低能妹！

分類: 我們的生活點滴

[ 訪客留言(0) ] [ 編輯日誌 ]

« | 186 | 187 | 188 | 189 | 190 | 191 | 192 | 193 | 194 | 195 | ... | 384 | »