一切從蝴蝶酥開始 - QOOZA 網上日誌

jessica1207yi : 個人主頁 - 相簿 - 訂閱 [ QOOZA - 論壇 - 登入 ]

人氣：39158

一切從蝴蝶酥開始

不知不覺愛上你……

我的資料

暱稱：低能仔♡低能妹

MORE...

最新日誌

•	一切從蝴蝶酥開始
•	半年後
•	分開。。。
•	放假喇
•	安全感

日誌分類

•	全部 (1919)
•	我的生日之旅@台北2018 (2)
•	我們的一週年甜蜜之旅2014♡台北 (5)
•	我們的三週年甜蜜之旅2016♡Osaka (6)
•	我們的五週年甜蜜之旅2018♡OsAkA (4)
•	我們的五週年甜蜜之旅2018♡台北 (4)
•	我們的生活點滴 (1883)
•	我們的四週年甜蜜之旅2017♡東京 (7)
•	我們的兩週年甜蜜之旅2015♡台北 (5)
•	我們的甜蜜之旅2018"♡澳門 (2)
•	未分類 (1)

訪客留言

最近三個月尚無任何留言

最近訪客

最近沒有訪客

每月文章

•	2020 年 02 月 (1)
•	2019 年 06 月 (5)
•	2019 年 05 月 (1)
•	2019 年 03 月 (4)
•	2019 年 02 月 (6)
•	2019 年 01 月 (5)

MORE...

日誌訂閱

尚未訂閱任何日誌

[ 訂閱此日誌 ]

我的好友

我的連結

•

差半步

日誌統計

文章總數： 1919

留言總數： 87

今日人氣： 55

累積人氣： 39158

2016 年 3 月 15 日星期二


	我暈喇！

今朝有人一早就揾我喇！兼且仲好緊張我有冇好啲？要著多件衫？！仲要我乖乖哋食咗藥先返工！每一次佢嘅在乎，都會換嚟我嗰日聽聽話話，同埋變返小鳥依人咁，哈哈。。。尋晚發嘅皮氣，即時忘記得一乾二淨！女人要嘅就係咁簡單。。。

食咗咁多日藥，我知一定會有副作用～正如林德华所講，四肢會痛，胃會痛，會腹瀉，兼且今日條腰都痛！雖然真係好辛苦，又要成日都帶住個口罩，但為咗低能仔，我點辛苦都冇所謂～因為我想同佢一直到老！

今晚收工就返灣仔等佢嚟接我，有人知我胃痛就嗱嗱臨帶我去食嘢，但最令我估唔到，佢竟然知我夠鐘食藥提我要食（我今日冇同佢提過）我嗰一刻真係覺得好驚喜，因為少少嘅細心，已經好滿足！

食飯嘅時候，有個女仔不停 whatsapp 佢，一直以嚟我都唔鍾意佢同我食緊飯嘅時候玩手機，我就隨口講吓叫佢覆個女仔話陪緊女朋友，所以唔得閒傾！點知佢真係咁覆～低能仔，我冧到暈喇！

雖然食完飯行咗一陣就走，但我今晚過得好開心。。。唔知你係咪真係改變緊呢？

分類: 我們的生活點滴

[ 訪客留言(0) ] [ 編輯日誌 ]

2016 年 3 月 14 日星期一


	絕望

每個人總有脆弱嘅時候，今次呢個大病正正就係我最脆弱嘅時候，其實今次呢個病真係令我好辛苦，每日都要感受住好痛好痛嘅感覺，每日都希望有人會響我身邊，每日都希望有人會氹吓我。。。

今日啲人瞓晏咗，搞到十二點幾先起身，我以為已經咁晏佢應該會唔返，我以為佢會記得我今日要覆診去決定使唔使照同抽血！但最後佢都依然出咗去。。。

因為朝早睇唔到醫生，要下晝先有得睇，但我食咗藥之後，又迷迷糊糊咁瞓咗，瞓到四點幾先落去！而佢就 whatsapp 我，佢要去交收，7點10分前會返到，不過我開始好絕望，我知道佢唔會準時返到嚟！最後我冇估錯。。。

佢過到嚟診所我仲等緊，有人帶咗隻公仔嚟氹我，但我真係唔係要呢啲。。。我只係想響我最需要佢嘅時候，佢可以響我身邊，我覺得好似乜嘢都要我一個人面對，我今次個病我真係好驚，佢話會陪我面對，但最後都係得我一個！

睇完醫生後，佢同我講因為星期四嗰堂有 Quota 可以唔使返，所以佢決定返工。。。聽完之後我好嬲架！我嬲佢從來都冇諗起過我，我嬲佢每次佢要去邊？做啲乜？需要我嘅時候，我都會 support 佢。。。但佢就冇諗過我！今晚我真係嬲到食完嘢自己走咗！只係因為我諗起一句說話“在我最需要你的時候你都不在，那麼你的存在，好像也沒必要了。”我可以遷就你所有嘅嘢，但你又可唔可以企響我角度去諗吓我？你公司需要你嘅時候，你可以乜都唔理咁返去！我需要你嘅時候，點解我總係要做等又或者係容忍嗰個？

分類: 我們的生活點滴

[ 訪客留言(1) ] [ 編輯日誌 ]

2016 年 3 月 13 日星期日


	沮喪之後。。。

尋晚食咗啲藥，終於都冇發冷同發燒喇！但又有另一個問題出現，四肢痛得好緊要，痛到瞓得好差，今朝好早就醒咗！

今朝同爸爸、家姐食完嘢，就去咗灣仔睇中醫，個醫生講嘅嘢同林德华差唔多，一樣都話好嚴重。。。睇完醫生其實已經好攰，但家姐知我響屋企會悶，所以就同我行咗一陣先返！終於都買咗對鞋，雖然唔係我想揾嗰啲款，但我都鍾意嘅！

聽日就係白色情人節，原本我好想整嘢俾低能仔食，但以我依家呢個狀況，根本冇精神整到啲咩好嘢食俾佢，所以我去買咗一個佢之前想試嘅蛋糕俾佢，當係情人節禮物，我買到個蛋糕好開心，有幻想過佢收到都一樣會好開心！不過幻想同現實根本唔一樣。。。

今晚佢收工就返咗嚟，我一出門口就見到佢喇！有人仲帶咗低能仔電話袋嚟探我。。。今晚我冇食過嘢，佢就帶我去食，其實我好餓架。。。但一見到隔離枱啲人食嘅嘢，我就想嘔！而佢亦病咗，我根本唔知佢冇胃口，諗住佢都會食，點知佢係唔想食，兼且食咗甜品先返，我呢個女朋友真係好冇用！！！最後叫咗一碟飯兩份，我逼自己食咗一半！

食完嘢我哋就各身各返屋企，我好想見佢耐啲，我好想嗲佢，我好想冇這麼近，那麼遠嘅感覺，我好想佢永遠都屬於我一個人！

我能唔能夠撐落去，佢先係我唯一嘅動力。。。

分類: 我們的生活點滴

[ 訪客留言(0) ] [ 編輯日誌 ]

2016 年 3 月 12 日星期六


	沮喪了。。。

尋晚半夜係我過得最辛苦嘅一晚，著咗好多件衫，蓋住張好厚嘅被，明明成身都好熱，但都係凍醒咗！最後要嗌醒爸爸，同佢講我好辛苦，爸爸幫我蓋多張厚被落去先覺得舒服啲，先可以好好瞓一陣！原來有好多年未試過辛苦到要叫醒爸爸！

今朝7點幾諗住起身返工，但真係起唔到身，條頸同個頭都好痛，成身好熱！我痛到好想喊出嚟。。。但我依然堅持冇食嗰粒止痛藥，請咗病假之後，我食咗藥又迷迷糊糊咁瞓番，一瞓瞓到4點俾媽咪叫醒我！

今晚爸爸返嚟帶咗我去睇醫生，條頸之前腫嗰個位消咗啲腫，但又輪到另一個位腫得好緊要，醫生話係急性病毒引起，佢話好少人會食緊抗生素都會咁，至於點解會咁，連佢都唔知。。。假如食多兩日藥，星期一都係咁就要寫紙即時入醫院照！

聽到咁我真係覺得好沮喪，一到好啲，另一邊有起。。。嗰種痛真係令我覺得好難受，但我又講唔出，又或者就算講咗都冇人會明白，就正如低能仔成日講，佢唔係我，根本唔會知我個病係點！我開始覺得好攰好攰。。。。好想佢陪響我身邊！我撐得好辛苦。。。

分類: 我們的生活點滴

[ 訪客留言(0) ] [ 編輯日誌 ]

2016 年 3 月 11 日星期五


	我最愛誰？

今日返觀塘，又要好早起身！一起身條頸就痛。。。照一照鏡發現條頸都係咁腫，兼且又腫多一個位，我開始覺得無奈，同時亦好驚～好驚自己有啲咩事，要掉低我嘅 bb 豬一個，我更驚我要俾佢先行一步，永遠都見唔到佢！因為咁令我知道“當你病嘅時候，你就會知自己最愛邊個？邊個又最愛你？”

今日成日心情都麻麻，因為條頸令我好唔舒服，個人好憫～但當我一諗起佢我就可以撐落去，原來佢係我唯一嘅支柱！因為佢，我可以連最勁嗰隻止痛藥都冇食，我可以忍住嗰種痛（嗰隻止痛藥食得多會對心臟唔好）！因為佢，食咗藥幾辛苦都好，我都可以撐到放工。。。就算好攰好攰，只要一諗到可以見到佢，我都唔怕！低能仔因為你，我先可以撐落去！

收工後去咗旺角等佢，一見到佢就忍唔住嗲佢。。。不停嗌好痛好痛！明明知道講完俾佢知，嗰種痛依然存在，但佢一氹我，我就覺得好冧！呢啲或者真係叫做真愛～我哋行咗一陣就去咗食飯，有人知我鍾意食 win win 買俾我嗰份手信，就帶我去揾兼且買俾我氹我～

有人仲咳得好緊要。。。我好擔心佢！除咗同佢去飲涼茶之外，我唔知仲有乜可以做到？！睇嚟要煲番啲嘢俾佢飲至得，低能仔，你要乖乖哋介口，唔好飲凍嘢同甜嘢，飲多啲水呀！如果連你都有事，就冇人照顧我，你當係為咗我好唔好呀？

分類: 我們的生活點滴

[ 訪客留言(0) ] [ 編輯日誌 ]

« | 190 | 191 | 192 | 193 | 194 | 195 | 196 | 197 | 198 | 199 | ... | 384 | »