一切從蝴蝶酥開始 - QOOZA 網上日誌

jessica1207yi : 個人主頁 - 相簿 - 訂閱 [ QOOZA - 論壇 - 登入 ]

人氣：34325

一切從蝴蝶酥開始

不知不覺愛上你……

我的資料

暱稱：低能仔♡低能妹

MORE...

最新日誌

•	一切從蝴蝶酥開始
•	半年後
•	分開。。。
•	放假喇
•	安全感

日誌分類

•	全部 (1919)
•	我的生日之旅@台北2018 (2)
•	我們的一週年甜蜜之旅2014♡台北 (5)
•	我們的三週年甜蜜之旅2016♡Osaka (6)
•	我們的五週年甜蜜之旅2018♡OsAkA (4)
•	我們的五週年甜蜜之旅2018♡台北 (4)
•	我們的生活點滴 (1883)
•	我們的四週年甜蜜之旅2017♡東京 (7)
•	我們的兩週年甜蜜之旅2015♡台北 (5)
•	我們的甜蜜之旅2018"♡澳門 (2)
•	未分類 (1)

訪客留言

最近三個月尚無任何留言

最近訪客

最近沒有訪客

每月文章

•	2020 年 02 月 (1)
•	2019 年 06 月 (5)
•	2019 年 05 月 (1)
•	2019 年 03 月 (4)
•	2019 年 02 月 (6)
•	2019 年 01 月 (5)

MORE...

日誌訂閱

尚未訂閱任何日誌

[ 訂閱此日誌 ]

我的好友

我的連結

•

差半步

日誌統計

文章總數： 1919

留言總數： 87

今日人氣： 52

累積人氣： 34325

2016 年 3 月 25 日星期五


	復活蛋節

今日開始係一連四日嘅復活節假期，但可惜我一日假都冇，四日都要返工～今朝起身仲好燒，個人又攰又冇力。。。個頭仲好熱！不過一諗到收工可以見到低能仔，我就撐得住！

今晚收6點。。。收工後就落咗銅鑼灣等我嘅 bb 收工，原本好想買定啲甜品等佢，但我真係太攰。。。所以最後揾咗個商場坐咗一陣先過去接佢！

今晚有人帶我食飯，知我冇乜胃口食嘢，又知我鍾意食沙律就嗌俾我。。。我知道佢只係希望我可以食多一啲，傻佬，你為我做嘅嘢我好感動，所以今晚就算我幾唔想食，都堅持食晒啲沙律，我唔想你擔心！

食完嘢我哋就行咗一陣，話晒今日係復活節，我好想食復活蛋。。。記得細個嘅時候，爸爸都一定會買個大嘅朱古力復活蛋俾我～好想揾番嗰種感覺！但我依家病到咁，我知我唔可以食。。。所以最後只係拖住低能仔去睇咗一陣復活蛋就返屋企喇！

低能仔，復活節快樂！

分類: 我們的生活點滴

[ 訪客留言(0) ] [ 編輯日誌 ]

2016 年 3 月 24 日星期四


	絕望

今日係我最唔開心嘅一日，尋晚又突然間發冷得好緊要，搞到5點幾又醒咗，有咗上次嘅經驗，我已經放多咗張被響床，所以我今次冇叫醒爸爸，自己一個搞掂！

今朝瞓到十一點就起身落林德华到覆診，醫生話又有另一隻細菌感染到，所以發冷又發燒！嗰一刻我真係好絕望同好想有個依靠，其實我已經好乖咁介口，好聽話咁帶口罩同定時食藥，但點解都係咁？

食咗抗生素足足18日，我真係好攰。。。低能仔講得啱，我有邊一個月係唔病？有邊一個月係唔使食藥？但我真係已經覺得好辛苦同攰。。。我真係好想有個人可以俾我好好依靠，有個人響我最需要佢嘅時候會響我身邊，我更想有個人會明白我～我唔想咁。。。真係唔想再有呢種感覺！

分類: 我們的生活點滴

[ 訪客留言(0) ] [ 編輯日誌 ]

2016 年 3 月 23 日星期三


	外賣妹

今日返銅鑼灣，可以瞓得晏少少，但就要再收番夜啲啲。。。唉！

今朝依然有人響我醒之前揾我，真係好！傾咗一陣就趕住返工喇。。。今日返工勁悶，或者因為天氣唔好，所以鋪頭冇乜人嚟買嘢！不過都有啲 sweet 嘅嘢～

有人今日好早就食飯，食完飯之後竟然上咗嚟睇我呀！我見到佢嗰刻我真係呆咗，個傻佬真係好 sweet ，我當然梗係增取時間嗲我嘅 bb chu 啦！而佢知我冇水飲，就算明知 muji 貴，都買咗支水俾我，嘻嘻。。。

佢走咗之後，我一直都擔心佢咁早食飯，應該會好快肚餓，而我今晚又收得夜，唔想佢會餓親。。。所以我食飯嘅時候，去買咗兩個 cheese cake 拎上佢公司比佢同佢啲同事食，第一次真真正正踏入佢公司揾佢，好緊張呀！其實我響門口猶豫好耐，好驚佢會唔鍾意。。。但我又趕住返去，唯有頂硬上走入去～

BB 我唔知你鍾唔鍾意你女朋友突然響你公司出現？但我真係好想比個 surprise 你，好想你知我有幾重視你。。。我唔係專登買埋俾你啲同事，只係我覺得陣係買俾你，好似好樣衰，亦唔想你俾啲同事話你，所以先買埋俾佢哋～當然我都想有人知你有一個好在乎你嘅女朋友啦，哈哈！

分類: 我們的生活點滴

[ 訪客留言(0) ] [ 編輯日誌 ]

2016 年 3 月 22 日星期二


	再一次

今日都係返康怡，而且仲要 stock take ~個人好攰好攰。。。我嘅bb今朝又係一早揾我，雖然今日只係短短幾句，但佢嘅一句關心，我都已經好開心！

食咗啲藥咁多日，想嘔嘅情況越嚟越嚴重。。。成日頂住頂住搞到個人好想喊！今日終於頂唔順嘔咗出嚟，兼且買咗違禁品，我即時同人自首，不過我知啲人一定唔開心，但佢好好冇鬧我不特止，仲叫我下次唔好喇！見到呢句，我覺得我嘅 bb 好温柔～

今日有人又俾咗個 surprise 我，原本星期四可以陪我全日，突然又泡湯了！因為啲人又應承咗返工～心情即時好 down 。。。點解又係咁？！明明上星期一先話唔會再係咁，今個星期又嚟過。。。其實我冇嬲佢，因為我已經習慣晒，不過假如我唔扮嬲嘅話，佢就唔知我有幾重視佢嘅承諾架喇！

今晚收工後，啲人要整埋啲嘢再交收埋先嚟接我食嘢，或者因為我開始係咁流鼻水，加上嗰袋放咗個幾禮拜嘅生意，搞到好重。。。企定定響到等佢，覺得又凍又攰，嗰刻有啲憫，但一見到佢就乜事都冇喇！我陣係想屬於我嘅，繼續屬於我。。。不論係時間還是人！

分類: 我們的生活點滴

[ 訪客留言(0) ] [ 編輯日誌 ]

2016 年 3 月 21 日星期一


	返工喇！

五日大假終於都放完，今日要開工喇！今朝好早就醒咗，呢兩晚都瞓得好差，搞到個人真係好攰好攰。。。啲人今朝好早就揾我喇！臨返工前同佢 whatsapp 咗一陣，心情即刻大好呀～

有人今晚好早就嚟咗，仲帶咗我最愛嘅住多啤梨杯嚟添呀！依然好sweet咁，一路做嘢，一路有人餵我食！收工後我哋就去咗食飯，不過我都係冇乜胃口。。。但個傻佬都堅持餵我食咗幾啖飯，我覺得好冧架！

有人明明攰，都要同我去 aeon 行街，結果上車就瞓屎咗！今晚角色掉轉，我攬住俾佢瞓。。。傻佬，我知道你好攰架喇！今晚要早啲瞓呀……

分類: 我們的生活點滴

[ 訪客留言(0) ] [ 編輯日誌 ]

« | 188 | 189 | 190 | 191 | 192 | 193 | 194 | 195 | 196 | 197 | ... | 384 | »