jessica1207yi : 個人主頁 - 相簿 - 訂閱  [ QOOZA - 論壇 - 登入 ]
人氣：34492 
一切從蝴蝶酥開始
不知不覺愛上你……
我 的 資 料

暱稱： 低能仔♡低能妹
MORE...
«‹ July 2026 ›»
SMTWTFS
1234
567891011
12131415161718
19202122232425
262728293031
最 新 日 誌
•一切從蝴蝶酥開始
•半年後
•分開。。。
•放假喇
•安全感
日 誌 分 類
•全部 (1919)
•我的生日之旅@台北2018 (2)
•我們的一週年甜蜜之旅2014♡台北 (5)
•我們的三週年甜蜜之旅2016♡Osaka (6)
•我們的五週年甜蜜之旅2018♡OsAkA (4)
•我們的五週年甜蜜之旅2018♡台北 (4)
•我們的生活點滴 (1883)
•我們的四週年甜蜜之旅2017♡東京 (7)
•我們的兩週年甜蜜之旅2015♡台北 (5)
•我們的甜蜜之旅2018"♡澳門 (2)
•未分類 (1)
訪 客 留 言
最近三個月尚無任何留言
最 近 訪 客
最近沒有訪客
每 月 文 章
日 誌 訂 閱
尚未訂閱任何日誌
我 的 好 友
我 的 連 結
•差半步
日 誌 統 計
文章總數： 1919
留言總數： 87
今日人氣： 13
累積人氣： 34492
RSS Feed
2016 年 5 月 14 日  星期六   晴天
餘下兩天。。。
尋晚食咗啲藥，好早就瞓著咗。。。瞓到點幾起身食藥時，見到有人冇揾過我，我就 whatsapp 佢之後就繼續瞓∼

今朝7點幾起身諗住返工，但食咗啲藥真係好暈，根本連直線都行唔到，又不停咳同出汗，最後食多次藥就再瞓過∼而啲人今朝好早就揾我，我隱約聽到 whatsapp 響，就爬起身揾電話，原來啲人知我今日請咗假，想俾條鎖匙我執屋∼

醒咗之後就同爸爸去食嘢，一落到街就見到低能仔，一早見到佢真係幸福，有人攬咗我一陣，仲響爸爸面前 goodbye kiss 我先返工∼好冧呀。。。我同爸爸兩個病人，食完嘢就嗱嗱臨返去，因為我哋食完藥都好攰，不過我就要買埋野上低能仔屋企執屋，冇得返去瞓住。。。

佢媽咪星期一就返喇！二人世界�H日子得番兩日∼今日總算叫買晒佢兩母子要飲�H嘢，同間屋都抹好晒，係唯獨今次我冇打蠟，因為呢排真係冇時間。。。希望佢媽咪唔好唔鍾意啦！

今晚我攰到冇煮飯，啲人收工就即刻返咗嚟。。。有人今晚特別sweet，行去百佳途中突然停低錫我，見我整親個咀又氹我，又買定餅俾我食藥之前食，仲攬住我睇電視，兼且聽晚特登收7點陪我添！

低能仔，我好愛你。。。或者你會問點解我咁驚嗰隻豬？其實係因為我好怕你會日久生情，佢同你有共同興趣，共同話題，佢又同你同一間學校，同一間公司，見面同接觸時間亦一定會比我多∼相反，我除咗識煮飯執屋，其他就乜都唔識，又成日都整嬲你，所以我真係好驚會冇咗你、留唔住你。。。 


分類: 我們的生活點滴
 [ 訪客留言(0) ] [ 編輯日誌 ]

2016 年 5 月 13 日  星期五   晴天
交響樂
尋晚瞓得好差，成晚都係咁咳。。。咳到冇乜點瞓過∼咳到喉嚨好痛！今朝頂唔順請咗病假，咳到開始抖唔到氣，如果今日都唔睇醫生，旅行前應該都冇乜時間去睇。。。我要健健康康咁同低能仔去日本！

有人朝早知我請咗假，就同我 whatsapp 咗一陣，要我乖乖哋留響屋企休息，睇醫生同食藥！我同爸爸食完嘢之後，兩父女一齊去睇同一個醫生，真係冇陰公！連啲藥都一模一樣架。。。

今晚得我同爸爸兩個病人響屋企，原本諗住一齊開交響樂外，仲煲粥一齊撐枱腳，其實餸已經買好，但個人攰到冇力起身，結果我哋兩個齊齊響房大覺瞓∼只係落街買咗外賣返嚟，當然我都有買定俾我隻衰佬啦！

有人收工就返咗嚟。。。唔知點解我覺得佢好陌生，我哋見咗一個鐘都冇就走咗！或者因為我唔舒服先咁啦∼ 


分類: 我們的生活點滴
 [ 訪客留言(0) ] [ 編輯日誌 ]

2016 年 5 月 12 日  星期四   晴天
出嫁
呢排因為爸爸�H身体，我不論身抑或心都覺得好攰。。。我真係好擔心佢有事，但又要響家姐同爸爸面前扮到冇嘢，其實都好大壓力∼我仲未帶爸爸去旅行，爸爸仲未睇住我結婚，我更加未生 bb 俾佢玩，我仲有好多好多嘢想同爸爸做。。。

有人今日同我一齊放假，晏晝�H時候佢帶咗我落街食嘢，之後就各自返屋企！然後佢去交收，我就帶爸爸去照肺同抽痰，不過報告要星期一先有，即係仲有幾日要擔心，好想報告快啲出！

搞掂晒爸爸啲嘢之後，我就出咗旺角揾低能仔，不過我因為爸爸�H事，成晚都心不在焉∼陣係陪佢睇佢想睇�H嘢。。。今晚我突然同佢講，不如我哋結婚，其實我真係想爸爸開心，睇住我出嫁∼而唔係平時咁同低能仔講笑！我知我咁做好傻。。。

 


分類: 我們的生活點滴
 [ 訪客留言(0) ] [ 編輯日誌 ]

2016 年 5 月 11 日  星期三   晴天
好痛。。。
今日又係返工�H日子，但又係咁咳，兼且仲要鼻水倒流，搞到喉嚨好痛。。。幸好 Maggie 今日落咗嚟，可以俾我出去睇一睇醫生，希望去日本前可以好返晒！

今日勁忙。。。一早返去就要 train 新人，又要同中介公司啲人開會，個口全日都冇停過∼個人好攰好攰。。。

今晚有人嚟咗接我，但我要遲收工，搞到啲人等咗我好耐，最後我同 Maggie 講有事走先，如果唔係應該冇10點都冇得走∼收工就同低能仔去交收，之後有人帶我去食飯，不過我個喉嚨越嚟越痛，咳又痛，食嘢又痛，就連講嘢都好痛。。。

低能仔，我今日帶番嗰隻介子喇！因為我知呢兩日你都對我好好，我完全感受到，我覺得好開心，好想以後都係咁，好冇呀？ 


分類: 我們的生活點滴
 [ 訪客留言(0) ] [ 編輯日誌 ]

2016 年 5 月 10 日  星期二   晴天
這麼近，那麼遠
尋晚瞓得唔好，成晚都冇乜點瞓，搞到今朝冇乜精神。。。

今朝響車�H時候，我見到低能仔企咗響到等車∼嗰一刻有種這麼近，那麼遠�H感覺，明明我哋好近，但伸極手都捉唔到∼結果今日成日都心不在焉。。。甚至連 whatsapp 都冇乜點覆佢！

今晚收工有人帶埋蛋糕嚟咗等我收工，有人好似唔咗咁，佢多嘢同我講咗、關心我多咗、拖得我大力咗，仲攬得我實咗。。。所以今晚我過得特別舒服∼我仲嗲佢嗲到專登響 aeon 行去賣榴蓮嗰到，要佢過拖我走，我只係想佢緊我、錫我多一啲！

下星期五就係三週年喇！我希望我哋可以有更多�H三週年、三十週年。。。一直響埋一齊！




 


分類: 我們的生活點滴
 [ 訪客留言(0) ] [ 編輯日誌 ]


« | 178 | 179 | 180 | 181 | 182 | 183 | 184 | 185 | 186 | 187 | ... | 384 | »