一切從蝴蝶酥開始 - QOOZA 網上日誌

jessica1207yi : 個人主頁 - 相簿 - 訂閱 [ QOOZA - 論壇 - 登入 ]

人氣：34286

一切從蝴蝶酥開始

不知不覺愛上你……

我的資料

暱稱：低能仔♡低能妹

MORE...

最新日誌

•	一切從蝴蝶酥開始
•	半年後
•	分開。。。
•	放假喇
•	安全感

日誌分類

•	全部 (1919)
•	我的生日之旅@台北2018 (2)
•	我們的一週年甜蜜之旅2014♡台北 (5)
•	我們的三週年甜蜜之旅2016♡Osaka (6)
•	我們的五週年甜蜜之旅2018♡OsAkA (4)
•	我們的五週年甜蜜之旅2018♡台北 (4)
•	我們的生活點滴 (1883)
•	我們的四週年甜蜜之旅2017♡東京 (7)
•	我們的兩週年甜蜜之旅2015♡台北 (5)
•	我們的甜蜜之旅2018"♡澳門 (2)
•	未分類 (1)

訪客留言

最近三個月尚無任何留言

最近訪客

最近沒有訪客

每月文章

•	2020 年 02 月 (1)
•	2019 年 06 月 (5)
•	2019 年 05 月 (1)
•	2019 年 03 月 (4)
•	2019 年 02 月 (6)
•	2019 年 01 月 (5)

MORE...

日誌訂閱

尚未訂閱任何日誌

[ 訂閱此日誌 ]

我的好友

我的連結

•

差半步

日誌統計

文章總數： 1919

留言總數： 87

今日人氣： 13

累積人氣： 34286

2016 年 4 月 24 日星期日


	有人。。。

今日可以放假喇！不過尋晚瞓得好差好差。。。因為爸爸成晚咳到冇停，好似開交響樂咁～要到朝早先可以瞓得著！

今朝十點幾就醒咗，同爸爸食完嘢，就去幫佢去配藥！而我依然都係冇乜胃口，一份三文治都食唔晒～搞掂啲嘢就返屋企食藥，然後又再扮豬！原本好想買餸煮飯俾低能仔食，但真係好攰，好似有種力不從心嘅感覺咁。。。最後都係乜都冇做到！

有人今日要返工，我知佢仲未剪晒啲片，而且仲有幾日就要交，所以佢收工嘅時候，我叫佢返屋企做剪片！點知個傻佬呢頭應承完我，轉頭就上咗嚟我到。。。一開門就見到佢，我好開心呀！有人話因為想見我，嘻嘻。。。今晚雖然唔係見得好耐，但有人好温柔咁對我，好細心咁睇我塊面仲有冇事，兼且仲錫錫我添！低能仔，多謝你為我做嘅一切～

分類: 我們的生活點滴

[ 訪客留言(0) ] [ 編輯日誌 ]

2016 年 4 月 23 日星期六


	唔見咗。。。

今日返寫字樓，7點幾就要起身！個人依然好攰，同埋都係食唔到嘢。。。好唔容易先爬到返寫字樓！不過今日我食藥食到吽吽哋，搞到連錢都唔見埋，好唔開心！！

今日響公司好忙，成日都要行嚟行去。。。食碗粉都要分幾次食，返工返到個人散晒～今晚成7點先響觀塘走，而我嘅 bb 就返銅鑼灣收8點，我又係攰得滯冇晒力，所以自己返咗去先，識佢咁耐我都冇試過咁，攰到連等佢嘅力氣都冇！不過我都有買定外賣等佢返！

今晚佢收工就返咗嚟，我拎埋啲飯就同佢一齊返咗屋企，今晚我哋見嘅時間好短，只係得半個鐘咋。。。因為啲人仲要剪片，我唔想阻住佢咁耐，所以我好快就走咗喇！bb 其實我好想嗲你架。。。

分類: 我們的生活點滴

[ 訪客留言(0) ] [ 編輯日誌 ]

2016 年 4 月 22 日星期五


	粥

尋晚食咗啲藥成個人都好攰，好早就中眼瞓。。。今朝又好早起身返工，我攰到響車到瞓著咗～結果今日成日都提唔起精神！

返到寫字樓之後，就俾 Irene 捉咗過工場幫手出貨，仲要我搬三大袋貨返寫字樓。。。本身已經好攰，搞掂晒就成個人散晒！

收工後家姐等埋我一齊返屋企，本身想落旺角接低能仔，但我真係太攰，所以冇去到。。。今晚我都係外賣咗碗粥返屋企，乜都食唔到真係好辛苦！個人又餓又攰，仲要好掛住低能仔～今晚我哋又冇見喇>.<

分類: 我們的生活點滴

[ 訪客留言(0) ] [ 編輯日誌 ]

2016 年 4 月 21 日星期四


	痛

今朝好早就醒咗，左邊面又腫晒同痛，起身食咗粒止痛藥，貼咗塊退熱貼響痛嗰個位，又再瞓番喇！點幾嘅時候，有人打電話俾我，有佢打嚟嘅朝早，我特別sweet～有人話今日會早啲返嚟睇我，叫我唔好煮飯，嘻嘻。。。

今日成日都係響屋企瞓。。。瞓到5點幾見到啲人話返緊嚟，而爸爸見到我塊面腫到咁，就要我落林德华睇醫生～個傻佬諗住陪我去睇，我梗係開心啦！不過佢仲要剪片，我就叫咗佢唔使陪我。。。

睇完醫生我直接返咗佢到，佢見到我好愕然，我入咗佢屋企後，終於明白點解佢咁嘅樣，有人又買咗新玩具。。。突然嘅捉奸令佢手足無措，哈哈！！幸好捉到係一件玩具，而唔係一個女人咋！

有人氹我食完藥，就帶我落咗海怡食飯！今晚啲人都係冇乜講嘢，而我就跟住佢唔出聲！雖然係靜，但當佢拖住我時，突然會有一吓好用力，我就知道佢係話我知，佢有用個心陪住我～低能仔，你要加油，好快捱完架喇！

分類: 我們的生活點滴

[ 訪客留言(0) ] [ 編輯日誌 ]

2016 年 4 月 20 日星期三


	我們的三十五個月

我們的三十五個月

不知不覺差唔多三年喇！呢三年好似眨吓眼就過咗，完全唔似過咗咁耐咁～其實有時我都響到問自己，我何得何能令到佢對自己咁好？特別係我哋仲有一段實實在在嘅距離添～

三年前嘅今日，係我初初見到佢嘅時候，今日我望住眼前嘅佢，我覺得好温暖。。。三年前我希望認識嘅人，到咗今日原來已經響我身邊陪咗我三十五個月喇！以前會覺得我同佢之間唔可以有將來，只要成為佢負累，我都寧願自己離開！但經過呢三十五個月嘅相處，我發現自己已經離唔開佢，好想好想有咩都同佢共同面對，甚至希望以後條路都有佢同我繼續行落去，我想同佢一生一世！亦因為咁。。。。

今晚佢講咗啲說話令我不停流眼淚，嗰種痛俾起佢錯手撞到我塊面嚟得更痛。。。我唔知自己原來睇我同佢嘅將來會睇得比想像中重！我都好想佢都會咁。。。因為我真係好愛佢～

低能仔，多謝你陪咗我一日呀！其實每次瞓醒都可以聽到你把聲，我覺得好幸福架！

分類: 我們的生活點滴

[ 訪客留言(0) ] [ 編輯日誌 ]

« | 182 | 183 | 184 | 185 | 186 | 187 | 188 | 189 | 190 | 191 | ... | 384 | »