一切從蝴蝶酥開始 - QOOZA 網上日誌

jessica1207yi : 個人主頁 - 相簿 - 訂閱 [ QOOZA - 論壇 - 登入 ]

人氣：34254

一切從蝴蝶酥開始

不知不覺愛上你……

我的資料

暱稱：低能仔♡低能妹

MORE...

最新日誌

•	一切從蝴蝶酥開始
•	半年後
•	分開。。。
•	放假喇
•	安全感

日誌分類

•	全部 (1919)
•	我的生日之旅@台北2018 (2)
•	我們的一週年甜蜜之旅2014♡台北 (5)
•	我們的三週年甜蜜之旅2016♡Osaka (6)
•	我們的五週年甜蜜之旅2018♡OsAkA (4)
•	我們的五週年甜蜜之旅2018♡台北 (4)
•	我們的生活點滴 (1883)
•	我們的四週年甜蜜之旅2017♡東京 (7)
•	我們的兩週年甜蜜之旅2015♡台北 (5)
•	我們的甜蜜之旅2018"♡澳門 (2)
•	未分類 (1)

訪客留言

最近三個月尚無任何留言

最近訪客

最近沒有訪客

每月文章

•	2020 年 02 月 (1)
•	2019 年 06 月 (5)
•	2019 年 05 月 (1)
•	2019 年 03 月 (4)
•	2019 年 02 月 (6)
•	2019 年 01 月 (5)

MORE...

日誌訂閱

尚未訂閱任何日誌

[ 訂閱此日誌 ]

我的好友

我的連結

•

差半步

日誌統計

文章總數： 1919

留言總數： 87

今日人氣： 47

累積人氣： 34254

2016 年 6 月 13 日星期一


	內疚

今日返銅鑼灣，可以瞓到十點幾先起身！不過喉嚨依然好痛。。。好似比火燒咁～有人尋晚話今朝帶我去食早餐，但起身嘅時候見好大雨，我諗住由佢瞓吓，點知個傻佬十點幾就 whatsapp 我，叫我整好嘢就打俾佢！

今朝我買定早餐等啲人落嚟，好耐都冇試過咁 sweet 喇！其實我真係好享受做小女人，買定早餐、奶茶落定糖，刀具抹好晒咁等佢嚟，當然呢個小女人角色都要睇吓對象係邊個啦！食完早餐就有人送我去搭車返工，真係幸福呀！

今日成日都冇藥食，由不停咁咳，兼且食完嘢又嘔返出嚟～個人勁攰。。。夜晚早收咗，就去揾我 baby chu ，我真係好掛住佢～好想嗲佢～有人陪咗我好耐，就算明知我病發憫陣，佢都氹我！見到佢咁對我，我其實好內疚，所以我就算好攰，我都想幫佢拎住佢嗰袋好重嘅嘢，同捚幫佢按摩，因為你真係值得我咁做！低能仔，你嘅錢我唔需要，我需要嘅只有你一個～

人總是在接近幸福時倍感幸福，在幸福進行時卻患得患失。

分類: 我們的生活點滴

[ 訪客留言(0) ] [ 編輯日誌 ]

2016 年 6 月 12 日星期日


	頂唔順

今朝冇同爸爸出去飲茶，響屋企瞓到十二點幾先起身！但今日個人好唔舒服，食咗藥都係咁。。。嗰種感覺好唔知點咁～

晏晝落咗街買餸今晚煮俾低能仔，之後就一直響屋企灘屍，而啲人就冇乜點揾我。。。呢排都係咁，有時見佢 online 過，但又冇揾我，個心總係有啲唔舒服！

從來都未試過煮餐餸要煮咁耐，今晚一路煮一路出冷汗同見到好多雪花～我好想嗲吓佢，但。。。。今晚佢收工就返咗嚟，我哋又冇乜講過嘢，我有我玩電話，佢有佢睇電視，最後幫佢鍊咗一陣，我就頂唔順走咗喇！

其實係咪我又做錯咗啲乜呢？點解。。。。

分類: 我們的生活點滴

[ 訪客留言(0) ] [ 編輯日誌 ]

2016 年 6 月 11 日星期六


	Mr. Steak

尋晚食咗啲藥之後，好早就瞓咗～今朝7點幾就起身返工，個人依然好攰、手依然好震、心跳依然好快，仲依然好掛住低能仔！

今朝等咗好耐佢都冇覆我，我以為佢又放假唔話我知～點知原來啲人遲到。。。今日返工成日都呆呆滯滯，好掛住佢呀！不過佢冇乜點揾我～

今晚家姐等埋我收工，然後就一齊落銅鑼灣同爸爸、媽咪食父母親節飯，終於都去到我想去好耐嘅 Mr. Steak ，但如果呢餐飲有埋低能仔響到，咁就完美喇！不過我咳得緊要，熱氣嘢、雪糕、凍嘢飲同生果，我全部都冇掂過，因為我應承過啲人會乖乖哋介口，所以我唯有望吓就當食咗啦～

食完飯我就去揾低能仔，有人收工等埋我先走，尋晚成晚冇見，我好掛住佢。。。唔知點解佢個樣好似有心事咁，唔知係咪識咗另一個，唔知點同我講，哈哈。。。見面之後，我哋行咗一陣就返去，個傻人個樣好攰，聽日佢又要返工，我唔忍心仲要佢陪我行。。。低能仔，你對我好重要！

分類: 我們的生活點滴

[ 訪客留言(0) ] [ 編輯日誌 ]

2016 年 6 月 10 日星期五


	驚

今日唔使返工，去咗睇咳。。。因為又咳得好緊要～咳到我自己都覺得憫、覺得煩！醫生話我有燒，個肺有啲雜聲，要轉過晒啲藥，如果三日後都係咁就要照肺。。。結果今日成日都喱咗響屋企瞓！

今日佢冇乜點揾我，我好掛住佢！食咗啲新藥之後，手又震、心跳又快！成個人冇晒力～好想攬住佢同嗲佢。。。原本佢話收工返嚟睇我，但咁熱我邊捨得佢咁辛苦！結果我哋冇見過～

今晚我好掛住佢，拎起個電話好想打俾佢，但我竟然驚佢唔鍾意（平時我冇打俾佢架，而佢都冇乜打俾我）我猶豫咗一陣先打俾佢，不過響咗好耐都冇人聽，到我諗住收線佢先接電話！低能仔，對唔住。。。其實嗰一刻我真係好驚架！

分類: 我們的生活點滴

[ 訪客留言(0) ] [ 編輯日誌 ]

2016 年 6 月 9 日星期四


	端午節

今日係端午節可以唔使返工，而啲人就要開工喇～見佢咁辛苦，我緊係要對佢好啲啦。。。

有人今朝就叫咗我聲“老婆”先去開工，我今日成日都好冧呀！我同爸爸飲完茶，就去買餸今晚煮俾啲人食～我真係好享受為佢煮嘅每一餐！我真係希望佢食得健康啲。。。買完餸仲買咗個佢成日扭計要食嘅牛乳卷（無錯……唔止我會扭計，其實佢都會架！不過我好鍾意～）買完已經即刻話俾佢知等佢開心吓，嘻嘻。。。

返到屋企飲完中藥，我就響到睇番我哋啲相～每逢佢唔得閒，我都好鍾意睇番我哋由拍拖開始到依家嘅任何一樣嘢架！每次睇番我都會好冧～睇睇吓就瞓著咗！

今晚佢放工就返嚟。。。。我哋見咗一陣就走咗！不過我依然好開心～因為有人見阿森揾我，佢塊面黑晒！起碼我知佢緊張我先。。。坦白講我已經愛佢愛到無能力去愛另一個，因為響我眼中，低能仔先係最好，最適合我嘅一個！

分類: 我們的生活點滴

[ 訪客留言(0) ] [ 編輯日誌 ]

« | 172 | 173 | 174 | 175 | 176 | 177 | 178 | 179 | 180 | 181 | ... | 384 | »