jessica1207yi : 個人主頁 - 相簿 - 訂閱  [ QOOZA - 論壇 - 登入 ]
人氣：34247 
一切從蝴蝶酥開始
不知不覺愛上你……
我 的 資 料

暱稱： 低能仔♡低能妹
MORE...
«‹ July 2026 ›»
SMTWTFS
1234
567891011
12131415161718
19202122232425
262728293031
最 新 日 誌
•一切從蝴蝶酥開始
•半年後
•分開。。。
•放假喇
•安全感
日 誌 分 類
•全部 (1919)
•我的生日之旅@台北2018 (2)
•我們的一週年甜蜜之旅2014♡台北 (5)
•我們的三週年甜蜜之旅2016♡Osaka (6)
•我們的五週年甜蜜之旅2018♡OsAkA (4)
•我們的五週年甜蜜之旅2018♡台北 (4)
•我們的生活點滴 (1883)
•我們的四週年甜蜜之旅2017♡東京 (7)
•我們的兩週年甜蜜之旅2015♡台北 (5)
•我們的甜蜜之旅2018"♡澳門 (2)
•未分類 (1)
訪 客 留 言
最近三個月尚無任何留言
最 近 訪 客
最近沒有訪客
每 月 文 章
日 誌 訂 閱
尚未訂閱任何日誌
我 的 好 友
我 的 連 結
•差半步
日 誌 統 計
文章總數： 1919
留言總數： 87
今日人氣： 40
累積人氣： 34247
RSS Feed
2016 年 8 月 2 日  星期二   晴天
八号風球
今日開始連放三日假，今朝我六點幾就起身睇天氣，睇吓低能仔使唔使返工，幸好依然8号風球，佢可以再瞓吓先∼不過個風十二點幾就除咗，佢下晝要返工。。。

見佢呢排咁辛苦，我好想煮餐好�H比佢。。。好想佢食得好啲，所以今次唔係陣係煮咖喱雞扒飯，我決定兩餸一湯“冬瓜冬菇瘦肉咸蛋湯”、“照燒雞卷”、“上湯燴娃娃菜墨魚滑”，當然仲有個咖喱飯啦！由五點幾開始整。。。整完個人已經好攰，希望佢鍾意啦！

今晚煮完飯個胃又痛得好緊要，痛到要響張床到挨一陣先好似好啲！佢收工就返咗嚟食飯，仲響會展帶咗小丸子返嚟俾我，傻佬，有你返嚟食飯已經好好！佢食完飯幫佢按摩咗一陣，佢就帶我落去買胃藥，然後就返屋企。。。

今晚我將煮咗啲餸�H相放咗上 Facebook 仲 tag 咗佢。。。我以為我哋已經好穩定，已經唔怕放上網，但當我發現原來佢張張相響佢個 wall 隱藏咗，我先知我呢個諗法係錯架！佢係會介意比人知架。。。不過我發現自己其實更介意佢�H介意！


 


分類: 我們的生活點滴
 [ 訪客留言(0) ] [ 編輯日誌 ]

2016 年 8 月 1 日  星期一   晴天
波波球
今日又係返工�H日子，返到公司知道今日會打8号風球，我就成日都囉囉攣幾時放掛8号，因為我唔知天氣會變成點？而低能仔又唔會帶遮。。。我怕佢收工等我過去�H時候會淋濕∼始終佢呢幾日返會展已經好辛苦，我怕佢抵抗力會差咗。。。

下晝�H時候，有人響facebook睇到女朋友進化做肥波球�H相就 tag 咗我，其實每次睇到佢 tag 我�H嘢，我都會好開心架！因為代表住佢諗起我。。。其實有時用呢啲嚟同對方傾吓，除咗可以增進啲感情外，仲可以知對方諗乜？！咁都幾浪漫架。。。就好似王貽興嗰個一人一邊心形相咁，嘻嘻。。。

今晚因為打8号風球，可以提早7點收工，我即時成個人精神晒！收工嗱嗱臨去接啲人收工∼今晚我哋食完飯，行咗陣就搭車返去，原本以為打風，啲人要趕住返屋企，點知啲人拖住我一齊搭 life 返我屋企個樓梯口，個傻佬話要陪多我一陣。。。見佢咁 sweet 我梗係要對佢好啲啦！我就幫佢按摩咗一陣∼見到佢開心，我就開心！

雖然我聽日係咪都放假，但希望聽日個風唔好咁快除。。。等佢可以抖耐啲！



 


分類: 我們的生活點滴
 [ 訪客留言(0) ] [ 編輯日誌 ]

2016 年 7 月 31 日  星期日   晴天
希望
尋晚媽咪同家姐又嘈，每晚都係咁真係好煩∼我陣係想安安靜靜咁。。。有啲人知道咗之後，就叫我等佢，佢話佢一定會帶我搬出去住！我真係真係好期待有一個屬於我哋兩個人�H安樂窩∼

今朝5點幾就肚痛到醒咗，跟住就不停屙。。。屙到個人好攰，結果今日我冇同爸爸去飲茶，一瞓瞓到下晝三點，醒咗食咗少少嘢又再瞓過，瞓到七點先俾爸爸叫醒！不過有人知我唔舒服，下晝就打電話俾我睇吓我有冇事，好冧呀！今晚我冇煮飯，但就買定外賣等啲人返！

今晚啲人收工就返咗嚟，我哋響樓梯口食飯，食完飯啲人攰我就幫佢按摩咗一陣，個傻佬仲突然問我想要啲乜？佢話佢買俾我。。。低能仔，我想要�H嘢，係用錢都買唔到，我希望同你一生一世，你一世都咁愛我！ 


分類: 我們的生活點滴
 [ 訪客留言(0) ] [ 編輯日誌 ]

2016 年 7 月 30 日  星期六   晴天
理想對像
今日都係返寫字樓，又係要好早起身！今朝食 KFC 早餐，因為夠平嘛。。。咁就可以慳啲！搭車�H時候，突然好唔舒服，成個人好暈同出冷汗，呢一刻好辛苦，兼且好掛住佢，點知佢就響呢個時候打俾我，不過我冇同佢講，始終我唔想佢返工分心！

收工之後，我就嗱嗱臨搭車返去，仲買定外賣等佢返。。。今晚啲人收早咗，9點幾就返到∼但就要辛苦佢響樓梯口食飯，我知道佢食得好辛苦，又熱又攰！陰公豬。。。食完飯我哋響樓梯口坐咗一陣，見啲人咁攰，我就幫佢按摩咗一陣，陣係想佢會舒服啲！

其實今晚有啲唔開心，因為睇到 Facebook �H一個留言，我根本唔知點覆∼加上我今晚問佢可唔可以唔好陣係愛自己，愛我多一啲？其實係真架。。。諗自己多過身邊�H人，會令身邊嗰個冇乜安全感！我諗每個女人都希望可以揾一個凡事諗咗身邊嗰個�H男人終老，而唔希望比人覺得自己揾咗一個自私�H人！ 


分類: 我們的生活點滴
 [ 訪客留言(0) ] [ 編輯日誌 ]

2016 年 7 月 29 日  星期五   晴天
詐嬌
經過尋日�H二人世界後，今日又係返工�H日子！今日返寫字樓，而啲人就返動漫節∼比我更早起身，陰公豬，一定攰屎你呀！今日我同啲人都好忙，大家都冇乜點揾大家，但一有時間我哋就 whatsapp 對方，等對方都知自己掛住對方！

有人今晚話收9點，我收工�H時候，就去搭車落去灣仔，原本以為我搭車過到去時間會啱啱好，點知啲人早放咗，早知我就搭地鐵過去，咁就唔使啲人等我。。。

今晚因為收工時，我俾幾個紙箱跌落嚟時整到隻眼，我一見到佢就忍唔住嗲佢∼今晚我哋雖然只係普通食咗餐飯，但我哋都過得好開心，因為有個傻人就算攰都好，都冇冷落我。。。低能仔，我好愛好愛好愛你！



 


分類: 我們的生活點滴
 [ 訪客留言(0) ] [ 編輯日誌 ]


« | 162 | 163 | 164 | 165 | 166 | 167 | 168 | 169 | 170 | 171 | ... | 384 | »