一切從蝴蝶酥開始 - QOOZA 網上日誌

jessica1207yi : 個人主頁 - 相簿 - 訂閱 [ QOOZA - 論壇 - 登入 ]

人氣：34251

一切從蝴蝶酥開始

不知不覺愛上你……

我的資料

暱稱：低能仔♡低能妹

MORE...

最新日誌

•	一切從蝴蝶酥開始
•	半年後
•	分開。。。
•	放假喇
•	安全感

日誌分類

•	全部 (1919)
•	我的生日之旅@台北2018 (2)
•	我們的一週年甜蜜之旅2014♡台北 (5)
•	我們的三週年甜蜜之旅2016♡Osaka (6)
•	我們的五週年甜蜜之旅2018♡OsAkA (4)
•	我們的五週年甜蜜之旅2018♡台北 (4)
•	我們的生活點滴 (1883)
•	我們的四週年甜蜜之旅2017♡東京 (7)
•	我們的兩週年甜蜜之旅2015♡台北 (5)
•	我們的甜蜜之旅2018"♡澳門 (2)
•	未分類 (1)

訪客留言

最近三個月尚無任何留言

最近訪客

最近沒有訪客

每月文章

•	2020 年 02 月 (1)
•	2019 年 06 月 (5)
•	2019 年 05 月 (1)
•	2019 年 03 月 (4)
•	2019 年 02 月 (6)
•	2019 年 01 月 (5)

MORE...

日誌訂閱

尚未訂閱任何日誌

[ 訂閱此日誌 ]

我的好友

我的連結

•

差半步

日誌統計

文章總數： 1919

留言總數： 87

今日人氣： 44

累積人氣： 34251

2016 年 8 月 12 日星期五


	黃衣女

原本今日放假，但見最近 cut 間，唯有今日返工賺番多少少。。。不過啲人就好好，因為佢個放緊假！

尋晚半夜又開始發冷，今朝起身個喉嚨好痛同個人好攰。。。臨返工前我去咗買定杯感冒茶，希望可以好啲啦！啲人瞓醒就揾我，仲叫我打電話俾佢，我梗係嗲佢啦！個傻佬知我今日會收早啲，佢好似好開心咁，仲話帶我睇醫生添。。。

收工之後有人響旺角等我，然後就帶我去睇醫～我今晚不停咁嗲佢，我好想佢氹我！睇完醫生佢帶我去食嘢，仲買咗串燒俾我食，我知佢都好鍾意食，所以我食咗兩啖就留番俾佢食，我寧願佢食多啲！食完飯之後，有人就氹我食藥，仲要係好温柔咁氹我～之後我哋就行咗一陣，不過啲藥好快攰同眼瞓……上車我就恰著咗！

返到嚟有人要入八達通，突然有個女仔捉住佢係咁問佢嘢，原來係以前響7仔做嘢嘅時候識，我承認我知道嗰一刻，我有諗番以前嘅嘢，不過啲人同個女仔講“我女朋友響到”！突然諗起大大與小妹裡面個黃衣女。。。每個女人都好怕自己個大大身邊都有黃衣女嘅物體！

分類: 我們的生活點滴

[ 訪客留言(0) ] [ 編輯日誌 ]

2016 年 8 月 11 日星期四


	美食博覽

今日瞓到十二點幾先起身，瞓醒啲人就已經揾我。。。兩點幾就開始今日嘅行程！

之前去書展嘅時候，有人因為遲咗同我去，結果就話帶我去美食博覽補數，咁啱爸爸公司今年有參展，咁我哋就有免費門票入去，如果要比錢，我一定一定唔會俾佢帶我去！

今日係美食博覽嘅第一日，我好驚會好多人，因為個傻佬好怕人多嘅地方，我唔捨得佢要迫，所以我同佢講不如唔去。。。結果我哋就去深水埗行街！今日我過得好 sweet ，響車到我哋睇 Facebook 睇到介紹美食博覽有咩食，兼且好似冇咩人！啲人就話夜晚同我去～

行完深水埗啲人就帶我去會展喇！今次係我哋第一次去美食節，入到去見到咁多嘢食，我已經好興奮，我哋今晚冇食飯，就係為咗入到去喪食！我哋今晚乜都試啲，試咗好多唔同嘅嘢～其實我好鍾意好似今晚咁，我哋買每一樣嘢都兩份食，有乜都一齊開心“些牙”……低能仔，我一直都好想好似今晚咁，如果去旅行都係咁就好喇！咁我哋就可以試到更多更多好嘢食～但唔準再話我係吃貨女友呀。。。

今日我同你講嗰條鍊可以保祐我哋之間嘅感情，或者你會覺得我傻，有啲嘢要嚟就嚟，要走就走～我的確係無自信，但我真係好想同你一生一世，所以我先想藉著一樣嘢，去令自己自信心多一啲，甚至多一點點慰藉！

分類: 我們的生活點滴

[ 訪客留言(0) ] [ 編輯日誌 ]

2016 年 8 月 10 日星期三


	提早的39個月晚餐

今日要返尖沙咀，好耐都冇落過鋪喇！今朝起身行雷行得好勁，我好驚呀！仲要紅色暴雨落好大雨。。。幸好我隻 bb 今日放假咋～

今日有個傻佬響我返工嘅時候，打咗幾次比我，咁啱我今日又可以收早，咁就可以早啲見，嘻嘻。。。原本有人嚟接我，我諗住可以去睇小丸子，不過啲人要交收，所以我就約咗響旺角等！出到去有人要食雪膠，點知買一送一，而我又唔食得牛奶，結果個傻人一個人要食兩杯，佢個樣真係好傻，好可愛。。。

今晚我哋過得好開心，我哋仲提早食我哋嘅39個月晚餐，仲要食我最愛嘅韓燒，有佢響隔離我食得特別多，兼且仲食得特別幸福添！食完嘢我哋行咗一陣就返去。。。個傻佬扁桃線痛，但佢又以為自己頸痛，我好擔心呀～除咗帶佢飲涼茶外，我就乜都做唔到！低能仔，聽日要飲多杯涼茶呀～

不需太多只要在旁

可跟你往返

哪怕遇上風沙都可與你分擔

現時就當苦了大家撐過它好嗎

撐過就有屬於我哋嘅家！

分類: 我們的生活點滴

[ 訪客留言(0) ] [ 編輯日誌 ]

2016 年 8 月 9 日星期二


	我們的七夕

今朝七點幾比媽咪嘈醒咗，起身食咗啲藥就再瞓過，家姐幫我開咗我房部冷氣，等我可以瞓得舒服啲～點知十二點幾比行雷聲嚇醒咗。。。

今日有人上嚟食我個 Oreo cheesecake ，不過有人唔鍾意個質感，原來我嘅努力最終都失敗咗。。。不過都有啲 sweet 嘅嘢嘅～佢響我屋企陪咗我一陣，仲攬住瞓咗陣添～我想我張床有佢陣味，咁樣我夜晚瞓覺都會瞓得 sweet 啲，嘻嘻。。。

之後佢返完屋企整嘢，就帶咗我落海怡食元氣，好好味呀！啲壽司好食到令我覺得好幸福。。。食完嘢我哋就落灣仔喇！今日我哋只係好 hea 咁四圍行～但已經好開心！或者無憂無慮咁相處係最舒服嘅時候。。。

夜晚啲人好早就要走，因為佢要去佢朋友屋企，而我就自己返屋企。。。雖然好早就要走，但啲人都好 sweet 咁，返到屋企打電話俾我，低能仔，經過今日你響我屋企，我好想快啲同你，仲有豬豬有我哋自己個家！

七夕節快樂！

分類: 我們的生活點滴

[ 訪客留言(0) ] [ 編輯日誌 ]

2016 年 8 月 8 日星期一


	雙色 Oreo cheesecake

經過一日假期，今日又要返工。。。今日響寫字樓好得閒～我上網 search 吓觀塘邊到有烘焙店，因為之前啲人話我好耐冇整甜品俾佢食，其實又真係好耐喇～所以我決定整甜品氹吓啲人！

我決定好整乜之後，下晝我就出去買材料，因為我同佢聽日都放假，咁我今晚整完，聽日佢就可以食喇！如果唔係有排都整唔到～

收工之後，我就落銅鑼灣接佢，有人今晚請我食飯。。。食完就行咗一陣，兼且去咗360放題添，嘻嘻。。。今次放題，有人買咗兩包朱朱力俾我食呀！

返到屋企就開始我嘅甜品，今次整雙色Oreo cheesecake 。。。因為 Oreo 係佢最愛嚟，所以我先整呢個！但呢個同之前整嗰個tiramisu好唔同，或者因為整兩層唔同色嘅關係，所以我有啲"喱hea"。。。雖然都搞掂，但我好驚最後會失敗，我怕會定唔到形，兼且唔好食～

分類: 我們的生活點滴

[ 訪客留言(0) ] [ 編輯日誌 ]

« | 160 | 161 | 162 | 163 | 164 | 165 | 166 | 167 | 168 | 169 | ... | 384 | »