jessica1207yi : 個人主頁 - 相簿 - 訂閱  [ QOOZA - 論壇 - 登入 ]
人氣：34651 
一切從蝴蝶酥開始
不知不覺愛上你……
我 的 資 料

暱稱： 低能仔♡低能妹
MORE...
«‹ July 2026 ›»
SMTWTFS
1234
567891011
12131415161718
19202122232425
262728293031
最 新 日 誌
•一切從蝴蝶酥開始
•半年後
•分開。。。
•放假喇
•安全感
日 誌 分 類
•全部 (1919)
•我的生日之旅@台北2018 (2)
•我們的一週年甜蜜之旅2014♡台北 (5)
•我們的三週年甜蜜之旅2016♡Osaka (6)
•我們的五週年甜蜜之旅2018♡OsAkA (4)
•我們的五週年甜蜜之旅2018♡台北 (4)
•我們的生活點滴 (1883)
•我們的四週年甜蜜之旅2017♡東京 (7)
•我們的兩週年甜蜜之旅2015♡台北 (5)
•我們的甜蜜之旅2018"♡澳門 (2)
•未分類 (1)
訪 客 留 言
最近三個月尚無任何留言
最 近 訪 客
最近沒有訪客
每 月 文 章
日 誌 訂 閱
尚未訂閱任何日誌
我 的 好 友
我 的 連 結
•差半步
日 誌 統 計
文章總數： 1919
留言總數： 87
今日人氣： 11
累積人氣： 34651
RSS Feed
2016 年 8 月 22 日  星期一   晴天
家有囍事
今日要返寫字樓，都係一早起身！醒咗之後我個女依然俾我攬住咗，突然響到諗，唔知佢老豆醒咗�H時候，又會唔會第一個諗起我？定還是第一樣諗起�H，係即時睇啲二手嘢呢？如果係�H話，我諗我個心會好痛。。。

今日返工依然係忙，但塊面已經冇咁痛！而啲人今日就放假，不過佢好忙，好早就出咗去，因為忙住交收∼原本講好今晚嚟接我，但最後都因為交收而嚟唔到。。。

收工之後我搭地鐵落旺角揾佢，有人帶我食日本嘢。。。食完嘢行咗陣就搭車返去，但響車我哋都係冇乜嘢講！或者我真係已經變咗家有囍事裡面嗰個吳君如喇！已經令唔到佢覺得心動喇。。。 


分類: 我們的生活點滴
 [ 訪客留言(0) ] [ 編輯日誌 ]

2016 年 8 月 21 日  星期日   晴天
小丸子
尋晚攬住小丸子瞓，今日瞓到成十一點先醒，有人已經一早 whatsapp 我，一醒咗見到佢�H msg ，仲要望住小丸子 & bello 真係幸福！

醒咗同爸爸出咗去飲茶，塊面已經冇之前咁痛，食完嘢行咗陣就返咗屋企食藥瞓覺，醒咗就預備啲嘢今晚煮飯俾佢食，不過咁啱啲人叫我幫佢買濕紙巾，但其實食咗啲藥好攰，同個人有啲暈暈哋，本來諗住唔去買，但諗諗吓都係落咗海怡幫佢買！

今晚佢收工就返咗嚟，我哋都係見咗一個鐘都冇∼因為我見佢電話係咁響，唯有比佢返去舒舒服服咁整佢�H嘢，而我就返屋企揾小丸子陪我，但其實我想係佢陪住我。。。 


分類: 我們的生活點滴
 [ 訪客留言(0) ] [ 編輯日誌 ]

2016 年 8 月 20 日  星期六   晴天
我們我39個月
我們的三十九個月

今日係我哋拍拖三十九個月，以往我哋都會一齊放假，但今個月有人一早同我申請要返工，我見佢要返工，我就取消一人假期，一齊返工喇！

今朝起身塊面都仲係痛，依然好似有玻璃碎吉住塊面咁，結果我痛到連妝都冇化，素顏咁返工！今日響公司唔算忙，但因為塊面搞到個人成日憫憫陣陣。。。阿容同我講識我咁耐都冇見過我素顏同發皮氣，平時無論遇到乜嘢事，又或者病得幾辛苦都好，我都會笑住咁面對，但今日我真係做唔到。。。所以佢估我今次一定係好辛苦！

今日下晝有人突然 send 咗張相俾我，係小丸子�H下半身。。。個傻佬呃我話響人哋鋪影俾我睇，但其實我響張相到已經見到佢係將小丸子放響佢雙腳到影，嘻嘻。。。我見佢專登為我製造驚喜，我當然要順佢心意唔踢爆佢，繼續響到扮傻∼但我個心不知幾冧呀！

今晚收工後，個人已經攰到散晒！一上車就瞓著咗∼原本諗住今晚煮飯，但最後都趕唔切，要買外賣等佢返！個傻佬收工就返咗嚟，我哋響樓梯口渡過我哋�H39個月！今晚有人史無前例咁同我講：“我特登買小丸子氹你開心架”。。。佢好小會咁強調自己氹緊我，同埋會咁有心思製造驚喜！低能仔，呢一切一切我又點會唔知？！但下次唔好嘥錢買咁貴�H公仔俾我喇！我自己都唔捨得買，更加唔捨得你嘥錢買架。。。

P's. 好開心我哋個仔終於多個細妹喇！以後阿bob有小丸子陪，可以唔使咁悶喇。。。而小妹夜晚又有小丸子攬住瞓，多謝大大<3（但其實我成間房都係公仔，哈哈）

 


分類: 我們的生活點滴
 [ 訪客留言(0) ] [ 編輯日誌 ]

2016 年 8 月 19 日  星期五   晴天
玻璃碎
今日要開工。。。朝早有人返工前打電話俾我，但我太攰�H關係，啲人同我講咗兩句就收線，其實我都已經好滿足，當佢同我講話收線俾我抖吓時，其實我冇乜嘢，但可能佢誤會我唔鍾意，所以佢又好似有啲憫憫哋。。。最近我係咪搞到你有啲煩厭呀？

今日一返到公司已經有嘢做，一直都好忙∼而其間又發生咗啲意外，我做做吓嘢摸到塊面好似好多玻璃碎痴住咗，吉到塊面好痛，搞咗好耐都係咁，種感覺好難受，阿容好擔心我有事，叫我嗱嗱臨做埋啲嘢就好去睇醫生，但其實佢雙手同我都係一樣！

我下晝 whatsapp bb 同佢講我今日點解要收早，同埋發生乜嘢事之後，佢就打俾我，嗰一刻塊面已經好痛，一聽到佢把聲我就好想喊∼收工後返咗屋企落妝先去林德华，落妝嗰一刻簡直係折磨，因為痛到眼淚水係咁流出嚟！我諗呢種痛我呢世都唔會忘記∼

睇完醫生打咗支消炎針就返咗屋企，啲人收工就返嚟睇我。。。一見到佢我就忍唔住係咁嗲佢，個傻佬同我講叫我以後都唔好返工等佢養我，聽到嗰一刻我真係好感動，從來都未試過感動到咁架！我諗呢種感動，應該會同佢將來同我求婚時會一樣�H啫∼陪啲人食完飯，佢就帶我去百佳濕平，我揀咗包餅就收手，因為我已經覺得好滿足。。。



 


分類: 我們的生活點滴
 [ 訪客留言(0) ] [ 編輯日誌 ]

2016 年 8 月 18 日  星期四   晴天
隨時隨地
今日係假期最後一日，朝早約咗些娜 gel 甲，跟住我 bb 就出嚟接我喇！真係好，連續兩日假期都同啲人一齊，好爽呀！

有人出到嚟就帶我去食嘢，仲要帶我去食我最愛�H車仔麵∼食完嘢啲人仲帶我去冒險樂園玩擲彩虹，換咗一百蚊代幣俾我玩，有佢同我一齊玩，我笑得特別開心，兼且放鬆咗好多。。。

玩完我哋就去搭小巴落旺角喇！臨上車前，我哋去咗 OK 買嘢飲同朱朱力，最近因為工作上�H壓力好大，我食多咗好多嘢。。。就連平時唔太食朱朱力�H我，我都食埋落肚，因為啲人話朱朱力可以令人心情好啲！不過啲人話我車都未開，已經食晒啲朱朱力。。。睇嚟我要開始戒唔食咁多零食，我怕我會越食越肥∼到時啲人就有藉口揾第二個，哈哈。。。響車�H時候我攬住佢瞓著咗，仲要瞓到發夢添呀！攬住佢瞓係特別舒服∼但佢應該比我瞓到好唔舒服。。。

今日我哋四圍行吓。。。行佢鍾意睇�H嘢，揾我想揾�H小丸子！其實響信和已經見到架喇∼而個傻佬話買比我，不過要用成三百蚊去買一隻公仔，我真係唔捨得要佢嘥錢，始終都唔值得！我情願同佢一齊食咗去就算∼

呢兩日我真係過得好開心，雖然佢好多時都係顧住佢啲二手嘢，但我發現當我比佢隨時拎電話睇啲二手嘢後，佢去洗手間�H時間係短咗，或者已經唔使喱響洗手間上網！ 


分類: 我們的生活點滴
 [ 訪客留言(0) ] [ 編輯日誌 ]


« | 158 | 159 | 160 | 161 | 162 | 163 | 164 | 165 | 166 | 167 | ... | 384 | »