一切從蝴蝶酥開始 - QOOZA 網上日誌

jessica1207yi : 個人主頁 - 相簿 - 訂閱 [ QOOZA - 論壇 - 登入 ]

人氣：34237

一切從蝴蝶酥開始

不知不覺愛上你……

我的資料

暱稱：低能仔♡低能妹

MORE...

最新日誌

•	一切從蝴蝶酥開始
•	半年後
•	分開。。。
•	放假喇
•	安全感

日誌分類

•	全部 (1919)
•	我的生日之旅@台北2018 (2)
•	我們的一週年甜蜜之旅2014♡台北 (5)
•	我們的三週年甜蜜之旅2016♡Osaka (6)
•	我們的五週年甜蜜之旅2018♡OsAkA (4)
•	我們的五週年甜蜜之旅2018♡台北 (4)
•	我們的生活點滴 (1883)
•	我們的四週年甜蜜之旅2017♡東京 (7)
•	我們的兩週年甜蜜之旅2015♡台北 (5)
•	我們的甜蜜之旅2018"♡澳門 (2)
•	未分類 (1)

訪客留言

最近三個月尚無任何留言

最近訪客

最近沒有訪客

每月文章

•	2020 年 02 月 (1)
•	2019 年 06 月 (5)
•	2019 年 05 月 (1)
•	2019 年 03 月 (4)
•	2019 年 02 月 (6)
•	2019 年 01 月 (5)

MORE...

日誌訂閱

尚未訂閱任何日誌

[ 訂閱此日誌 ]

我的好友

我的連結

•

差半步

日誌統計

文章總數： 1919

留言總數： 87

今日人氣： 30

累積人氣： 34237

2016 年 10 月 11 日星期二


	魚蛋～

放咗兩日假，今日終於都要返工喇！仲要係返觀塘，好早就要起身～好唔想返去。。。好想瞓覺呀！

今日啲人應該好忙，因為佢冇打過電話俾我，但就有 whatsapp 我，好掛住佢呀！好唔容易先等到收工，啲人嚟咗接我，仲買咗魚蛋俾我食添！

收工後我哋響 apm 食飯，不過我冇胃口，今日屙咗成日，晏晝嘅時候，我已經冇食，夜晚依然都係唔想食，但啲人唔俾我唔食嘢，就叫咗個甜品俾我，要我乖乖哋食咗去，最後都係食唔晒！

食完嘢原本諗住返去，因為我下晝應承咗啲人食完飯就走，但個傻佬話陪我去埋一田先，其實我知佢好攰，所以我嗱嗱臨去睇吓有冇嗰支柔順劑賣，買完就即刻返去～

響車同地鐵嘅時候，我爭取時間幫佢按摩，啲人未病好，成身仲好痛！但我冇用，因為我之前兩日整到隻右手，一用力嘅時候好痛，連手指啲關節位都扯住痛，所以要不停換手整，但又唔就手整痛咗佢，最後俾佢發現咗，不過我只係話撞到，因為我唔想你嘥精神幫我按摩～

買俾你嘅襪唔知啱唔啱你心意，希望你會鍾意啦！

分類: 我們的生活點滴

[ 訪客留言(0) ] [ 編輯日誌 ]

2016 年 10 月 10 日星期一


	我們的雙十節

我們的雙十節

今年係我哋第四個雙十節，啲人依然要返工，而我依然放假～今朝同爸爸佢哋食完嘢，就買埋餸返去開始整葡撻。。。因為啲人最愛食葡撻！

今日個傻佬仲病緊，佢響公司打電話俾我，仲係好嗲～佢見我放咗葡撻張相上網，佢嘅留言令我好冧，或者因為佢冇乜試過咁，所以我真係開心到傻！

今晚佢好準時就返咗嚟，佢仲發緊燒。。。兼且胃口唔係好好～煮俾佢啲飯都食唔晒，幸好佢乖乖哋飲晒啲湯，總算叫有番啲營養！食完飯我就幫佢按摩咗一陣，就沖埋感冒熱飲俾佢，今晚啲人好乖飲晒去。。。我搞掂埋啲嘢就氹佢瞓咗一陣，我就走咗喇！

低能仔，你要乖乖哋飲多杯感冒熱飲，咁先會快啲好架，知嘛？！

分類: 我們的生活點滴

[ 訪客留言(0) ] [ 編輯日誌 ]

2016 年 10 月 9 日星期日


	不知所措

今朝9點幾就起咗身，同爸爸、家姐食完嘢，就開始今日嘅節目～今日浠豬一家都過嚟我屋企食飯，原本係為咗整頭，但順便同家姐預祝埋生日！不過今日真係攰過返工～嗌到喉嚨都痛埋。。。

買完嘢返到屋企，見到浠豬好鍾意阿豬，最後就決定唔整頭，因為阿豬好怕人好熱情，我怕阿豬最終會咬浠豬，唯有就睇住佢～今日其實都過得好開心，但就小咗啲嘢。。。假如低能仔都響身邊就會更好！

今晚我哋只係叫 pizza 同壽司，我冇煮飯。。。所以專登叫咗盒飯俾低能仔返嚟食～今日有個傻佬好嗲，好耐都冇試過，點知今晚見到佢先知原來佢發緊燒，仲要好罄囉！！！返到屋企即刻幫佢貼咗退熱貼，等佢食完飯再按摩咗一陣，就氹佢俾我落去買藥～其實每一次佢病，我都會好無奈，因為佢唔肯食藥，我就更擔心佢！最後佢只係俾我買感冒熱飲。。。氹佢食完藥，洗完杯，同執好晒啲垃圾，我就氹佢瞓一陣我先走！

低能仔，你要乖乖哋飲埋嗰幾包感冒熱飲，我唔想你病呀！每次你有啲咩事都會令我不知所措架～

分類: 我們的生活點滴

[ 訪客留言(0) ] [ 編輯日誌 ]

2016 年 10 月 8 日星期六


	Busy

今朝又係返寫字樓，又要7點起身～好攰呀！！！

今日返到公司要搞掂屎人留比我啲蘇洲屎。。。點知俾運輸公司啲人鬧，無諗過一早返工會咁～原來比錢人賺都咁麻煩！

今日成日都好忙，食咗兩次藥就冇再食過，因為尋晚食完藥見低能仔時個人好吽，我唔想今晚都係咁，所以我專登唔食啲藥住，等返到屋企先食！

今晚我哋只係去咗食飯，然後買完嘢就返屋企～但大家都係冇乜講過嘢，始終我哋呢兩日都勁忙，個人都好攰！低能仔，我想俾你攬實我瞓。。。

分類: 我們的生活點滴

[ 訪客留言(0) ] [ 編輯日誌 ]

2016 年 10 月 7 日星期五


	散晒

尋晚不知不覺瞓著咗～今朝要一早起身返寫字樓，食咗藥個人好攰響車瞓著咗，幸好今次冇落錯車同上錯車！

今日勁忙，船貨同飛機貨同一時間一齊返，搞到忙上加忙，搞掂啲飛機貨就要嗱嗱臨整船貨，整到成8點先搞掂，個人散晒。。。

收工之後就即刻趕落銅鑼灣接啲人收工，有人今日拎咗一部我哋嘅情侶電話，好靚呀！多謝bb，我好鍾意呀！

啲人知我又攰又冇乜胃口，就帶咗我去食腸粉～不過今晚又冇晒我最愛嘅腸粉。。。。所以啲人同我食完嘢就帶我去食我另一最愛“魚蛋”，食完嘢我哋行咗一陣，就返屋企喇！

低能仔，對唔住呀！我食咗藥又吽又攰，所以冇乜點講嘢～

分類: 我們的生活點滴

[ 訪客留言(0) ] [ 編輯日誌 ]

« | 148 | 149 | 150 | 151 | 152 | 153 | 154 | 155 | 156 | 157 | ... | 384 | »