今日係中秋節，係我同低能仔過�H第四個中秋∼今日我哋都各有各忙，但佢都有打電話俾我，而夜晚都過咗一個好浪漫�H中秋！
今晚收工後，我就返香港仔同阿麻佢哋做節，點知個個一見到我，就問我低能仔響邊？好開心佢哋都鍾意低能仔架∼或者因為咁。。。個個都係問我同一個問題“究竟幾時……”？
有人食完飯就響西環趕過嚟接我，仲帶咗燈籠同蠟燭添∼今晚係我哋過�H最特別�H中秋，我哋去咗睇火龍，然後有人帶我去食甜品。。。中秋當然係食湯丸啦！有人仲叫咗焦糖燉蛋同心太軟俾我食添∼咁多甜品開心些牙，梗係特別甜啦……
食完嘢我哋就返咗海怡，我哋終於可以一齊玩燈籠喇！嗰種感覺好浪漫∼佢怕個燈籠會燒著整到我，所以佢一直都拎住個燈籠，見到佢呢個動作，我真係覺得好 sweet 架！我知佢其實都攰，我哋行咗一陣就返屋企喇。。。不過我真係好滿足∼
低能仔，多謝你為咗我真係將甜品相放咗上網！我知道放上去會令你唔鍾意，但其實呢小小�H嘢，已經令我覺得好幸福同浪漫∼最多我應承你以後唔成日都咁吖！
分類: 我們的生活點滴 |
