一切從蝴蝶酥開始 - QOOZA 網上日誌

jessica1207yi : 個人主頁 - 相簿 - 訂閱 [ QOOZA - 論壇 - 登入 ]

人氣：34225

一切從蝴蝶酥開始

不知不覺愛上你……

我的資料

暱稱：低能仔♡低能妹

MORE...

最新日誌

•	一切從蝴蝶酥開始
•	半年後
•	分開。。。
•	放假喇
•	安全感

日誌分類

•	全部 (1919)
•	我的生日之旅@台北2018 (2)
•	我們的一週年甜蜜之旅2014♡台北 (5)
•	我們的三週年甜蜜之旅2016♡Osaka (6)
•	我們的五週年甜蜜之旅2018♡OsAkA (4)
•	我們的五週年甜蜜之旅2018♡台北 (4)
•	我們的生活點滴 (1883)
•	我們的四週年甜蜜之旅2017♡東京 (7)
•	我們的兩週年甜蜜之旅2015♡台北 (5)
•	我們的甜蜜之旅2018"♡澳門 (2)
•	未分類 (1)

訪客留言

最近三個月尚無任何留言

最近訪客

最近沒有訪客

每月文章

•	2020 年 02 月 (1)
•	2019 年 06 月 (5)
•	2019 年 05 月 (1)
•	2019 年 03 月 (4)
•	2019 年 02 月 (6)
•	2019 年 01 月 (5)

MORE...

日誌訂閱

尚未訂閱任何日誌

[ 訂閱此日誌 ]

我的好友

我的連結

•

差半步

日誌統計

文章總數： 1919

留言總數： 87

今日人氣： 18

累積人氣： 34225

2016 年 10 月 1 日星期六


	我們的第四個國慶

今日係國慶，都係一個人嘅假期！朝早俾爸爸叫醒我出去食嘢，響巴士站見到啲人，嗰一刻我好開心～不過叫唔到佢。。。只係望住佢消失響我眼前！

食完嘢就去買餸預備佢今晚嘅晚餐，之後就返咗屋企一直喱響房，因為爸爸賭馬，家姐又去咗街，而我就過我一個人嘅假期～一個人嘅時候，真係好掛住佢！

今晚佢收工要去交收，臨收工前佢打咗個電話俾我，叫我預番時間煮飯。。。今晚我將個玉子燒改良咗，除咗加咗啲人最愛獅子狗卷響裡面外，仲加咗啲牛奶等啲蛋會滑啲，其實我自己冇試食過，唔知佢會唔會鍾意～

佢十點左右就返到，我就過去拎飯俾佢食，然後就幫佢按摩咗一陣！唔知點解我今晚覺得有啲唔開心，可能係因為有啲覺得寂寞～今晚我又做錯嘢，我執嘢嘅時候，我唔小心掉咗佢啲嘢，我 whatsapp 佢講對唔住，佢又冇覆我，我真係冇心架！對唔住呀～我咁冇用！

低能仔，其實我好怕等。。。

分類: 我們的生活點滴

[ 訪客留言(0) ] [ 編輯日誌 ]

2016 年 9 月 30 日星期五


	浪漫過後。。。

經過 sweet sweet Thursday 之後，今日又要返工喇。。。都係要好早起身，不過啲人比我更早起身！

今日返工雖然忙，但都好開心～因為我哋五個人玩到癲，其實如果每次返貨都係我哋五個人 part 住，我諗我哋會好快咁搞掂啲嘢，兼且準時收工，哈哈～

其實經過尋日之後，我今日成日都好掛住啲人，好期待可以見到佢～收工之後，我嗱嗱臨趕落銅鑼灣，響觀塘我經過麵包店，我買定麵包俾啲人做早餐，因為我好怕隻懶瞓豬聽朝又唔願起身，搞到冇時間食早餐，要捱住肚餓咁返工～其實可以為佢預備定早餐，都係一件好幸福嘅事！我最希望係佢都會鍾意咁嘅我。。。

過到去見到啲人個樣已經好攰。。。我哋食完嘢行咗一陣就返去喇！今晚我冇乜點講嘢，唔係因為病、唔係因為發皮氣，亦唔係因為攰，而係因為我想你抖吓，唔想煩住你！

有人今晚真係錄咗首“天意”放咗上 Facebook ，我真係好鍾意呢首歌。。。不過最想嘅唔係“有人叫我錄”，而係“有人聽到呢首歌會諗起我，就正如我諗起啲人一樣”！

這天直至那一天

也想你攜手衝過終點

分類: 我們的生活點滴

[ 訪客留言(0) ] [ 編輯日誌 ]

2016 年 9 月 29 日星期四


	只要和你在一起

尋晚家姐終於都返喇！我等佢返嚟搞到成四、五點先有得瞓，幸好今日放假，我可以瞓晏啲！一瞓就瞓到兩點幾先起身～

今日有人約咗我四點幾就響旺角等，因為今日唔使食藥，我心情特別好～見到啲人嘅時候就梗係攬實佢啦！有人帶咗我返佢鋪頭睇新出嗰部電話，面對佢咁多完全未見過嘅同事，我覺得怕醜，因為我塊面未好返，怕佢啲同事覺得我襯佢唔起！有人終於都決定換新手提電話，仲要係一人一部情侶機添！個傻佬真係好錫我，錫我唔係因為買部咁貴嘅電話俾我，而係我嗲佢要佢同我一齊用藍色電話，佢明明鍾意黑色都應承我！多謝你呀。。。

睇完電話我哋去咗行街，響旺中試咗上次響 Facebook 見到嗰間超大異形，好好味呀！同佢交收完又去深水埗食串燒同上海嘢。。。今日我覺得食親啲乜都好幸福，因為有佢響我身邊！突然覺得今晚嘅自己，真係好似一個小女人，有佢響身邊會好幸福，同佢一齊食到好食嘅嘢會好幸福，響車一齊玩新買嗰支咪會好幸福，甚至佢笑我恨嫁比佢恨到出晒面，我依然覺得好幸福～我的確好想嫁俾你。。。不過我首“天意”呢？

分類: 我們的生活點滴

[ 訪客留言(0) ] [ 編輯日誌 ]

2016 年 9 月 28 日星期三


	最後一日

終於都嚟到最後一日，今晚家姐就返嚟喇！獨霸間房嘅日子又要告別，夜晚冇得開大個冷氣，又唔可以睇劇嘅時候開大聲小小，最重要係唔可以一覺瞓到大天光～我諗下一次再可以咁，要一年後先有喇！

今日返銅鑼灣，可以瞓得晏小小，起身後依然力不從心，個人仲係好攰同晏。。。但我都要撐住返工！平時響公司我多數都唔坐，但今日我真係頂唔順坐咗響到～好難先捱到收工！

今晚冇人接我收工，我真係好掛住佢。。。收工就即刻趕返去，因為啲人響屋企等我！有人帶咗兩隻公仔落嚟接我，傻佬，你買俾我嗰兩隻公仔，我真係好鍾意，但其實我有你已經好滿足，有你陪住我，有你拖實我，有你攬實我，有你愛我，最重要有你事事將我放響第一位就已經好夠！

今晚我哋見得好小時間，我好想對住你耐啲，雖然同你拍咗拖咁多年，但每次要同你講 bye bye 我都一樣都好唔捨得，好想留你響我身邊耐一啲～只有對住你，我先會覺得開心，我真係好愛好愛你！

分類: 我們的生活點滴

[ 訪客留言(0) ] [ 編輯日誌 ]

2016 年 9 月 27 日星期二


	嗲

今日休息日。。。尋晚攰到好早瞓著咗，成個人都冇乜力，連拎起電話嘅力氣都冇！

今朝瞓到十一點幾醒咗，見到佢尋晚留俾我嘅 msg ，覆完佢就食多次藥又瞓番！今日成日都只係不停瞓瞓瞓。。。但依然都係好攰～

有人今晚8點幾就返咗嚟，我就陪佢落去食飯，不過我就冇乜胃口，只係睇住佢食。。。低能仔，你知唔知每次唔舒服，我都好想你響我身邊，俾我嗲吓你～我好想你氹我呀！！

分類: 我們的生活點滴

[ 訪客留言(0) ] [ 編輯日誌 ]

« | 150 | 151 | 152 | 153 | 154 | 155 | 156 | 157 | 158 | 159 | ... | 384 | »