一切從蝴蝶酥開始 - QOOZA 網上日誌

jessica1207yi : 個人主頁 - 相簿 - 訂閱 [ QOOZA - 論壇 - 登入 ]

人氣：34224

一切從蝴蝶酥開始

不知不覺愛上你……

我的資料

暱稱：低能仔♡低能妹

MORE...

最新日誌

•	一切從蝴蝶酥開始
•	半年後
•	分開。。。
•	放假喇
•	安全感

日誌分類

•	全部 (1919)
•	我的生日之旅@台北2018 (2)
•	我們的一週年甜蜜之旅2014♡台北 (5)
•	我們的三週年甜蜜之旅2016♡Osaka (6)
•	我們的五週年甜蜜之旅2018♡OsAkA (4)
•	我們的五週年甜蜜之旅2018♡台北 (4)
•	我們的生活點滴 (1883)
•	我們的四週年甜蜜之旅2017♡東京 (7)
•	我們的兩週年甜蜜之旅2015♡台北 (5)
•	我們的甜蜜之旅2018"♡澳門 (2)
•	未分類 (1)

訪客留言

最近三個月尚無任何留言

最近訪客

最近沒有訪客

每月文章

•	2020 年 02 月 (1)
•	2019 年 06 月 (5)
•	2019 年 05 月 (1)
•	2019 年 03 月 (4)
•	2019 年 02 月 (6)
•	2019 年 01 月 (5)

MORE...

日誌訂閱

尚未訂閱任何日誌

[ 訂閱此日誌 ]

我的好友

我的連結

•

差半步

日誌統計

文章總數： 1919

留言總數： 87

今日人氣： 17

累積人氣： 34224

2016 年 10 月 16 日星期日


	依然

尋晚換轉有人不知不覺瞓著咗～我都睇睇吓巨輪2，好早就瞓著咗！

今朝醒咗有人就打俾我，之後同爸爸佢哋飲完茶就買餸返屋企，今日啲鼻水依然係咁倒流，喉嚨仲係好痛，係咁出汗同埋見到雪花！食完藥又不知不覺咁瞓著咗～

有人知我鍾意大大與小妹，就去商務揾俾我，不過已經賣晒～不過唔緊要，因為佢記得我鍾意啲乜，我已經好冧喇！今晚佢收工就返咗嚟，我煮定飯等佢返嚟。。。但我哋都係冇乜嘢講，所以我好快就走咗！

分類: 我們的生活點滴

[ 訪客留言(0) ] [ 編輯日誌 ]

2016 年 10 月 15 日星期六


	雪花

今朝七點就起身，一起身就見到好多雪花，個人好暈同好熱～最後我決定請假，食完藥返上床再瞓過！

今日成日都響床到冇郁過，食咗啲藥好暈，成日都陣係響到瞓，瞓到兩點幾見到低能仔 whatsapp 過我話打俾我，我就覆番佢～個傻佬真係打電話俾我，我梗係嗲佢啦！佢氹我要我食藥瞓多陣，今晚等佢番嚟！

今晚啲人收工就返咗嚟睇我，我睇嘢仲有好多雪花，但我撐住落街，因為我好掛住佢，不過我冇胃口食嘢，只係陪佢食～食完嘢啲人帶我去百佳買我好鍾意食嘅威化餅俾我，然後就各自返屋企喇！其實我唔捨得佢，我好想嗲佢～但我知啲人已經好攰。。。我想攬實嗲你！

分類: 我們的生活點滴

[ 訪客留言(0) ] [ 編輯日誌 ]

2016 年 10 月 14 日星期五


	冷清

今日返寫字樓。。。起身嘅時候好唔舒服，但我依然撐住返工～十點幾嘅時候，有人打俾我，我好開心呀！因為我好掛住佢……朝早聽到佢把聲，係我最期待嘅一件事～

今日返到公司啲同事見我換咗新電話，話低能仔對我好好～其實我都好開心架！因為今次真係可以同佢用一模一樣，而且亦係同一時間買嘅情侶電話嘛～不過如果可以揀嘅話，我寧願唔要物質，我陣係想佢依然咁愛我，我哋唔會冇話題就已經足夠！

放工之後我頂唔順去咗睇醫生，發燒燒到102.3度，鼻水倒流到喉嚨好痛！睇完醫生我就去接低能仔收工～今晚我哋只係食完飯就返去，我哋成晚都冇乜講過嘢，種感覺好冷清清。。。

分類: 我們的生活點滴

[ 訪客留言(0) ] [ 編輯日誌 ]

2016 年 10 月 13 日星期四


	辛苦你

終於都到星期四喇！每逢星期四都可以同低能仔一齊最耐，所以每個星期我最期待就係今日～

今日有人約我響旺角等，雖然佢遲咗成個鐘出嚟，但我一見到佢就忍唔住嗲佢。。。因為尋日冇見過佢，我真係好掛住佢！有人帶我去咗間好靚嘅餐廳食嘢，嗰到啲嘢好好味，但有啲貴，我唔捨得你嘥咁多錢，下次都係唔好再去喇！食完嘢我哋就去食我最愛嘅魚蛋，然後就四圍行吓。。。其實咁樣我已經好開心！雖然有時要等佢等好耐個人真係會憫，但其實只要同佢一齊我就會滿足～

今晚我哋食完嘢就返咗屋企，因為有人要幫我過啲嘢落新電話，但響屋企我哋冇嘢講，可能佢又攰，而我又開始周身好熱，個人又燒番！不過我依然有照顧佢，幫佢按摩，幫佢沖感冒熱飲，我陣係想佢身体健康。。。低能仔，今晚辛苦你！

今晚我話我想你戒粗口係真架！其實每次聽到你同我講嗰四個字，我個心都會好唔舒服，因為嗰句說話真係好難聽，兼且應該會冇人鍾意自己身邊嗰個會同自己講呢四個仔！

分類: 我們的生活點滴

[ 訪客留言(0) ] [ 編輯日誌 ]

2016 年 10 月 12 日星期三


	一個人收工

尋晚不知不覺瞓咗覺，等唔到我 bb chu 嘅日記，已經好多晚都冇睇過，我真係好想睇，因為每次睇佢嘅日記，我就會知佢個心諗乜，拍咗拖咁耐，我每晚依然好想知諗乜冇變過，你呢？你又係咪都仲係一樣？

尋晚等唔到篇日記，不過就有另一個 surprise ，就係有個傻佬響 IG 錄咗首“當狗愛上貓” pose 咗上去比我，雖然只得一分鐘，但我已經好冧～低能仔，我好想呢首歌同“一個人的永恆”你都會錄晒全首俾我呀！我真係好想聽～

今日返銅鑼灣，返到去已經有嘢要做！一直忙到4點幾先食飯。。。但有人都有打俾我，仲打咗兩個電話俾我添～不過今晚就得我自己收工，因為佢要成十二點先放工，原本佢話收工而我又未瞓嘅話，就返嚟睇我，不過佢聽日要返好早，我叫佢收工就要返去，反正聽日有人下晝都陪住我啦～但我依然 miss you so much ！

分類: 我們的生活點滴

[ 訪客留言(0) ] [ 編輯日誌 ]

« | 147 | 148 | 149 | 150 | 151 | 152 | 153 | 154 | 155 | 156 | ... | 384 | »