一切從蝴蝶酥開始 - QOOZA 網上日誌

jessica1207yi : 個人主頁 - 相簿 - 訂閱 [ QOOZA - 論壇 - 登入 ]

人氣：34341

一切從蝴蝶酥開始

不知不覺愛上你……

我的資料

暱稱：低能仔♡低能妹

MORE...

最新日誌

•	一切從蝴蝶酥開始
•	半年後
•	分開。。。
•	放假喇
•	安全感

日誌分類

•	全部 (1919)
•	我的生日之旅@台北2018 (2)
•	我們的一週年甜蜜之旅2014♡台北 (5)
•	我們的三週年甜蜜之旅2016♡Osaka (6)
•	我們的五週年甜蜜之旅2018♡OsAkA (4)
•	我們的五週年甜蜜之旅2018♡台北 (4)
•	我們的生活點滴 (1883)
•	我們的四週年甜蜜之旅2017♡東京 (7)
•	我們的兩週年甜蜜之旅2015♡台北 (5)
•	我們的甜蜜之旅2018"♡澳門 (2)
•	未分類 (1)

訪客留言

最近三個月尚無任何留言

最近訪客

最近沒有訪客

每月文章

•	2020 年 02 月 (1)
•	2019 年 06 月 (5)
•	2019 年 05 月 (1)
•	2019 年 03 月 (4)
•	2019 年 02 月 (6)
•	2019 年 01 月 (5)

MORE...

日誌訂閱

尚未訂閱任何日誌

[ 訂閱此日誌 ]

我的好友

我的連結

•

差半步

日誌統計

文章總數： 1919

留言總數： 87

今日人氣： 68

累積人氣： 34341

2016 年 7 月 23 日星期六


	攰

今日改咗返寫字樓，要好早起身，個人好攰好眼瞓。。。因為尋晚等低能仔等到成兩點，我攰到 whatsapp 完佢 goodnight 之後，等唔到佢覆我，我就瞓著咗喇！

今日返工好忙，但我一直都唔夠膽放低部電話，我怕啲人打電話嚟我聽唔到。。。。不過最終都等唔到，有啲失望！

今晚收工之後，我冇等佢收工，我搞掂晒啲嘢之後，就返咗屋企等佢。。。今晚開始就冇咗二人世界，所以我哋約咗響海怡等！我哋響 kfc 食咗啲嘢就返去，食嘢嘅時候，有人同我講今日下晝打過俾我，起初我以為自己電話有問題，最後發現原來係冇打過嚟，嗰一刻我更失望，我寧願佢話冇打俾我，總好過連有冇打俾我都唔知～

分類: 我們的生活點滴

[ 訪客留言(0) ] [ 編輯日誌 ]

2016 年 7 月 22 日星期五


	魚形餅

今日返寫字樓，但一起身都覺得好似玩緊氹氹團咁，我就決定返遲兩個鐘，食多兩粒藥瞓多陣先返工！

今日好忙好忙。。。忙到低能仔打俾我，我都只係講得兩句就要收線！其實我唔捨得。。。我好想同佢講多兩句架！眨吓眼就收工，不過遲咗收，結果就嗱嗱臨趕去銅鑼灣揾佢～一見到佢就忍唔住嗲佢，因為我真係好攰！

食完飯有人帶我去 sogo 行咗陣，兼且佢要食甜品“魚形餅”……見佢咁好請我食飯，我緊係請番佢食“魚形餅”啦！只要佢鍾意，我就乜都冇所謂架喇。。。之後我哋就去咗 Jason ，我想佢買定麵包響袋，咁聽朝就算佢唔知醒，都唔使驚佢又捱肚餓，其實佢每次捱肚餓我都會好心痛，我唔想見到佢咁！

有人同我講聽晚佢舊同事約食飯，佢唔知去唔去好？當我叫佢去嘅時候，佢好似有啲愕然。。。傻佬，其實只要你好似呢兩日咁對我好，俾到足夠嘅安全感我，我真係冇乜所謂架！假如你真係想去你就去啦！

分類: 我們的生活點滴

[ 訪客留言(0) ] [ 編輯日誌 ]

2016 年 7 月 21 日星期四


	很久之前

今日係二人世界結束前最後一個一齊嘅假期～今朝十點幾起身揾些娜整我嗰十隻討厭嘅指甲。。。原本有人話嚟接我，不過最終佢瞓死咗，而我就由佢繼續瞓，始終佢媽咪返到之後，佢冇乜幾可，可以瞓咁晏！點幾嘅時候，佢醒咗就揾我，但我已經買咗外賣返咗屋企，我等佢整埋啲嘢就一齊出街。。。

有人今日 send 咗好多舊相俾我睇，睇番以前啲相，我諗咗好多嘢，以前嘅我哋真係好開心，每逢我哋一齊影嘅相，都總係笑得好開心，攬得好實，甚至玩得好癲！但近呢一年所影嘅相，我哋已經再冇好似之前咁，相反變得越嚟越生疏～而佢都知道大家已經唔再好似以前咁，佢就放咗張我哋上次響台灣影嘅相上網，仲打咗一段嘢。。。我睇完之後，其實有啲眼濕濕同心痛，究竟將快要熄滅的火堆，是否真的能夠再次生起火來？

今日去街有人特別唔同，嗰種唔同令我以為佢發燒！佢成日都好就我，我想去邊都陪我去。。。有人明明要交收，但又怕我好似尋日咁嬲，結果唔夠膽俾我知，但最後俾我發現咗，如果我冇發現到，你到時要交收嘅時候，你又會點同我講呢？

夜晚有人諗咗好多嘢帶我去食，又韓燒、放題同打邊爐。。。佢話要同我食好啲，不過我唔肯食呢啲！坦白講其實佢好似今日咁，我已經覺得好滿足，食乜又有乜所謂？就算食大家樂鐵板餐同叉燒飯，都已經覺得好好味！

食完飯有人帶我揀禮物，我終於買咗我最愛嘅魷魚，個傻佬話唔當係禮物，但我收到呢份嘢已經好開心，因為我好鍾意。。。買完嘢搭車返去時，我覺得好凍，個身又痛又熱，今次佢攬到我好實，低能仔，我好耐冇咁嗲過你喇！

分類: 我們的生活點滴

[ 訪客留言(0) ] [ 編輯日誌 ]

2016 年 7 月 20 日星期三


	我們的三十八個月

我們的三十八個月

今日係我哋嘅三十八個月，我哋有點慶祝，只係好似平時咁平淡咁過。。。

晏晝我哋先出灣仔，再去中環，然後再返銅鑼灣！因為啲人要交收。。。而我就企埋一邊等～其實去到中環嘅時候，我個肚已經好唔舒服同出冷汗，企埋一邊等咗佢好耐結果開始憫憫哋！搞掂中環又落銅鑼灣等佢返鋪頭比嘢人，等咗一陣啲人終於都帶我去食嘢！

食完嘢行咗一陣，佢肚痛要去洗手間，當然我都係要繼續等，或者今日我個肚好唔舒服嘅關係，我承認我真係想發憫陣，因為好唔容易捱到佢去完洗手間，但佢 whatsapp 我要返鋪頭搞啲嘢，最終我響 sogo supermarket 行咗個幾鐘，嗰一刻真係好有衝動自己走先，因為我 prefer 我哋嘅三十八個月係屬於我一個人>.<

等佢搞掂晒啲嘢我哋就返咗去，因為啲人今晚要教班，而我就返咗屋企瞓咗陣同食飯！夜晚等佢教完班就一齊返咗屋企執屋～

低能仔，其實我今日真係好唔開心，我成日話要買禮物都唔係真，我陣係想享受你陪我揀禮物嘅時候你係專心陪我，只有咁我先會覺得有被重視嘅感覺。。。所以每次睇完，我都唔會買！

你知嘛。。。執屋其實我一啲都唔介意，只要係為咗你，就乜都值得！但有時執完都好想嗲吓，有人讚吓。。。面對你冇反應又唔講嘢，甚至執完之後同你講我返去，你只係應我“嗯”嘅時候，我覺得好難受，我唔想覺得自己好似執好晒嘢就冇晒價值咁，嗰種感覺好唔舒服！

分類: 我們的生活點滴

[ 訪客留言(0) ] [ 編輯日誌 ]

2016 年 7 月 19 日星期二


	8千萬

今日都係返寫字樓，又係要早起身！幸好返埋今日就可以同 bb 一齊放兩日假！

今日響公司都算忙，不過有人一早 whatsapp 定我，話我知佢今日幾點食 lunch 同幾點打俾我，呢個傻佬越嚟越 sweet 呀！

收工之後，我就趕去買咗張六合彩，然後就返銅鑼灣揾我 bb chu ，有人帶我去食完飯就同我行一陣。。。今晚又同我一齊發白日夢諗吓中咗8千萬會點？我哋又會搬去邊？有人仲應承中咗之後，就帶我去大阪放題。。。最後雖然冇中到，但可以諗吓都已經好滿足，因為我真係好想嫁俾佢！

唔知點解今晚我好似唔係好想講嘢咁。。。但有人為咗氹我，將一首講“前度”嘅歌改晒歌詞，搞到我都冧到笑～正一傻佬嚟架！

分類: 我們的生活點滴

[ 訪客留言(0) ] [ 編輯日誌 ]

« | 164 | 165 | 166 | 167 | 168 | 169 | 170 | 171 | 172 | 173 | ... | 384 | »