一切從蝴蝶酥開始 - QOOZA 網上日誌

jessica1207yi : 個人主頁 - 相簿 - 訂閱 [ QOOZA - 論壇 - 登入 ]

人氣：34314

一切從蝴蝶酥開始

不知不覺愛上你……

我的資料

暱稱：低能仔♡低能妹

MORE...

最新日誌

•	一切從蝴蝶酥開始
•	半年後
•	分開。。。
•	放假喇
•	安全感

日誌分類

•	全部 (1919)
•	我的生日之旅@台北2018 (2)
•	我們的一週年甜蜜之旅2014♡台北 (5)
•	我們的三週年甜蜜之旅2016♡Osaka (6)
•	我們的五週年甜蜜之旅2018♡OsAkA (4)
•	我們的五週年甜蜜之旅2018♡台北 (4)
•	我們的生活點滴 (1883)
•	我們的四週年甜蜜之旅2017♡東京 (7)
•	我們的兩週年甜蜜之旅2015♡台北 (5)
•	我們的甜蜜之旅2018"♡澳門 (2)
•	未分類 (1)

訪客留言

最近三個月尚無任何留言

最近訪客

最近沒有訪客

每月文章

•	2020 年 02 月 (1)
•	2019 年 06 月 (5)
•	2019 年 05 月 (1)
•	2019 年 03 月 (4)
•	2019 年 02 月 (6)
•	2019 年 01 月 (5)

MORE...

日誌訂閱

尚未訂閱任何日誌

[ 訂閱此日誌 ]

我的好友

我的連結

•

差半步

日誌統計

文章總數： 1919

留言總數： 87

今日人氣： 41

累積人氣： 34314

2016 年 6 月 23 日星期四


	好想好想。。。

今日係星期四。。。又係放假嘅一日！醫院啲藥就快食晒，今日諗住去拎藥，點知 full 晒～呢排身體越嚟越差，食極藥都冇乜好過，又或者好得好慢，已經試過好多方法，但都冇乜用！我同爸爸開始驚會唔會係啲藥開始冇乜用，令到白血球跌？我諗要快啲抽血檢查喇。。。我真係好驚！

今日啲人返工，佢食飯嘅時候竟然打電話俾我，我開心到傻……其實我真係鍾意聽到佢聲多過 whatsapp ，好懷念以前佢一諗起我就會打嚟！

今晚佢收9點，我煮定飯等佢返，但因為雙手未好返，我就唔煎雞扒，改為用焗爐焗俾佢！啲人收工就返嚟食飯，我就買埋嘢飲等佢～個傻佬心情好似好靚咁，成晚對我都好温柔同賣口乖，嘻嘻。。。食完飯就幫佢整嗰個響日本買嘅除毛器，一路幫佢整，一路覺得好 sweet ！

尋晚有人話帶我去澳門睇小丸子，仲要係佢請我添呀～啲人話我平時成日陪佢睇佢鍾意嘅嘢，今次應該輪到佢，聽到佢咁講，我真係好開心好開心好開心。。。好想快啲去嗰到，好想快啲同佢二人世界，好想好想。。。低能仔，多謝你呀！

分類: 我們的生活點滴

[ 訪客留言(0) ] [ 編輯日誌 ]

2016 年 6 月 22 日星期三


	開心一啲

今朝返尖沙咀，又係好早起身～而啲人今日就放假，原本諗住佢可以好好抖吓，但最後佢都係好早起身去交收！

今日上網見到澳門套票好抵，心思思好想去～除咗因為有小丸子展覽之外，最大嘅原因係佢媽咪下個月返，我好想同佢二人世界多一次！好想同佢去外地玩同影相。。。不過都係要諗清楚先～因為啲人話除咗小丸子就冇其他嘢睇！

今晚有人一早過咗嚟 K11 等我，但我收8點，結果佢要坐成個鐘頭我先收工，收工後我哋響101食完飯，行咗一陣就走！其實我好想見佢耐啲，因為佢聽晚又收好夜，星期五又約咗人食飯，見嘅時間都唔會多。。。最後我都係叫咗佢返去，可能佢返到去會開心一啲！

分類: 我們的生活點滴

[ 訪客留言(0) ] [ 編輯日誌 ]

2016 年 6 月 21 日星期二


	只因為。。。

尋晚瞓得好差，雙手痕得好緊要！今朝頂唔順要去睇醫生。。。

今日成日都冇見過低能仔，我好掛住佢，好想佢好似尋日咁，見我雙手好痕，但為咗唔俾我抓，就好輕手咁摸我雙手，等我可以舒服啲冇咁辛苦。。。不過佢今日除咗要返工外，仲要忙住交收～所以唔得閒返嚟睇我！

我今日成日都響屋企休息，食咗醫生開啲藥就瞓著咗～醒咗就拎番我同低能仔啲相嚟睇，不知不覺已經響日本返咗嚟成個月，好掛夜日對夜對嘅日子，如果嫁咗俾佢可以好好咁服侍佢，好幸福咁生活就好，只要可以同佢一齊，無論捱幾多苦都冇所謂，只因嗰個係佢～

分類: 我們的生活點滴

[ 訪客留言(0) ] [ 編輯日誌 ]

2016 年 6 月 20 日星期一


	我們的三十七個月

我們的三十七個月

今日係我哋嘅三十七個月，等咗今日真係好耐。。。因為又可以同啲人一齊放假！今朝十點幾就醒咗，我估啲人應該仲瞓緊，所以由佢繼續瞓，而我自己就肚餓，響屋企揾啲嘢食咗先～

晏晝啲人醒咗，我就過咗佢到～二人世界途中當然小不免有啲小插曲，其實每一次當佢都係咁嘅時候，我好難唔會去諗係咪我嘅問題，甚至係我令唔到佢滿意先會咁！坦白講，有邊個會唔介意？有邊個唔希望自己男朋友第一個諗到係自己？呢排個心真係覺得好唔舒服～一直都係。。。

有人帶咗我去太安樓食我想食嘅嘢，天氣真係太熱，加上我雙手令到我好唔舒服，同埋個心所諗嘅嘢，所以我真係唔多有表情～但其實佢記得應承咗我去嗰到，我真係已經好開心架喇！夜晚我哋去咗睇戲，好難先揾到一套大家都會去睇嘅戲～我好享受同佢一齊睇戲嘅時候，而且套戲我都覺得好睇！

睇完戲之後，我終於都問咗佢一句“同我一齊係咪已經悶”？其實我一直響到諗同佢響屋企嘅嘢，佢同我一齊會鍾意上網睇嘢，我好怕所有嘢都因為已經悶而發生，我好怕所有嘢都因為已經悶而去交功課！我好怕真係好怕。。。因為我依然好愛你，所以先會咁怕，你明白嗎？

分類: 我們的生活點滴

[ 訪客留言(0) ] [ 編輯日誌 ]

2016 年 6 月 19 日星期日


	♡Happy Papa's Day ♡

今日係爸爸節，七點幾就起身準備出去同爸爸、阿麻佢哋落灣仔飲茶～臨出去飲茶之前，爸爸帶咗我返去佢公司，種感覺好特別！

記得響我小學嘅時候，爸爸都帶過我返工，當時佢公司仲未搬去黃竹坑，而係仍然響田灣。。。嗰時爸爸好錫家姐，冇乜時間理我，所以可以癡住爸爸係一件好開心嘅事～去到佢公司佢個個同事都對我好好，特別有一個女人對我特別好，仲帶我落街買嘢食，嗰一刻好開心，除咗有嘢食之外，仲係爸爸對我又攬又錫嘅一日，但點知原來嗰個女人，就係爸爸背後嘅情人！

去完爸爸公司放閃後，我哋就去灣仔飲茶。。。今日叫咗好多嘢食，好多都係我鍾意食嘅嘢，假如低能仔都可以一齊同爸爸慶祝咁就好，我好想以後可以多一個人一齊孝順爸爸！飲完茶我就買埋餸返咗屋企瞓。。。

夜晚我同爸爸落咗香港仔食飯，而啲人原來返旺角，但又冇講低。。。結果食完飯我怕趕唔切煮飯，就嗱嗱臨趕返去煮。。。點知原來佢收9點，嗰一刻有啲無奈，因為我乜都唔知！佢收工後就返咗嚟食飯，服侍佢食完飯，我哋就一齊睇咗陣電視同幫佢按摩咗陣，我就返咗屋企。。。聽日就係我哋37個月喇！

希望佢今晚早啲休息，聽日可以精精神神咁過我哋嘅37個月啦。。。

分類: 我們的生活點滴

[ 訪客留言(0) ] [ 編輯日誌 ]

« | 170 | 171 | 172 | 173 | 174 | 175 | 176 | 177 | 178 | 179 | ... | 384 | »