一切從蝴蝶酥開始 - QOOZA 網上日誌

jessica1207yi : 個人主頁 - 相簿 - 訂閱 [ QOOZA - 論壇 - 登入 ]

人氣：34276

一切從蝴蝶酥開始

不知不覺愛上你……

我的資料

暱稱：低能仔♡低能妹

MORE...

最新日誌

•	一切從蝴蝶酥開始
•	半年後
•	分開。。。
•	放假喇
•	安全感

日誌分類

•	全部 (1919)
•	我的生日之旅@台北2018 (2)
•	我們的一週年甜蜜之旅2014♡台北 (5)
•	我們的三週年甜蜜之旅2016♡Osaka (6)
•	我們的五週年甜蜜之旅2018♡OsAkA (4)
•	我們的五週年甜蜜之旅2018♡台北 (4)
•	我們的生活點滴 (1883)
•	我們的四週年甜蜜之旅2017♡東京 (7)
•	我們的兩週年甜蜜之旅2015♡台北 (5)
•	我們的甜蜜之旅2018"♡澳門 (2)
•	未分類 (1)

訪客留言

最近三個月尚無任何留言

最近訪客

最近沒有訪客

每月文章

•	2020 年 02 月 (1)
•	2019 年 06 月 (5)
•	2019 年 05 月 (1)
•	2019 年 03 月 (4)
•	2019 年 02 月 (6)
•	2019 年 01 月 (5)

MORE...

日誌訂閱

尚未訂閱任何日誌

[ 訂閱此日誌 ]

我的好友

我的連結

•

差半步

日誌統計

文章總數： 1919

留言總數： 87

今日人氣： 3

累積人氣： 34276

2016 年 5 月 29 日星期日


	一個人的假期

今朝原本唔想起身出去同爸爸飲茶，因為係咁咳，個人好攰。。。但爸爸唔俾，要我出去睇醫生！

搞掂晒啲嘢之後，我就返屋企執屋，爸爸買咗張床俾我，聽日張床就送嚟！但我聽日要返工冇時間執，今日一定要整好晒啲嘢，食咗藥已經好眼瞓，但可惜冇得瞓！

夜晚就同咗四嬸佢哋去食飯，換轉以前我應該唔去，寧願留響屋企煮飯等低能仔返，但今晚我選擇出咗去，或者因為我希望我哋見小啲可以多番啲話題，甚至矛盾與及唔開心都可以小啲！所以今晚食完飯之後，我都冇趕去接佢收工，而佢亦冇等我，自己返咗屋企先！

分類: 我們的生活點滴

[ 訪客留言(0) ] [ 編輯日誌 ]

2016 年 5 月 28 日星期六


	對唔住

今日係大假後，首個工作日，尋晚又係冇乜點瞓，成晚不停咳。。。加上今日響公司又發生咗啲嘢，令我心情更差～

今日收6點，收工後就趕去尖沙咀同 win win 佢哋食飯，同佢哋食吓、傾吓，感覺真係放鬆好多～食完嘢我就同 Louisa 一齊走，好耐都冇同佢兩個人傾計喇！好掛住有佢一齊返工嘅日子。。。

夜晚過咗銅鑼灣接埋低能仔一齊走，有人同我行咗一陣，去到 sogo 我要佢買番份差我嘅禮物，我揀咗盒買一送一嘅朱古力栗米粒，我覺得呢個價錢已經足夠，況且朱古力係甜架嘛。。。我想我哋一直甜甜蜜蜜，所以就揀呢樣！

有人仲陪我響 sogo 玩，我哋扮返咗大阪，扮響大阪行緊街買手信，呢一刻我真係好開心，因為我覺得好浪漫，講真有幾多個男人願意陪你傻？簡簡單單咁玩吓已經好幸福同浪漫喇！

低能仔，對唔住！我今晚唔係有心咁講嘢。。。其實我點會唔鍾意你媽咪？我都好想孝順佢，只係我唔知應該點做？！坦白講自從認識你媽咪之後，我都好錫佢，係真心架！如果唔係點會佢每次返嚟前我都咁緊張整你間屋，同買定嘢俾佢飲？只係唔想佢咁辛苦再要整咋。。。但我覺得自己做唔到一個佢認同嘅人，加上最近嘅嘢，我會覺得好大壓力～我知我講出嚟你會唔開心，但我唔同你講又可以同邊個講？我冇可能同其他人講呢啲架嘛。。。希望你可以明白我，對唔住呀！

分類: 我們的生活點滴

[ 訪客留言(0) ] [ 編輯日誌 ]

2016 年 5 月 27 日星期五


	發高燒

今朝鬧鐘未響我就咳醒咗，個人好暈。。。媽咪過嚟睇我，原來我發緊高燒，成個人都好熱！食完藥之後，就返上床繼續瞓～

尋日應承過啲人，我醒咗就一定要揾佢，所以我都有乖乖哋揾佢，話佢知我發緊高燒～其實嗰一刻我好想我仲響大阪，咁就可以嗲佢，等佢照顧我！

今日成日得我一個響屋企，我唔係食藥就瞓覺，個人依然好攰，而啲人就開工。。。我估我哋今晚都係唔會見！我好掛住佢，好想返番大阪，好掛住我哋住嗰間屋呀！你呢，你又有冇掛住我哋同居嗰幾日呀？

分類: 我們的生活點滴

[ 訪客留言(0) ] [ 編輯日誌 ]

2016 年 5 月 26 日星期四


	最後一日

今朝零晨兩點先返到屋企，成家人都等我返嚟，又留定嘢俾我食。。。好 warm～即時所有唔開心都冇晒！

執埋行李成4點幾先瞓，個人好攰～但又瞓得唔好！唔知係咪習慣咗呢幾日都有個人瞓響隔離，兼且我有時會瞓瞓吓起身睇佢有冇冚被，所以尋晚我瞓瞓吓都好自然望吓隔離，不過隔離唔係佢，而係 bello ，但我都有幫佢冚被架！

今日十二點幾就醒咗。。。有人 whatsapp 問我做乜醒咗唔話佢知？嗰一刻有啲愕然。。。佢好少會咁架！之後我哋就一齊去食嘢，順便帶番啲行李俾佢～食完嘢各自返咗屋企，我整埋啲嘢過阿麻到，就去咗睇醫生，夜晚佢就帶我落街食飯！雖然今日見得唔似呢幾日咁多，但都算開心嘅，因為有人話佢會對我好啲。。。唯獨有啲唔開心係因為佢媽咪！

一直我都感覺到佢媽咪未必鍾意我，但今日種感覺就更肯定～其實我真係好努力去對佢哋好，無奈我做乜都好似得唔到認同，嗰種感覺好難受，兼且好大壓力。。。一直以嚟我好少為咗嗰個人鍾唔鍾意而咁上心，但唯獨佢兩母子就令我有呢種感覺，特別因為佢係低能仔媽咪，我更加緊張。。。究竟我要做啲咩先可以令到大家都開心呢？

分類: 我們的生活點滴

[ 訪客留言(0) ] [ 編輯日誌 ]

2016 年 5 月 25 日星期三


	甜蜜之旅♡Osaka day 6

依家響飛機上面，眨吓眼就最後一日，今朝我都係比佢更早起身，執埋間屋先叫醒佢！呢幾日我真係好攰好攰。。。。

搞掂啲嘢後我哋都係去番梅田，今日竟然揾到啲我之前想揾，但又冇去揾嘅嘢！我發現我心情唔好真係會喪買嘢食，其實我心情真係唔好！

呢幾日嘅大阪之旅，同之前兩次台灣好唔同！我覺得冇之前咁開心，好似做乜都令唔到佢開心之餘，仲搞到大家都黑口黑面～其實我每一次叫佢買嘢俾我，我都好想佢會笑住話好……當然我冇要佢真係買比我，每次我都會自己俾錢！我陣係想感覺到佢係在乎我，對我唔會有計較，就好似我對佢咁！或者有時呢啲細微嘅嘢，會令到自己有啲唔舒服～同時亦會諗將來咁點？

呢個旅行我覺得自己已經唔使佢照顧，除咗認路之外，其他嘢原來自己都獨立到，不論啲嘢有幾重，我都堅持自己拎番！就算平時自己冇試過開機洗衫、掠衫，原來都唔係好難，自己都搞得掂！就連依家響飛機我同佢分開坐，平時可能我會有啲驚，但呢一刻我發現我真係可以獨立到喇！

經過呢個旅程後，我突然響到諗，明年今日我哋仲可以一齊過嗎？因為落機之後，同響大阪一樣冇講過嘢～我好掛住之前嘅佢，好掛住“差半步”嘅佢～

分類: 我們的三週年甜蜜之旅...

[ 訪客留言(0) ] [ 編輯日誌 ]

« | 175 | 176 | 177 | 178 | 179 | 180 | 181 | 182 | 183 | 184 | ... | 384 | »