一切從蝴蝶酥開始 - QOOZA 網上日誌

jessica1207yi : 個人主頁 - 相簿 - 訂閱 [ QOOZA - 論壇 - 登入 ]

人氣：34298

一切從蝴蝶酥開始

不知不覺愛上你……

我的資料

暱稱：低能仔♡低能妹

MORE...

最新日誌

•	一切從蝴蝶酥開始
•	半年後
•	分開。。。
•	放假喇
•	安全感

日誌分類

•	全部 (1919)
•	我的生日之旅@台北2018 (2)
•	我們的一週年甜蜜之旅2014♡台北 (5)
•	我們的三週年甜蜜之旅2016♡Osaka (6)
•	我們的五週年甜蜜之旅2018♡OsAkA (4)
•	我們的五週年甜蜜之旅2018♡台北 (4)
•	我們的生活點滴 (1883)
•	我們的四週年甜蜜之旅2017♡東京 (7)
•	我們的兩週年甜蜜之旅2015♡台北 (5)
•	我們的甜蜜之旅2018"♡澳門 (2)
•	未分類 (1)

訪客留言

最近三個月尚無任何留言

最近訪客

最近沒有訪客

每月文章

•	2020 年 02 月 (1)
•	2019 年 06 月 (5)
•	2019 年 05 月 (1)
•	2019 年 03 月 (4)
•	2019 年 02 月 (6)
•	2019 年 01 月 (5)

MORE...

日誌訂閱

尚未訂閱任何日誌

[ 訂閱此日誌 ]

我的好友

我的連結

•

差半步

日誌統計

文章總數： 1919

留言總數： 87

今日人氣： 25

累積人氣： 34298

2016 年 4 月 29 日星期五


	瞓

今日原本要返寫字樓幾個鐘，不過尋晚食咗啲藥之後，不知不覺咁瞓著咗，而今朝又覺得好暈，最後我就揀翻原本嘅更表，繼續放假～

今日成日唔係食藥就瞓覺，完全同張床相依為命咁！十二點幾醒咗就同我bb講，我仲響屋企冇返到去，跟住就食埋藥繼續瞓！有人今日要考試，唔知佢考成點？

佢7點幾就返咗嚟，其實我一直都諗住陪佢食完嘢我就返屋企，不過係咪又有誤會呢？我承認我好怕我哋之間好靜，好怕要估對方個心諗乜，特別係當食完藥，個腦實晒乜都諗唔到嘅時候，所以當佢食緊飯望住我時，我覺得佢好似有嘢想講咁？！有一刻我覺得佢係想同我講分開架。。。

分類: 我們的生活點滴

[ 訪客留言(0) ] [ 編輯日誌 ]

2016 年 4 月 28 日星期四


	二人世界

終於都嚟到星期四喇！我期待咗今日好耐，因為今日係我同低能仔出去拍拖嘅日子～

今日我哋去咗銅鑼灣食下午茶，我知道自己真係好唔舒服，我記得有人話過要我一唔舒服就要同佢講，但我講完之後，佢又話我陣係嗲佢，嗰一刻我覺得無所適從，因為講又俾佢話，唔講又俾佢話！

食完嘢我哋就過咗尖沙咀換錢，不過我冇乜出聲，我唔知點適應。。。我好驚又做錯嘢令佢唔開心，我好怕呢種感覺！換完錢我哋就去咗旺角～好耐都冇一齊行過街喇！今日一齊行邊我都覺得好新鮮，雖然睇嘅都係佢嘅嘢，但我都好開心，有佢響身邊陪住我，我就覺得開心！

今晚有人捉咗我去睇醫生，食完啲藥好快就開始好攰同暈，上到車已經攰到瞓著咗。。。有人好好，攬住我俾我瞓！低能仔，多謝你～

分類: 我們的生活點滴

[ 訪客留言(0) ] [ 編輯日誌 ]

2016 年 4 月 27 日星期三


	尖沙咀

尋晚不知不覺瞓著咗，連低能仔嘅 whatsapp 都miss 咗，好失望呀！因為尋日佢勁忙，我哋冇乜時間傾計，我諗住等佢返到屋企可以傾5分鐘，點知我就瞓著咗～

今日返尖沙咀返十點，又要一早起身。。。個人仍然好攰！不過都唔夠啲人攰，因為佢尋晚通宵，心痛死我呀！我諗住佢下晝搞掂晒啲嘢就叫佢返屋企，點知佢今晚要教班，所以冇得休息。。。

收工之後，我就落咗銅鑼灣等佢，因為有個傻佬知我冇帶錢諗住返去先，就同我講今晚帶我食飯，我覺得好sweet！見佢咁錫我，我梗係要氹吓佢開心啦。。。我買咗件栗子蛋糕俾佢，嘻嘻！！今晚佢遲咗收工，所以等咗好耐，不過一見到佢我就精神晒～個傻佬一嚟到就摸我個頭，見我周身都發熱，個樣即時好心痛咁，低能仔，有你咁緊張我，我乜事都冇啦！食完飯有人帶我行咗一陣，我知佢已經好攰，但都仲陪我，我真係覺得好內疚～低能仔，你要好好休息呀！

分類: 我們的生活點滴

[ 訪客留言(0) ] [ 編輯日誌 ]

2016 年 4 月 26 日星期二


	忙

今日又要好早起身，朝早食完個早餐之後，就開始肚痛同肚屙。。。或者係個早餐唔乾淨～幸好今日係返寫字樓，可以好好抖吓！

今日除咗個早餐外，就冇食過晏晝喇！而啲人今日就好忙，我知道忙埋呢兩日就搞掂，所以我唔夠膽騷擾佢。。。收工就自己返屋企，冇佢嘅夜晚我食得好簡單，只係整咗個杯麵食就算～其實今日成日都好想話你知，我好掛住你呀！希望快啲到星期四啦。。。好想同你二人世界呀！

分類: 我們的生活點滴

[ 訪客留言(0) ] [ 編輯日誌 ]

2016 年 4 月 25 日星期一


	好甜

今日返尖沙咀，不過就返十二點，可以瞓晏少少～而啲人今日就偷懶返夜晚，但就要收十點！今日返工覺得時間好難捱，但幸好我收8點。。。唔使對佢咁耐！

收工後我就落咗銅鑼灣等我嘅bb，咁耐冇等佢，心情特別好！我響銅鑼灣地帶坐住煲劇，到佢臨收工先落去～因為今日實在太攰，我冇去到買甜品比佢，陣係企響樓下乖乖哋咁等佢！

今晚有人帶我去食我最愛嘅腸粉，個傻佬真係好傻，明明自己麻麻地嗰間嘢，就係因為我鍾意，就帶我去食！今晚佢仲對我好温柔，我覺得好幸福～食完飯雖然即刻返屋企，但響車佢都一直陪住我架，陪我上網、陪我傾計，仲陪我玩添～兼且仲好 sweet 咁送我返屋企，我真係覺得有佢我好幸福！唔知我哋去到關西嘅時候，可唔可以一樣咁sweet呢？

分類: 我們的生活點滴

[ 訪客留言(0) ] [ 編輯日誌 ]

« | 181 | 182 | 183 | 184 | 185 | 186 | 187 | 188 | 189 | 190 | ... | 384 | »