jessica1207yi : 個人主頁 - 相簿 - 訂閱  [ QOOZA - 論壇 - 登入 ]
人氣：34479 
一切從蝴蝶酥開始
不知不覺愛上你……
我 的 資 料

暱稱： 低能仔♡低能妹
MORE...
«‹ July 2026 ›»
SMTWTFS
1234
567891011
12131415161718
19202122232425
262728293031
最 新 日 誌
•一切從蝴蝶酥開始
•半年後
•分開。。。
•放假喇
•安全感
日 誌 分 類
•全部 (1919)
•我的生日之旅@台北2018 (2)
•我們的一週年甜蜜之旅2014♡台北 (5)
•我們的三週年甜蜜之旅2016♡Osaka (6)
•我們的五週年甜蜜之旅2018♡OsAkA (4)
•我們的五週年甜蜜之旅2018♡台北 (4)
•我們的生活點滴 (1883)
•我們的四週年甜蜜之旅2017♡東京 (7)
•我們的兩週年甜蜜之旅2015♡台北 (5)
•我們的甜蜜之旅2018"♡澳門 (2)
•未分類 (1)
訪 客 留 言
最近三個月尚無任何留言
最 近 訪 客
最近沒有訪客
每 月 文 章
日 誌 訂 閱
尚未訂閱任何日誌
我 的 好 友
我 的 連 結
•差半步
日 誌 統 計
文章總數： 1919
留言總數： 87
今日人氣： 50
累積人氣： 34479
RSS Feed
2016 年 4 月 14 日  星期四   晴天
好耐了。。。
尋晚成晚個頭勁痛，瞓得一啲都唔好，今朝十點幾就痛醒咗。。。

我一直以為佢今朝返工，直到佢點幾�H時候whatsapp 我，我仲好開心咁以為佢依家返，點知原來係佢嗰時先去返工，雖然只係我一廂情願咁諗，最後都唔係事實。。。但能夠開心過一陣都好過無吖！

晏晝因為個頭好痛，就留咗響屋企瞓，一瞓瞓到5點幾先醒，然後就落街買餸煮飯！今晚真係好攰，但又好想佢可以食得好啲，所以頂硬上照煮飯。。。今晚煮得好簡單，只係炒咗碟菜、腸仔、餃子同咖喱雞扒飯∼佢放工就返咗嚟，不過食完飯就睇咗一陣電視就返咗去。。。好耐都冇試過好二人世界�H二人世界喇！




 


分類: 我們的生活點滴
 [ 訪客留言(0) ] [ 編輯日誌 ]

2016 年 4 月 13 日  星期三   晴天
夫妻相
今朝好大雨，大到連帶咗遮都濕晒！幸好低能仔今日放假，如果唔係我怕佢會淋病呀！可能我今朝淋濕咗又吹冷氣，搞到個頭勁痛，由開工痛到收工！

有人今日瞓到十二點幾先起身，同我 whatsapp 咗一陣，仲知我掛住佢，所以打電話俾我添！個傻佬下晝出咗去拍片，佢尋晚一早已經講咗唔會嚟接我，叫我收工自己返佢到。。。

差唔多7點我執嘢收工時，Kimmy 突然同我講，有個男仔企響鋪頭前面好似我男朋友，我嗰刻仲響諗，呢個世界會有人咁似咩？點知一擰轉頭望過去，原來嗰個係 bb！好開心同 surprise ∼走�H時候，Kimmy  細細聲同我講，我同低能仔好有夫妻相，希望我之後同佢都可以好幸福！

雖然今晚我哋只係簡單食餐飯，但我都好開心，因為佢知我頭好痛，就全程 take care 我，又幫我按摩又拖實我行，兼且陪我玩添，嘻嘻。。。食完飯我哋就搭車返去！我返到屋企頭痛到係咁嘔，嘔到喊咗出嚟。。。低能仔，我本來想打電話俾你嗲吓你，但我話過會支持你，所以最後都冇打呢個電話，只係 whatsapp 你∼




 


分類: 我們的生活點滴
 [ 訪客留言(0) ] [ 編輯日誌 ]

2016 年 4 月 12 日  星期二   晴天
默默。。。
尋晚瞓得好差，成晚瞓吓醒吓。。。搞到今朝唔願起身，我諗要到我同低能仔�H甜蜜之旅2016”，我先可以真正休息吓，因為有佢響我身邊攬住我瞓，每次我會瞓得特別好！不過今朝都好 sweet �H，有人響我起身前已經 whatsapp 我，仲同我傾咗一陣添∼

今日返康怡，又有一堆嘢要整！而啲人今日成日都好忙，我唔夠膽揾佢，只係等佢有時間先揾我∼雖然有啲唔習慣，但我知佢真係好多嘢做，搞到最近都冇乜時間休息，我冇嘢幫得到佢，唯一可以做�H，只有唔騷擾佢，比佢靜靜哋咁做嘢！

收工後我就落咗銅鑼灣揾佢，臨揾佢前我又偷偷哋去買咗個 cheese tart 比佢，我知道佢唔鍾意我買嘢比佢食，但我唯一可以令佢感覺到我 support 佢就只有咁樣，我知道嗰一刻佢原本係想話我，但最後佢都冇出聲！

今晚有人帶我去食飯，佢同我講笑咁話我，但我因為返工�H嘢唔開心，加上呢段時間佢亦好忙，所以想借啲意嗲佢同比佢氹！個傻佬帶咗我去買住多啤梨，其實我唔係需要買嘢，只係我享受你帶我去買嘢食時，有耐性陪我揀嗰一刻，嗰一刻係我最開心�H時候。。。



 


分類: 我們的生活點滴
 [ 訪客留言(0) ] [ 編輯日誌 ]

2016 年 4 月 11 日  星期一   晴天
有了你
今朝可以瞓到十點幾先醒，因為今日返 WTC 。。。有人一早就 whatsapp 我，雖然叫我上佢到睇吓有冇鎖門，但我都好 sweet ，起碼佢有咩事都會諗起我先！

今日返工唔算多客，但個個客都搞好耐，加上之前公司出咗少少問題，Irene & Maggie 都揾我傾吓啲解決方法，加埋鋪上�H嘢，我已經覺得好攰∼特別個頭勁痛！

夜晚又響 MT 調咗個新人過嚟 train ，教咗一大輪，低能仔就到咗喇！見到佢我先覺得精神番啲。。。不過今晚又搞到夜咗收工，要佢企咗好耐先走得，對唔住呀！

低能仔，其實你唔使就我食嘢架！只要係你鍾意食，我就鍾意食，相反如果去咗一度你唔太喜歡�H地方食嘢，就算有我最想食�H腸粉，我都會食得唔開心∼因為我想同你食啲你都鍾意�H嘢，呢個就係我夢想！其實只要係可以見到你、有你響身邊，臭豆腐都可以係人間美食！



 


分類: 我們的生活點滴
 [ 訪客留言(0) ] [ 編輯日誌 ]

2016 年 4 月 10 日  星期日   晴天
Mami B-day
好耐都冇放過星期日喇！今日終於都可以放番，一早俾爸爸叫醒去食嘢，咁耐冇陪佢，就算幾唔願意起身都要陪佢啦！媽咪今日生日，本來同佢夜晚出街食，但爸爸病咗，我哋就決定今晚響屋企煮∼

買晒所有嘢我就返咗屋企，今日真係好攰兼且個肚好痛，但幸好都買齊所有嘢，仲買埋吸塵機添。。。返到屋企我攰到瞓著咗，一瞓瞓到7點幾！而今晚餐飯最後由家姐煮。。。

有人今晚收工要交收，9點幾先返到，點知返到嚟又要再落街交收，而我就響屋企吸塵同預備定啲飯俾佢。。。我其實有少少唔開心，因為我知佢攰，又要做功課！見�H時間一定唔多，我好想佢陪住我∼ 


分類: 我們的生活點滴
 [ 訪客留言(0) ] [ 編輯日誌 ]


« | 184 | 185 | 186 | 187 | 188 | 189 | 190 | 191 | 192 | 193 | ... | 384 | »