jessica1207yi : 個人主頁 - 相簿 - 訂閱  [ QOOZA - 論壇 - 登入 ]
人氣：34274 
一切從蝴蝶酥開始
不知不覺愛上你……
我 的 資 料

暱稱： 低能仔♡低能妹
MORE...
«‹ July 2026 ›»
SMTWTFS
1234
567891011
12131415161718
19202122232425
262728293031
最 新 日 誌
•一切從蝴蝶酥開始
•半年後
•分開。。。
•放假喇
•安全感
日 誌 分 類
•全部 (1919)
•我的生日之旅@台北2018 (2)
•我們的一週年甜蜜之旅2014♡台北 (5)
•我們的三週年甜蜜之旅2016♡Osaka (6)
•我們的五週年甜蜜之旅2018♡OsAkA (4)
•我們的五週年甜蜜之旅2018♡台北 (4)
•我們的生活點滴 (1883)
•我們的四週年甜蜜之旅2017♡東京 (7)
•我們的兩週年甜蜜之旅2015♡台北 (5)
•我們的甜蜜之旅2018"♡澳門 (2)
•未分類 (1)
訪 客 留 言
最近三個月尚無任何留言
最 近 訪 客
最近沒有訪客
每 月 文 章
日 誌 訂 閱
尚未訂閱任何日誌
我 的 好 友
我 的 連 結
•差半步
日 誌 統 計
文章總數： 1919
留言總數： 87
今日人氣： 1
累積人氣： 34274
RSS Feed
2016 年 3 月 20 日  星期日   晴天
我們的34個月
我們的34個月。。。

唔經唔覺已經34個月，仲有兩個月就三年喇！曾經聽人講過，三年係一個關口，假如大家都仲可以響埋一齊，咁就可以叫感情穩定，其實我開始有啲驚，因為好多時佢都會嫌棄我煩∼而我就到依家都冇嫌棄過佢啲乜，依然仲好愛佢！有時我真係寧願一切都調番轉，佢愛我多過我愛佢∼

今日有人好早就出咗嚟陪我，佢帶我去咗銅鑼灣食嘢，跟住就四圍行，今日佢冇掛住睇佢�H嘢，反而就帶我行唔同�H商場∼兼且仲陪我玩。。。夜晚行咗陣188，食埋飯就返咗屋企二人世界！

今晚我哋試咗樣新嘢“修眉”，修眉對我嚟講算係一件冇難度�H嘢，因為平時幫人化妝，都會幫客修修條眉。。。但要幫低能仔修，就有啲壓力！始終有啲咩閃失，佢就會殺咗我，哈哈。。。幸好一切順利！兼且有人仲俾咗＄100我，咁樣儲吓儲吓，應該好快儲夠錢買吸塵機喇！其實每次罰佢啲錢，我都會收好去，再用番響佢身上，咁樣我覺得好開心！！

低能仔，仲有兩個月我哋就響日本，兼且就三年喇！你可唔可以應承我，愛我多一啲？對我唔好咁快嫌我煩？每次你一嫌我煩，我就寧願變番之前咁，唔想再講嘢。。。我只係希望同你開開心心咁到老，我唔會知自己幾時會令你唔鍾意、幾時又會令你覺得煩架？！我真係適應唔到。。。。




 


分類: 我們的生活點滴
 [ 訪客留言(0) ] [ 編輯日誌 ]

2016 年 3 月 19 日  星期六   晴天
其實
做咗癈人咁多日，係時候要做番個有用�H人喇！今朝9點幾醒咗就食藥，然後就瞓多一陣∼

醒咗就同媽咪去咗食嘢，然後就買餸。。。搞掂晒啲嘢就去買定啲日用品過低能仔到，有人放低鎖匙俾我，今日要執屋喇！雖然好耐冇抹過，但無我想像中咁污糟，我估個傻佬自己都有抹吓∼不過可能仲未好番晒，所以有啲吃力同辛苦！今日我一路抹屋，一路好掛住啲人！唔知佢係咪好忙？今日佢冇乜時間揾我。。。

搞掂啲嘢就返屋企煮飯，今晚啲人收工後，要幫人表演，所以成10點先返到。。。服侍埋佢食埋飯，同按摩完，我見佢癡住張床唔郁，我就走咗喇（每次我響到佢都好似特別攰咁，一走咗佢又會好精神，其實係咪我�H問題？）今晚。。。佢連攬住我瞓都唔想咁∼係咪我又做錯啲乜？




 


分類: 我們的生活點滴
 [ 訪客留言(0) ] [ 編輯日誌 ]

2016 年 3 月 18 日  星期五   晴天
改不了。。。
今日終於都到我哋二人世界喇！等咗好耐好耐∼今朝起身之後，就落咗林德华到拎藥！仲要食多6日藥再覆診，先決定要唔要減藥？！唔想再食咁多藥喇。。。因為真係好攰！

低能仔，其實我知道自己呢排唔舒服，皮氣真係差咗好多，但你都依然遷就我，乜都由得我。。。對唔住呀！我令你咁辛苦∼你知嘛，要長時間帶住個口罩，我真係覺得又焗又暈，不過又冇得選擇，去到公眾地方就要帶住，嗰種感覺好辛苦，但見到你今日為咗感受我嗰種感覺，而同我一齊帶住，其實我既心痛又感動！

今晚終於都到你比賽喇！你知嘛。。。其實你唔係唱得唔好，只係今晚啲對手真係太強，加上你係第一個，唔多唔少都會比較緊張！一直以嚟我覺得你唱歌真係好好聽，我成日都覺得自己有個識唱歌�H男朋友，係一件好幸福�H事∼但你真係要用心記熟啲歌詞，咁先會更加進步！

今晚我為你做咗一件小事，可能對於你嚟講，唔代表啲乜。。。我只係想話你知，你對我有幾重要？！但其實我好嬲自已，點解咁耐都改唔到？我已經好努力好努力。。。




 


分類: 我們的生活點滴
 [ 訪客留言(0) ] [ 編輯日誌 ]

2016 年 3 月 17 日  星期四   晴天
還要。。。捱多久？
假期�H第二日，我依然做一個癈人∼今朝瞓到十一點，起身就見到有人 whatsapp 我喇！不過啲人仲未做好功課，所以我哋冇出去，等佢可以慢慢做，但佢下晝都帶咗我去食嘢！

雖然只係見咗一陣，但我都好開心∼有人俾我嗲，又同我去 supermarket 玩咗一陣。。。跟住就送我返屋企！低能仔我好唔捨得你∼

今日依然都係啲骨頭好痛，而且個頭又有少少熱，搞到攰上加攰。。。食咗啲藥就乖乖哋爬番上床瞓響到！因為啲人要我食咗藥瞓一陣。。。而佢就去咗返工！

今晚佢收工就返咗婆婆到，本來佢話返嚟睇我，但我知道佢都攰，我就叫咗佢返屋企！其實我想佢攬住我瞓。。。我病咗咁耐都冇俾佢攬住氹我瞓喇！我好掛住嗰種二人世界∼

聽日又要返林德华到拎藥喇！究竟呢啲日子，仲要捱幾耐呀？但幸好仲有個二人世界俾我甜一甜，因為有人聽日放假喇！！





 


分類: 我們的生活點滴
 [ 訪客留言(0) ] [ 編輯日誌 ]

2016 年 3 月 16 日  星期三   晴天
我。。。很簡單
今日開始一連五日�H假期，等我可以好好養好個病∼今朝瞓到十一點先起身，發惡夢到醒咗。。。夢見自己又病得好緊要係 cancer，好多好多藥！我真係好怕要食咁多藥∼醒咗就有我�H bb 氹翻我。。。我食咗藥又再瞓番！

今日我成日都係一個癈人，除咗食藥之外，我就乜都冇做過！成個人依然好攰，成身啲骨都好痛。。。好唔舒服！而啲人今日就返工，不過佢都好 sweet 咁打咗兩個電話俾我，就係因為咁我又做番一個好乖�H女朋友留響屋企！

佢收工之後，我就叫佢返屋企，因為我知佢攰，亦知佢要做功課，假如仲要佢返嚟照顧我，佢就會攰上加攰，趕唔切做埋啲功課！低能仔，你要乖乖哋做晒啲功課呀∼愛你！



 


分類: 我們的生活點滴
 [ 訪客留言(0) ] [ 編輯日誌 ]


« | 189 | 190 | 191 | 192 | 193 | 194 | 195 | 196 | 197 | 198 | ... | 384 | »